അറിഞ്ഞു കാണുമോ എന്തോ? അവളുടെ മനസ്സ് പിടഞ്ഞു കൊണ്ടിരുന്നു. കാര്യമായി എന്നും രാവിലെ പത്രം വായിക്കുന്ന സ്വഭാവം ഉണ്ടായിരുന്ന ആളാണ്. അവിടെ സ്ഥിരമായി പത്രം കിട്ടുന്നുണ്ടോ ആവൊ? ടിവി എന്തായാലും ഉണ്ടാവില്ല. എങ്കിലുംമറ്റുള്ളവർ പറയാതിരിക്കുമോ. റോഡിലെങ്ങും ആളുകളെ കാണാതിരിക്കുമ്പോൾ എന്തായാലും സംശയം തോന്നും. അപ്പോൾ ആരോടെങ്കിലും ചോദിക്കാതിരിക്കില്ല. അവൾ സ്വയം ആശ്വസിച്ചു.
ഇവിടെ എന്തൊക്കെ കാര്യങ്ങൾ കിടക്കുന്നു അമ്മയ്ക്കുള്ള മരുന്ന് മൂന്നു മാസത്തേക്കുള്ളത് സ്റ്റോക്ക് ചെയ്യണം. ഒപ്പം വീട്ടു സാധനങ്ങളും. ഇനി ജോലിക്കുള്ള സഹായികളും വരവ് ഉണ്ടാവില്ല. എല്ലാ കാര്യങ്ങളും തനിയെ ചെയ്യണ്ടി വരും. ഫുൾ ടാങ്ക് പെട്രോൾ അടിക്കാൻ അപ്പുവിനോട് പറഞ്ഞിട്ടുണ്ടായിരുന്നു. അടിച്ചിട്ടുണ്ടാവണം. എന്തൊക്കെ മുന്നൊരുക്കങ്ങൾ ചെയ്താലും എന്തെങ്കിലുമൊക്കെ മറന്നിട്ടുണ്ടാവും. അവൾ മനസ്സിലോർത്തു.
“അല്ലെങ്കിലും താരയ്ക്കു എല്ലാം കളിമട്ടാണ് ഇനി എന്നാണാവോ ഒരു സീരിയസ്നെസ്സ് ഒക്കെ ഉണ്ടാവുക”വേണു എപ്പോഴും പറയാറുണ്ടായിരുന്ന വാചകം അവളോർത്തു.
“രണ്ടു കുട്ടികളായിട്ടും എല്ലാം ഇങ്ങനെ നിസ്സാരമാക്കി നടന്നാൽ മതിയോ താരേ ? “
അതേ, ഇങ്ങനെ മിടുക്കനായ ഒരു ഭർത്താവുണ്ടെങ്കിൽ അത് മതി എന്നാണ് എനിക്ക് തോന്നുന്നത്.
അതും പറഞ്ഞിട്ട് അവൾ പൊട്ടിച്ചിരിച്ചു.സ്നേഹത്തോടെ അവന്റെ കൈയ്യിൽ പിടിച്ചിട്ട് അവൾ കൂട്ടി ചേർത്തു.
അതിനാ എന്റെ പപ്പാ ഇങ്ങനെ മിടുക്കനായ ഒരാളെ എനിക്ക് കണ്ടു പിടിച്ചു തന്നത് ..
മതി,മതി നിന്റെ വർത്തമാനം. ഞാനില്ലാതെ വരുമ്പോൾ നീ പഠിച്ചുകൊള്ളും .
അതിനു വേണുവില്ലാതെ ഞാൻ എവിടെ പോകാനാണ്? എന്ത് ചെയ്യാനാണ് ? ഞാൻ എങ്ങും പോവില്ല ..
അതുശരി, താങ്ങാനാളുണ്ടെങ്കിലേ തളർച്ചയുണ്ടാവു ചെയ്യേണ്ട സാഹചര്യം വന്നാൽ എല്ലാവരും ചെയ്യും.
ഒന്ന് മതിയാക്കു വേണു, ഞാൻ കുട്ടിക്കളി നിർത്തിക്കോളാം .
പെട്ടെന്നവൾ പകച്ചു ചുറ്റും നോക്കി. ഇന്നെന്താണ് പഴയ കാര്യങ്ങളെല്ലാം മനസ്സിലേക്ക് ഓടി എത്തുന്നത് എന്നോർത്തു അവൾ അകത്തേക്ക് പോയി. സ്റ്റോർ റൂമിൽ കടന്ന് എല്ലാം ഉണ്ടെന്നു ഉറപ്പു വരുത്തി. ഇനി കുറച്ചു നേരം അമ്മയോടൊപ്പം ന്യൂസ് കാണാം. എല്ലാം കൊറോണ വിശേഷങ്ങൾ മാത്രം, തല ചൂട് പിടിക്കുന്നു. വേണുവിനെ ഒന്ന് വിളിച്ചു നോക്കിയാലോ, വീട്ടിലെ വിവരങ്ങൾ ഒക്കെ അറിയാതെ വേവലാതിപ്പെട്ടിരിക്കുകയായിരിക്കും.
വിളിക്കാൻ താമസിച്ചാൽ ദേഷ്യപ്പെട്ടേക്കും. അവൾ ഫോൺഎടുത്തു നമ്പർ ഡയൽ ചെയ്തു. കിട്ടുന്നില്ല, വീണ്ടുംവീണ്ടും ഡയൽ ചെയ്തു കൊണ്ടിരുന്നു. തെറ്റായ എസ്ടിഡി കോഡ് ആണത്രേ. സ്വർഗത്തിലെ കോഡ് എന്താണാവോ? ആരും പറഞ്ഞു തന്നില്ല . എല്ലാ കാര്യങ്ങളും പറഞ്ഞു തന്നിരുന്ന ആളാണല്ലോ. എങ്കിലും വേണു അത് മാത്രം പറഞ്ഞു തരാതെയാണല്ലോ പോയത്, അവൾ ചിന്തിച്ചു കൊണ്ടിരുന്നു….
4 Comments
Please mail to editors:
[email protected]
ഇല്ലാതെയാവുമ്പോൾ മാത്രമെ ആ ശൂന്യത മനസ്സിലാകൂ
അതേ , കണ്ണുള്ളപ്പോൾ കാഴ്ചയുടെ വില അറിയില്ലല്ലോ
❤️❤️