രസം നല്ല രസം തന്നെ

രസം നല്ല രസം തന്നെ. ഏതൊരു ഭക്ഷണപ്രേമിയോടും ചോദിച്ചാൽ അവരുടെ ഇഷ്ടവിഭവങ്ങളുടെ പട്ടികയിൽ തീർച്ചയായും രസമുണ്ടാകും. പലവിധത്തിൽ രസംതയ്യാറാക്കാം. തക്കാളി ചേർത്ത് പരിപ്പ് ചേർത്ത്, പിന്നെ മുതിര രസം അങ്ങിനെ രസങ്ങൾ പലവിധം. രസപ്പൊടി തയ്യാറാക്കുന്ന വിധം ശ്രദ്ധിച്ചാൽ രസം കേമം ആക്കാം. ദക്ഷിണേന്ത്യയിലെ പ്രിയപ്പെട്ട സൂപ്പാണ് രസം. രസം ചോറിനൊപ്പം കഴിക്കുകയോ അല്ലെങ്കിൽ ഭക്ഷണത്തിനുശേഷം സൂപ്പ് ആയോ കുടിക്കാം

രസം പലവിധത്തിൽ തയ്യാറാക്കാം. ഇവിടെ മുതിര രസമാണ് തയ്യാറാക്കിയിരിക്കുന്നത്.

രസത്തിന്റെ ഗുണങ്ങൾ :-
ശരീരത്തിന്റെ അധികഭാരം കുറയ്ക്കുവാൻ
ധാരാളം ആന്റിഓക്സിഡൻറ് ഉണ്ട്
രസം ശരീരത്തെ പുനരുജ്ജീവിപ്പിക്കാൻ ഏറ്റവും ഉത്തമമായ ഭക്ഷണമാണ്.
കുഞ്ഞുങ്ങൾക്ക് തുടക്കത്തിൽ കൊടുക്കാവുന്ന ഒരു നല്ല ഭക്ഷണമാണ് രസം
പ്രതിരോധശേഷി നൽകുന്ന ഒന്നാണ് രസം .
പനി , കോൾഡ് പല രോഗങ്ങൾക്കും ഉത്തമ മരുന്നാണ് രസം .
വയറിലെ പല പ്രശ്നങ്ങൾക്കും ഒരു ഉത്തമ സൂപ്പാണ് രസം .

ഗുണങ്ങൾ അനേകം ഉണ്ടാക്കാൻ വളരെ എളുപ്പം.അപ്പോൾ നമ്മുടെ ഫുഡ്ബാസ്ക്കറ്റിൽ രസം ഉൾപ്പെടുത്താം അല്ലേ?

വേണ്ട ചേരുവകൾ :-
മുതിര ഒരു കപ്പ്
മല്ലി ഒരു സ്പൂൺ
കടലപരിപ്പ് ഒരു ടീസ്പൂൺ
കറിവേപ്പില രണ്ട് തണ്ട്
ചുവന്ന മുളക് 4 എണ്ണം
ജീരകം ഒരു ടീസ്പൂൺ
കായം ഒരു കഷണം
കുരുമുളക് ഒരു ടീസ്പൂൺ
മഞ്ഞൾ പൊടി കാൽ ടീസ്പൂൺ
തക്കാളി ഒന്ന്
പുളി ഒരു നെല്ലിക്ക വലുപ്പത്തിൽ

തയ്യാറാക്കേണ്ട വിധം:-
മുതിര കഴുകി വൃത്തിയാക്കി വെള്ളത്തിൽ ഇട്ട് വെയ്ക്കുക. കുക്കറിൽ വേവിക്കുക. നന്നായി വെന്ത് ഉടയണം. രസം പൊടി തയ്യാറാക്കുക. കടലപ്പരിപ്പ്, ജീരകം, മല്ലി, ചുവന്ന മുളക്, കറിവേപ്പില, കുരുമുളക് നന്നായി വറുത്ത് പൊടിക്കുക. പുളി വെള്ളത്തിൽ ഇട്ട് വെയ്ക്കുക . മഞ്ഞൾ പൊടി, ഉപ്പ് പാകത്തിന് ചേർത്ത് പുളി തിളപ്പിക്കുക. ഒരു കുഞ്ഞു കഷ്ണം കായം ചേർക്കുക. പുളി വേവായാൽ അതിലേക്ക് നന്നായി വെന്ത് ഉടച്ച് മുതിര ചേർക്കുക. തങ്കാളിയും ചേർക്കുക. എല്ലാം നന്നായി മിക്സായാൽ രസം പൊടി ചേർക്കാം.
രസത്തിൽ നിന്ന് കുറച്ച് വെള്ളം എടുത്ത് രസപ്പൊടി നന്നായി മിക്സാക്കി ചേർക്കുക. ഒന്ന് ചെറുതായി തിളച്ചാൽ കറിവേപ്പിലയോ മല്ലിയിലയോ ചേർത്ത് നല്ല ഒരു മഴക്കാലം ആസ്വദിക്കാം.