എങ്ങനെ സാധിച്ചു?
എന്ത്?
അല്ല ബ്ലോഗർ ഓഫ് ദി വീക്ക് ആയത് എങ്ങനെ?
കൂട്ടക്ഷരങ്ങളിൽ ബ്ലോഗ്ഗർ ഓഫ് ദി വീക്ക് ആയതിന് ശേഷം സുഹൃത്തുക്കളുമായി നടന്ന സംഭാഷണത്തിലെ ഒരു ഭാഗമാണ് മുകളിൽ.
![](https://koottaksharangal.com/wp-content/uploads/2023/08/ad_Banner_1-copy.webp)
സത്യത്തിൽ അതിന് പിന്നിൽ വലിയ മായാജാലമൊന്നുമില്ല. ഒന്ന് മനസ്സ് വച്ചാൽ ആർക്കും സ്വന്തം രചനകൾ ടോപ് ലെവലിലെത്തിക്കാൻ സാധിക്കും, പക്ഷേ മനസ്സ് വയ്ക്കണം.
ശ്രദ്ധിക്കേണ്ട ചില കാര്യങ്ങൾ പറഞ്ഞു തരാം.
1 – ആകർഷകമായ തലക്കെട്ട്.
ഒരു രചനയുടെ തലക്കെട്ടെന്ന് പറയുന്നത് കൊമ്പന് നെറ്റിപ്പട്ടം പോലെയാണ്. രചനയുമായി പുലബന്ധം പോലുമില്ലാത്ത തലക്കെട്ട് നൽകരുത്, നൽകുന്ന തലക്കെട്ട് കണ്ടാൽ ഇതൊന്ന് വായിക്കാമെന്ന് ആളുകൾക്ക് തോന്നൽ ഉണ്ടാവുകയും വേണം.
2 – മുഖചിത്രം.
ചിത്രം നോക്കി വാരിക വാങ്ങിയ ഒരു കാലമുണ്ടായിരുന്നു ഗഡീ.. ഹൈ.. ഹൈ പറഞ്ഞു വന്നത് അതല്ലാ ട്ടൊ.. കവർ ചിത്രം കണ്ടാലും കഥ വായിക്കാനുള്ള ഒരു ത്വര വായനക്കാർക്ക് ഉണ്ടാകും, ഇല്ലെങ്കിൽ ഉണ്ടാക്കണം. അപ്പോൾ അതിനനുസരിച്ച് ചിത്രം കണ്ടെത്തുക.
3 – ഓൺലൈനിൽ വായിക്കാനുള്ള വഴികൾ അനേകമുണ്ടെന്ന് മനസ്സിലാക്കുക, ആരും ഒരിടത്ത് മാത്രം Stuck ആവില്ല എന്നർത്ഥം. So നമ്മുടെ രചനകൾ കൂടുതൽ വായിക്കപ്പെടണമെങ്കിൽ നമ്മൾ തന്നെ മനസ്സ് വയ്ക്കണം.
a – രചനയുടെ ലിങ്ക് കോപ്പി ചെയ്ത് നല്ലൊരു ഇൻട്രോ സെറ്റ് ആക്കി സ്വന്തം പ്രൊഫൈലിൽ ഷെയർ ചെയ്യുക, കൂട്ടക്ഷരങ്ങളുടെ ഫേസ്ബുക്ക് സപ്പോർട്ട് ഗ്രൂപ്പിലും ഷെയർ ചെയ്യാൻ മറക്കരുത്.
b- വാട്സ്ആപ്പിൽ സ്റ്റാറ്റസ് ഇടുക.
c- സുഹൃത്തുക്കൾക്കും മറ്റ് വായനക്കാർക്കും ലിങ്ക് അയച്ചു കൊടുക്കുക, വായിച്ച് അഭിപ്രായം കുറിക്കാൻ അവരോട് ആവശ്യപ്പെടുക.
d- വായനക്കാർക്ക് വില നൽകുക. ന്ത് നോക്കുന്നെ? എഴുതി പോസ്റ്റ് ചെയ്ത കടമ കഴിഞ്ഞു വിചാരിക്കരുത്, വായനക്കാർ നൽകുന്ന അഭിപ്രായങ്ങൾക്ക് കൂടി മാനം നൽകുക, അവർക്ക് മറുപടി കൊടുക്കുക, നന്ദി പറയുക.
e- ഫേസ്ബുക്ക് പേജിൽ വരുന്ന അഭിപ്രായങ്ങൾക്ക് ഒറ്റ ദിവസം തന്നെ മറുപടി നൽകുന്നതിന് പകരം ഒരു ദിവസം ഇടവിട്ട് റിപ്ലൈ ഇട്ടാൽ പോസ്റ്റ് കൂടുതൽ ആളുകൾ ശ്രദ്ധിക്കും.
4 – ബ്ലോഗ് വായിക്കുന്നവർക്ക് ഒരു സന്ദേശം, അല്ലെങ്കിൽ പുതിയ ഒരറിവ് അതുമല്ലെങ്കിൽ ഒന്ന് ചിരിക്കാനോ കരയാനോ അവരെ പ്രേരിപ്പിക്കുന്ന എന്തെങ്കിലും, അങ്ങനെയുള്ള ചേരുവകൾ നന്നായി യോജിപ്പിച്ച് ആറ്റിക്കുറുക്കി വയ്ക്കണം.
ഈ നാല് കാര്യങ്ങളും 3 ൽ കണ്ട 5 ഉപകാര്യങ്ങളും ശ്രദ്ധിച്ചാൽ അടുത്ത ബ്ലോഗർ ഓഫ് ദി വീക്ക് നിങ്ങളായേക്കും.