മേനി നുറുങ്ങുന്ന വേദനയിൽ
ഒരിറ്റു നീരിനായ് കെഞ്ചി ഞാൻ
വിവശനായ് വിഷണ്ണനായ്
തൊണ്ടകുഴി വറ്റി
ഗദ്ഗദം നിലച്ചുപോയ്
ദയാ വായ്പ്പിനായ് കേണപ്പോൾ
ഇരുളും ഞാനും മാത്രമായി
വിശ്വസിച്ചവർ വഞ്ചിച്ചകന്നു
നെഞ്ചുംകൂട് തകർത്തെന്നെ
വിവസ്ത്രനായ് വലിച്ചിഴച്ചു
കരിനീലയാൽ കല്ലിച്ച ദേഹം
ദേഹിയായി അഗ്നികുണ്ഡത്തിൽ
ഒടുക്കം ഞെരിഞ്ഞമർന്നു
പറക്കാൻ കൊതിച്ച ചിറകുകൾ
മുളയിലേ വെട്ടി മാറ്റിയില്ലേ
വിഷാദവാനായ് ആത്മാവിനെ ഹനിക്കാൻ
പ്രേരണ നൽകിയില്ലേ
പിഴുതെറിഞ്ഞു കളഞ്ഞില്ലേ
കുടുംബത്തിൻ അത്താണിയെ
വിപത്തായ് കലാലയ രാഷ്രീയങ്ങൾ
അരങ്ങു വാഴും കെട്ട കാലം
ഇനിയും മുഴങ്ങും, ആർത്തിരമ്പും
ആർത്തനാദം
അരുതേ, എന്നെ കൊല്ലരുതേ!!
#റാഗിംഗ്
13 Comments
Simple വളരെ നന്നായിട്ടുണ്ട്. ശരിക്കും റാഗിങ് സിനിമയിലൊക്കെ കാണുന്നതിലും ഭയാനകമാണ് ഇപ്പോഴത്തെ കോളേജുകളിൽ കാലികപ്രസക്തമായ കവിത….. അഭിനന്ദനങ്ങൾ
Thank you💜
Thank you
Thank you so much for kind words and encouragement
സങ്കടം ,നിസ്സഹായത വരികളിൽ നന്നായി പകർത്തി👍
Thank you💜
റാഗിംഗ് കെടുത്തുന്ന ജീവിതങ്ങളെ, പിച്ചിച്ചീന്തുന്ന സ്വപ്നങ്ങളെ, അനിവാര്യമാക്കുന്ന ആത്മഹത്യകളെക്കുറിച്ചെല്ലാം നന്നായി എഴുതി 👏👏👏
റാഗിങ്ങിിനിരയാകുന്ന കുട്ടികളുടെ ജീവിതം എത്ര ദുസ്സഹവും ഭീകരവുമാണെന്ന് കവിതയിലൂടെ പറഞ്ഞു വെച്ചു. ആത്മഹത്യയല്ലാതെ മറ്റൊരു പോംവഴിയും അവർക്കു മുന്നിൽ തെളിയുന്നില്ല. നന്നായിട്ടെഴുതി👏👏👏👏💔💔
Thank you chechi💜
നല്ല വരികൾ ❤️
Thank you💜
വരും തലമുറ ഒരിക്കലും പിന്തുടരാന് പാടില്ലാത്ത റാഗിംഗ് എന്ന കൊടും വിപത്ത്….ദൈവത്തിന്റെ സ്വന്തം നാട്
ചെകുത്താനു വഴിമാറുന്ന ഭീകരത… കലാലയ രാഷ്ട്രീയത്തിന്റെ അക്രമാസക്തമായ മുഖം തുറന്നു കാണിക്കുന്ന വരികള്.. 🙏🙏
Thank you💜