ചക്കര മാവിന്റെ ചില്ലയിലാണ് കാക്കച്ചിയുടെ കൂട്. അടുത്തുള്ള തെങ്ങിലെ പൊത്തിലാണ് ചിന്നു തത്തയുടെ കൂട്. കാക്കച്ചിക്ക് മൂന്നും ചിന്നുവിന് രണ്ടു കുഞ്ഞുങ്ങളുമാണ്. സുന്ദരിയായ ചിന്നുവിന് കാക്കച്ചിയെ ഇഷ്ടമല്ല. അവൾ കാക്കച്ചിയോട് മിണ്ടാറെയില്ല.
രാവിലെ തീറ്റ തേടി പോയാൽ വെയിൽ കനക്കുമ്പോഴാണ് രണ്ടാളും തിരിച്ചു വരുന്നത്. ഇരുവരും കുഞ്ഞുങ്ങളോട് യാത്ര പറഞ്ഞിറങ്ങി. കുറച്ചു ദൂരം പോയതും ചിന്നുവിന് ഒരു നെൽക്കതിർ കിട്ടി. അവൾ അതുമായി തിരികെ വന്നു. കൂടെത്തിയപ്പോഴാണ് മാവിൽ നിന്നും കാക്കച്ചിയുടെ മക്കളുടെ കരച്ചിൽ കേട്ടത്. അങ്ങോട്ട് നോക്കിയ ചിന്നു ഞെട്ടി.
അതാ.. വീരൻ പാമ്പ്.
കാക്കച്ചിയുടെ മക്കളെ വിഴുങ്ങാൻ നിൽക്കുന്നു.
![](https://koottaksharangal.com/wp-content/uploads/2023/08/ad_Banner_1-copy.webp)
ചിന്നു വേഗം തന്റെ കുഞ്ഞുങ്ങളെ ചിറകിനടിയിൽ ഒളിപ്പിച്ച് പതുങ്ങിയിരുന്നു. പാവം കാക്കച്ചി തീറ്റയുമായി തിരികെ വന്നപ്പോൾ കുഞ്ഞുങ്ങളില്ല. അവൾ ഹൃദയം പൊട്ടി കരഞ്ഞു. ഒന്നുമറിയാത്തത് പോലെ ചിന്നു അവളെ ആശ്വസിപ്പിച്ചു.
കുറച്ചു ദിവസങ്ങൾക്ക് ശേഷം ചിന്നു തീറ്റ തേടി പോയി. കാക്കച്ചി മക്കളുടെ വേർപാടിൽ വിഷമിച്ചിരിക്കുകയാണ്. അപ്പോഴാണ് വീരൻ തെങ്ങിലേക്ക് കയറുന്നത് കണ്ടത്. അവൾക്ക് അപകടം മണത്തു. വേഗം ചിന്നുവിന്റെ കൂട്ടിലേക്ക് പറന്നു. അവളുടെ മക്കളെയും എടുത്ത് തിരികെ വന്നു. വീരൻ ഒന്നും കിട്ടാതെ തിരികെ പോയി. ചിന്നു വന്നപ്പോൾ കാക്കച്ചി കാര്യങ്ങൾ പറഞ്ഞു. തന്റെ മക്കളെ രക്ഷിച്ച കാക്കച്ചിയോട് താൻ ചെയ്തതെല്ലാം ഏറ്റു പറഞ്ഞു കൊണ്ട് മാപ്പ് ചോദിച്ചു. തെറ്റ് മനസിലാക്കിയ ചിന്നുവിനോട് കാക്കച്ചി ക്ഷമിച്ചു. പിന്നീട് അവർ നല്ല ചങ്ങാതിമാരായി കഴിഞ്ഞു.
ഗുണപാഠം – മറ്റുള്ളവരുടെ രൂപവും സംസാരവും കണ്ട് ആരെയും വിലയിരുത്തരുത്.
Abhinal S
7 Comments
Very nice കഥ
കുട്ടിക്കഥ നന്നായിട്ടുണ്ട്
❤️
മനോഹരം
👌👌
നല്ല കുഞ്ഞിക്കഥ🥰🥰
❤️❤️