2003…
ഒൻപതാം ക്ലാസ്സ്..
ക്രിസ്തുമസ് പരീക്ഷക്ക് മുൻപൊരു ദിവസം. ക്ലാസ്സിൽ രണ്ടാമത്തെ ബെഞ്ചിൽ അവസാനം ഇരുന്നത് മിഥുൻ എന്നൊരു ഘടാഘടിയൻ ആയിരുന്നു. രണ്ടോ മൂന്നോ വർഷമേ ആയിട്ടുള്ളൂ അവൻ ആ സ്കൂളിലേക്ക് വന്നിട്ട്. എട്ടാം ക്ലാസ്സിൽ പഠിക്കുമ്പോൾ നരസിംഹം സിനിമ കണ്ടിട്ട് വന്നിട്ട് സ്കൂളിലെ തൂണ് ചൂണ്ടി കാട്ടി “തൂണ് പിളർന്നു ഞാൻ വരും” എന്നൊക്കെ ലാലേട്ടന്റെ ആ ഡയലോഗ് ഞങ്ങളോട് പറയുമായിരുന്നു. എന്തിനാണോ എന്തോ 😌😌
അങ്ങനെ ഉള്ള ഈ മഹാൻ ഒൻപതിൽ പഠിക്കുമ്പോൾ ഒരു ദിവസം വൈകുന്നേരം അവസാന പീരിയഡ് തീരാൻ നേരം എന്നോട് ഒരു ഡയലോഗ്, “എടാ, നീ നോക്കണ ആ പെണ്ണില്ലേ, അവളു പെഴയാണെ”ന്ന്…
എന്നോട് ഒരു വാക്ക് മിണ്ടിയിട്ടില്ലേലും, ഇഷ്ടമാണെന്ന് ഞാൻ അവളോട് പറഞ്ഞിട്ടില്ലേലും അവൻ അങ്ങനെ പറഞ്ഞത് എനിക്ക് സഹിക്കാവുന്നതിലും അപ്പുറമായിരുന്നു. സ്കൂൾ വിടാനുള്ള ലാസ്റ്റ് ബെൽ അടിച്ചതും ഞാൻ അവന്റെ അടുത്തേക്ക് പാഞ്ഞു. അവൻ ബാഗും എടുത്ത് പുറത്തേക്കും ഓടി. സ്കൂളിന്റെ പടിഞ്ഞാറെ ഭാഗത്തുള്ള ചെറിയ ഗേറ്റ് വഴി അവൻ റോഡിലേക്ക് ചാടി പക്ഷെ ഞാൻ അവന്റെ തൊട്ട് പിന്നാലെ തന്നെ ഉണ്ടായിരുന്നു. പിടിച്ചു നിർത്താൻ നോക്കിയിട്ട് പറ്റാണ്ടായപ്പോ അവനെ ഞാൻ തള്ളി നിലത്തിട്ടു. അപ്പോഴും അവൻ പറയുന്നുണ്ടായിരുന്നു ‘അവളു പെഴയാടാ’ എന്ന്… എനിക്കാണേൽ ദേഷ്യം കൂടി വന്നു. പറ്റാവുന്ന പോലെ ഒക്കെ അവനെ ഞാൻ തല്ലി. ഒരുപാടു തല്ലി. നെഞ്ചിൽ കേറി ഇരുന്നാണ് തല്ലിയത്. അടുത്തുള്ള വീട്ടിലെ ചേട്ടൻ വന്നു ഒച്ച വെച്ചപ്പോഴാണ് ഞാൻ അവനെ വിട്ടത്. പത്താംക്ലാസ് കഴിയുന്നവരെ അവൻ പിന്നെ എന്നോട് അവളെപ്പറ്റി ഒരു വാക്ക് പോലും പറഞ്ഞിട്ടില്ല. അവൾക്കെന്നെ ഇഷ്ടമാണോ അല്ലയോ എന്നതായിരുന്നില്ല എന്റെ പ്രശ്നം. ഒരു പാവം പെൺകുട്ടിയെ പറ്റി അവൻ പറഞ്ഞ വാക്കുകൾ.
പിന്നെയെപ്പഴോ സ്കൂൾ ടൈം ഒക്കെ കഴിഞ്ഞു എവിടെയോ വെച്ച് കണ്ടപ്പോൾ അവൻ വന്നു ക്ഷമയൊക്കെ പറഞ്ഞു.
അന്ന് ആ ഒൻപതാം ക്ലാസ്സിൽ വെച്ച് ഞാൻ അവൾക്കു വേണ്ടി ഒരാളെ തല്ലി എന്നറിഞ്ഞിരുന്നെങ്കിൽ ഒരു പക്ഷെ അവൾ…..
2 Comments
👌👌
Past is past..