പ്രണയം

എന്റെ പ്രണയമേ…

പ്രണയം അത് വല്ലാത്തൊരു അനുഭൂതിയാണ്. അനുഭവിച്ചാൽ മതിയാവാത്ത ഒരുതരം മത്ത്. ഒരു തരം ഭ്രാന്തമായ ഇഷ്ടമാണെനിക്ക് നിന്നോട്.

ഞാൻ നിന്നെ പ്രേമിക്കുന്നു അഗാധമായി. നിന്റെ ഓർമ്മകൾ എന്നെ വല്ലാതെ വേട്ടയാടുന്നു. നീ എന്നെ മറന്നുവോ. എനിക്ക് നിന്നെ മറക്കാൻ പറ്റില്ല. എന്റെ ജീവിതത്തിന്റെ ഓരോ നിമിഷവും നിന്നെ കുറിച്ചുള്ള ഓർമ്മകൾ മാത്രം എന്നെ വേട്ടയാടുന്നു.

എനിക്ക് നിന്നോട് ഉള്ളത് ഭ്രാന്തമായ പ്രണയമാണ്. ഈ ലോകത്തു വേറെ ആരും നിന്നെ സ്നേഹിക്കരുത് എന്ന എന്റെ ചിന്ത. നീ എന്റെ മാത്രം ആയിരിക്കണം എന്ന എന്റെ പൊസ്സസീവ്നെസ് എല്ലാം കൊണ്ട് ഞാൻ ഒരു ഭ്രാന്തിയെ പോലെ ആയി മാറി.

എനിക്ക് നിന്നോടുള്ള പ്രണയം എത്രത്തോളം ഉണ്ടെന്ന് നിനക്ക് അറിയില്ല. എന്റെ മനസ്സിന്റെ ദുഷ്ചിന്ത ആണ് എന്നെ ഭ്രാന്തു പിടിപ്പിക്കുന്നത്..

എനിക്ക് നിന്നോടുള്ള സ്നേഹം കൂടുമ്പോൾ ഒക്കെ അതു ദേഷ്യമായി പരിണമിക്കുന്നു. എന്താണ് ഞാൻ ഇങ്ങനെ എന്ന് പലപ്പോഴും എന്നോട് തന്നെ ചോദിച്ചു.

എന്റെ പ്രണയമേ. എനിക്ക് നിന്നോട് ഉള്ള വികാരം. ഞാൻ എന്റെ മനസ്സിന്റെ ഒരു കോണിൽ സൂക്ഷിച്ചു വെച്ചിരിക്കുകയാണ്  ഒരിക്കലും മായാതെ. ഒരിക്കലും മരിക്കാതെ അത് എന്റെ ഉള്ളിൽ തന്നെ ഉണ്ടാകും.

എന്റെ പ്രണയമേ… എന്റെ പ്രണയത്തിന്റെ കാഠിന്യം നിന്നോട് പ്രകടിപ്പിക്കാൻ എങ്ങനെയാണെന്നറിയില്ല.അത്രമേൽ അടുത്തുപോയി നിന്നിൽ ഞാൻ.

എന്റെ പ്രണയമേ.എന്റെ പെരുമാറ്റം നിനക്ക് എന്നോട് ഒരുപാട് വെറുപ്പ് ഉളവാകുന്നുണ്ടെന്ന് അറിയാമെങ്കിലും, നിന്നോട് ഉള്ള ശക്തമായ പ്രണയം, എന്റെ മനസിനെ ചെറിയ കാര്യങ്ങൾക്ക്‌ പോലും, ഒരുപാട് വേദനിപ്പിക്കുന്നു.

നീ വേറെ ആരുടെയോ ആണ്. അതാണ് മുഖ്യം. നിന്റെ ജീവിതത്തിൽ നിനക്ക് ഒരുപാട് കടമകൾ നിർവഹിക്കാനുണ്ട്. നിന്റെ മുന്നിൽ ഒരുപാട് ബാധ്യതകൾ ഉണ്ടെന്ന് എനിക്കറിയാം. അതിന്റെ നെട്ടോട്ടത്തിൽ നിനക്ക് എന്നെ ശ്രദ്ദിക്കാനോ, എന്നെ സ്നേഹിക്കാനോ സമയം കിട്ടില്ല. അതൊക്കെ ഓർക്കുമ്പോൾ എന്നെ കൂടുതൽ ഭ്രാന്തുപിടിപ്പിക്കുന്നു.അത്രമാത്രം നിന്നിൽ ഞാൻ അലിഞ്ഞുപോയത് കൊണ്ടാണ് ഈ ഭ്രാന്തമായ ചിന്ത

നിന്നോടുള്ള അഗാധമായ പ്രണയം എന്നെ വല്ലാതെ മത്തുപിടിപ്പിക്കുന്നു. ഒരോ നിമിഷവും നീ എന്റെ കൂടെ ഉണ്ടെന്ന് ഞാൻ കരുതിയാണ് എന്റെ മുന്നോടുള്ള ഒരോ ചലനവും .നീ ഇല്ലെങ്കിൽ എന്റെ ചലനം ശൂന്യമാണ്.

എന്നെ ഒരിക്കലും വെറുക്കരുത് എന്ന് പറയാൻ എനിക്ക് അവകാശമില്ല എന്നറിയാണെങ്കിലും, നീ ഇല്ലാതെ ഞാൻ ഇല്ല എന്ന സത്യം, എന്റെ മനസ്സിനെ ബോധ്യപ്പെടുത്താൻ എനിക്ക് ഒരുപാട് കാലങ്ങൾ വേണ്ടി വരും .

നിനക്ക് വേണ്ടി ജീവിക്കുന്ന, നിന്നെ സ്നേഹിക്കുന്ന ഒരുപാട് പേർ നിന്റെ സ്നേഹത്തിന് വേണ്ടി ദാഹിക്കുന്നുണ്ട് എന്ന് പോലും ഓർക്കാൻ എനിക്ക് പേടിയാ. നിനക്ക് ഇപ്പോൾ കിട്ടിയ നിന്റെ സൗഭാഗ്യം തള്ളി എന്നിലേക്കു വരാൻ പറ്റില്ലാന്ന് അറിയാമെങ്കിലും, വെറുമൊരു വാക്ക് പോലെ ചോദിച്ചോട്ടെ..*നിനക്ക് എന്റേത് മാത്രം ആവാൻ പറ്റില്ല അല്ലേ*? “. ഇത് എന്റെ അത്യാഗ്രഹം ആണെന്ന് അറിയാമെങ്കിലും നീ എന്റെ ജീവിതം മുഴുവൻ എന്റെ കൂടെ ഉണ്ടാകും. എന്റെ മനസ്സിന്റെ വേദന ആണ് നീ. ഒരിക്കലും മായാത്ത വേദന.

എന്റെ മനസ്സിനെ പഠിക്കാൻ എനിക്ക് പോലും സാധിക്കാത്ത അവസ്ഥയിൽ ആണ് ഞാൻ ഇപ്പോൾ. നീ ഇല്ലാത്തപ്പോൾ എനിക്കുള്ള വേദന എത്ര ഉണ്ടെന്ന് അളക്കാൻ സാധിക്കില്ല.അത്രമേൽ കഠിനമാണ് എനിക്ക് നിന്നോടുള്ള പ്രണയം.നീ കൂടെയുള്ളപ്പോൾ എനിക്ക് കിട്ടുന്ന  പോസ്സിറ്റിവ് എനർജി അത് എന്റെ ജീവിതത്തിൽ ഇനി ഒരിക്കലും കിട്ടില്ല എന്നറിയാം. ആ പോസിറ്റീവ് എനർജിയിൽ ഞാൻ ഒരുപാട് ആനന്ദം കണ്ടെത്തിരുന്നു. നീ ഇല്ലെങ്കിൽ എന്റെ മനസ്സ് ശൂന്യമാണ്. നീ ഇല്ലാത്ത ശൂന്യത എന്നെ നന്നായി ബാധിക്കുന്നുണ്ട്.

എന്റെ പ്രണയമേ… ഞാൻ ഒന്നും കൂടി പറയട്ടെ.. ഞാൻ നിന്നെ പ്രേമിക്കുന്നു. ഈ ലോകത്തു ആരെക്കാളും നിന്നെ..നിന്നെ മാത്രം.

നിനക്ക് എന്റേത് ആവാൻ സാധിക്കുന്നിടത്തോളം കാലം നീ അറിയാതെ ഞാൻ നിന്നെ പ്രണയിച്ചോളാം. ആരുമറിയാതെ ആരും കാണാതെ. എന്റെ മാത്രം ആയിട്ട്.

✍🏻shabna pk