മമ്മൂക്ക ഒരു ഇന്റർവ്യൂവിൽ നടൻ ശ്രീ. മുരളിയെക്കുറിച്ച് പരാമർശിച്ചത് ഞാനിന്ന് കാണാനിടയായി.
അദ്ദേഹം മമ്മൂക്കയുടെ ഫോൺ കോളുകൾ എടുത്തതേയില്ല. എത്ര ശ്രമിച്ചിട്ടും അദ്ദേഹം മമ്മൂക്കയോട് സംസാരിച്ചില്ല.
എന്തുകൊണ്ടാണ് നടൻ ശ്രീ. മുരളി അങ്ങിനെ മമ്മൂക്കയോട് സംസാരിക്കാതിരുന്നത് എന്നത് അവസാനം വരെ ( ശ്രീ. മുരളിയുടെ ജീവിതാവസാനം വരെ ) മമ്മൂക്കയ്ക്ക് മനസ്സിലായില്ല എന്ന കാര്യം വളരേ ദുഖത്തോടുകൂടി ആ ഇന്റർവ്യൂവിൽ പങ്കിട്ടത് സംവിധായകൻ രഞ്ജിത്തോടായിരുന്നു.
വാസ്തവത്തിൽ ആർക്കാണ് ഇതുപോലുള്ള അനുഭവങ്ങൾ ഇല്ലാത്തത് ?
ഇന്ന ഒരു പ്രത്യേക കാരണത്താൽ തനിക്ക് സംസാരിക്കാനാകില്ല എന്നൊരു മെസ്സേജ് വഴിയെങ്കിലും മറ്റുള്ളവരെ അറിയിക്കുന്നത് എപ്പോഴും നന്ന്. എന്തിനാണ് മറ്റുള്ളവരുടെ മനസ്സിലേക്ക് – പലപ്പോഴും നിരപരാധികളായ നിസ്സഹായരെ – അവരുടെ മനസ്സിൽ മൗനത്തിന്റെ തീച്ചൂളകളാൽ ക്രൂരമായി വേദനിപ്പിക്കുന്നത് എന്ന ഒരു ചോദ്യവും പ്രപഞ്ചത്തിൽ തുടർന്ന് ഉത്തരമില്ലാതെ നൊമ്പരപ്പെടുന്നു!
“No one should be left ignored or unloved” Says Mother Teresa
ശരി പോട്ടെ, സംസാരിക്കേണ്ട എന്ന തീരുമാനമെടുത്തവരുടെ പക്ഷത്തിൽ നിന്നും കൂടി നമുക്ക് കരുണയോടെ ചിന്തിക്കാം;. പറയാനാകാത്ത എന്തെങ്കിലും വിഷമങ്ങൾ അവർക്കുണ്ടായിരിക്കാം;
അല്ലേ ? ഏല്ലാം സ്നേഹം കൊണ്ടുമായിരിക്കാം എന്ന് സമാധാനിക്കാം.
അവർക്ക് മംഗളം നേരാം 🙏
🌹എൻ സുരേഷ് 🌹
1 Comment
വളരെ ശരിയാണ്