അരങ്ങേറ്റത്തിനു മുൻപായി മൂകാംബികയിൽ ഒരു adventure ട്രിപ്പ് പോകാം എന്നും പറഞ്ഞു അരവിന്ദൻ വരദയെ ക്ഷണിക്കുന്നു… അങ്ങനെ അരവിന്ദനും റഷീദും വരദയും കൂടി യാത്ര പുറപ്പെടുന്നു… അവർ പോകുന്നത് കുടജാദ്രിയിലേക്ക് ആണ്..
യാത്രയുടെ പശ്ചാത്തലത്തിൽ ചെറിയ രീതിയിൽ
🎶കൃപാകരി…കൃപാകരി… ദേവീ……
കൃപാകരി… മൂകാംബികാ ദേവീ……🎶
എന്ന പാട്ടും വരുന്നുണ്ട്
സൗപർണികയിൽ മുങ്ങി മൂകാംബികയെ തൊഴുതു കഴിഞ്ഞാൽ കുടജാദ്രി യാത്ര അത് പറഞ്ഞറിയിക്കാൻ പറ്റാത്ത ഒരു മനോഹര യാത്ര ആണ്. ജീവിതത്തിൽ ഒരിക്കലും മറന്നു പോകാൻ കഴിയാത്ത അത്ര ആഴത്തിൽ പതിഞ്ഞു പോകുന്ന യാത്ര.അങ്ങോട്ടാണ് അരവിന്ദൻ വരദയെ കൊണ്ടുപോകുന്നത്..സമുദ്രനിരപ്പിൽ നിന്ന് ഏഴായിരം അടി ഉയരത്തിൽ സ്ഥിതി ചെയ്യുന്ന സ്വർഗത്തിലേക്ക് പോകുക ആണ് അവർ.
യാത്രക്കിടയിൽ വരദ പറയുന്നുണ്ട്
“കുടജാദ്രിയിൽ വെച്ച് അല്ലെ ദേവി മൂകസുരനെ വധിച്ചത്”
മൺപാതയിലൂടെയുള്ള വനയാത്ര അവരെ കൊണ്ട് എത്തിക്കുന്നത് മൂലസ്ഥാനത്തുള്ള ദേവീക്ഷേത്രത്തിനു മുൻപിൽ ആണ്.. വരദ അവിടെ അമ്പലത്തിൽ തൊഴാൻ കയറുന്നു..അവൾ തൊഴുതു നിൽക്കുന്നത് കാണാൻ തന്നെ ഒരു പ്രത്യേക ഭംഗി ആണ്…അരവിന്ദൻ കുറച്ചു മാറി നിന്നു അവളെ തന്നെ നോക്കി നിൽക്കും..അവൾ തൊഴുതു നിൽക്കുമ്പോൾ അവനെ നോക്കി ഒരു ചെറു പുഞ്ചിരി നൽകും..
അമ്പലത്തിൽ നിന്നും ഇറങ്ങുന്ന വരദയോട് അരവിന്ദൻ ചോദിക്കും
“എങ്ങനുണ്ട് “
അവൾ സന്തോഷത്തോടെ മറുപടി നൽകും
“മ്മ് “
അരവിന്ദൻ അവളോട് പറയും കുറച്ചു അത്ഭുതം മാറ്റി വെച്ചേക്കാൻ..അവിടെ നിന്നു അവർ സർവജ്ഞപീഠത്തിലേക്കുള്ള യാത്ര ആരംഭിക്കുന്നു.പശ്ചാത്തലത്തിൽ
🎶പോരാമേ നിൻ കൂടേ
കാതങ്ങൾ ദൂരേ
മേഘങ്ങൾ പോലേ നാം
ചേരുന്നേ താനേ 🎶
എന്ന ഗാനവും.. കൃത്യമായി മൂഡ് അനുസരിച്ചു പ്ലേസ് ചെയ്ത ആ പാട്ടിനു ആ വരികൾക്ക് എന്തോ ഒരു അത്ഭുതം ഉണ്ട്.
കുടജാദ്രിയിലെ സൂര്യോദയം കണ്ടു അവർ നടക്കുക ആണ്.. പുലർകാല കാഴ്ചകൾ കണ്ട് സർവജ്ഞപീഠത്തിലേക്കുള്ള യാത്രയിൽ വരദ വിയർക്കുന്നുണ്ട് ശരീരവും തളരുന്നുണ്ട്. എന്നാലും അവൾ സന്തോഷവതി ആണ്.
അങ്ങനെ അവർ കുടജാദ്രിയിലെ കരിങ്കൽ പീഠത്തിന് മുൻപിൽ എത്തി നിൽക്കുന്നു.
അത്ഭുതത്തോടെ വരദ അങ്ങോട്ട് നോക്കി നിന്ന് ചോദിക്കുന്നു
“ശങ്കരാചാര്യർ തപസ്സു ഇരുന്ന”…..ബാക്കി പറയാൻ അവൾക്കു സാധിക്കുന്നില്ല…
അരവിന്ദൻ പറയും
“സർവജ്ഞപീഠം…ഒരു പത്തു മിനിറ്റ് അവിടെ കയറി ഇരുന്നോ “
അവൾ പതുക്കെ അങ്ങോട്ടേക്ക് കാൽ ചുവടുകൾ വെക്കുമ്പോൾ അകമ്പടിയായി
🎶പോരാമേ നിൻ കൂടേ
കാതങ്ങൾ ദൂരേ
മേഘങ്ങൾ പോലേ നാം
ചേരുന്നേ താനേ
ആനന്ദമേ സർവ്വമാനന്ദമേ
ആനന്ദമേ ആനന്ദമേ
ആനന്ദമേ സർവ്വമാനന്ദമേ
ആനന്ദമേ ആനന്ദമേ🎶
എന്ന ഗാനവും…
വരദ ശങ്കരപീഠത്തിന്റെ കൽപടിയിൽ കണ്ണുകൾ അടച്ചു ഇരിക്കുമ്പോൾ അതിനരികിൽ അരവിന്ദൻ ചിരിച്ചു കൊണ്ട് നിൽക്കുന്നുണ്ടായിരുന്നു..
തിരിച്ചു അവർ മല ഇറങ്ങി പോരുമ്പോൾ അവളിൽ പറഞ്ഞറിയിക്കാൻ പറ്റാത്ത ഒരു തരം സന്തോഷം ഉണ്ടായിരുന്നു..
🎶ആനന്ദമേ സർവ്വമാനന്ദമേ
ആനന്ദമേ ആനന്ദമേ
ആനന്ദമേ സർവ്വമാനന്ദമേ
ആനന്ദമേ ആനന്ദമേ🎶
അരവിന്ദന്റെ അതിഥികൾ എന്ന സിനിമയും അതിന്റെ സംഗീതവും കാണുന്ന പ്രേക്ഷകനെ മറ്റൊരു ലോകത്തേക്ക് കൂട്ടി കൊണ്ട് പോകുന്ന ഒന്നാണ്..എല്ലാത്തിനുപരി സംഗീതമാണ് ഈ സിനിമയുടെ ജീവൻ അല്ലെങ്കിൽ ആത്മാവ്.
കണ്ട നാൾ മുതൽ അന്നും ഇന്നും എന്നും എന്റെ മനസ്സിന് നിറയെ സന്തോഷം നൽകുന്ന ഒരു കഥയും കഥപരിസരവും കഥാപാത്രവുമാണ് അരവിന്ദനും അവന്റെ അതിഥികളും..
**രാഗീത് ആർ ബാലൻ**