സ്തനാർബുദം

അബുദം അഥവാ കാൻസർ, കേൾക്കുമ്പോൾത്തന്നെ നെഞ്ചിടിപ്പ് കൂട്ടുന്ന ഒന്നാണ് കാൻസർ. പലവിധ കാൻസറുകളിൽ ഒന്നാണ് സ്തനാർബുദം { Breast cancer}.

സ്തനകോശങ്ങൾക്കുണ്ടാകുന്ന അമിത വളർച്ചയാണ് സ്തനാർബുദത്തിന് കാരണമാകുന്നത്.

സാധാരണ സ്ത്രീകളിലാണ് ഈ അസുഖം കൂടുതലായി കാണപ്പെടുന്നതെങ്കിലും പുരുഷന്മാർക്കുമുണ്ടാകും. 100 സ്തനാർബുദങ്ങളെടുത്താൽ അതിൽ ഒരെണ്ണം പുരുഷനിൽ കാണപ്പെടുന്നു.

ലോകത്താകമാനമുള്ള അർബുദ രോഗങ്ങളെടുത്താൽ ഏറ്റവും കൂടുതലുണ്ടാകുന്ന രണ്ടാമത്തെ അർബുദമാണ് സ്തനാർബുദമെന്ന് കാണാം. അർബുദം മൂലമുള്ള മരണങ്ങളിൽ അഞ്ചാം സ്ഥാനവും.

2005-ൽ ലോകത്താകമാനം 5,02,000 മരണങ്ങളാണ് സ്തനാർബുദത്താൽ റിപ്പോർട്ട് ചെയ്യപ്പെട്ടത്.

പാലുല്പാദിപ്പിക്കുന്ന ഗ്രന്ഥികൾ, ക്ഷീര വഹന നാളികൾ എന്നിവയിലാണ് പ്രധാനമായും സ്തനാർബുദം കാണപ്പെടുന്നത്.

പല തരത്തിലുള്ള സ്തനാർബുദങ്ങളുണ്ടെങ്കിലും ഏറ്റവും സാധാരണമായി റിപ്പോർട്ട് ചെയ്യപ്പെടുന്നത് പാൽ നാളങ്ങളിൽ (മുലക്കണ്ണിലേക്ക് പാൽ ഒഴുകുന്ന ഭാഗങ്ങൾ) ബാധിക്കപ്പെടുന്ന ഡക്റ്റൽ കാർസിനോമയാണ്.

കാരണങ്ങൾ / സാധ്യതകൾ.

📍കൂടുതൽ കലോറി അടങ്ങിയ ആഹാരങ്ങൾ, ചുവന്ന മാംസത്തിന്റെ { മട്ടൻ, ബീഫ്‌, മ്ലാവ് വർഗ്ഗങ്ങൾ }അമിത ഉപയോഗം, അമിതമായ മദ്യപാനം എന്നിവ ബ്രെസ്റ്റ് കാൻസർ വരാനുള്ള സാധ്യത വളരെയധികം വർധിപ്പിക്കുന്നു.

📍നേരത്തെയള്ള ആർത്തവാരംഭവും വൈകിയുള്ള ആർത്തവവിരാമവും.

📍അമിതഭാരം

📍വ്യായാമക്കുറവ്.

📍ഉപ്പ്, എണ്ണ, മധുരം എന്നിവയുടെ അമിത ഉപയോഗവും ഒരു സാധ്യതയാണ്.

📍ഗർഭനിരോധന ഗുളികകൾ. {ഇവയിലെ ഹോർമോൺ സങ്കരങ്ങളാണ് കാരണക്കാർ}.

📍ആർത്തവവിരാമക്കാരിൽ ഉപയോഗിക്കുന്ന ഹോർമോൺ പുനഃസ്ഥാപന ചികിത്സ.

📍പ്രായം വർദ്ധിക്കും തോറും സ്തനാർബുദത്തിനുള്ള സാധ്യത കൂടും.

❓ആരിലൊക്കെ വരാം.

❗50- വയസ്സിന് മുകളിൽ പ്രായമുള്ള സ്ത്രീകൾ.

❗പാരമ്പര്യമായി കുടുംബത്തിൽ ആർക്കെങ്കിലും സ്തനാർബുദമുണ്ടായിട്ടുണ്ടെങ്കിൽ അടുത്ത ആൾക്ക്.

❗പത്ത് വയസ്സിന് മുൻപ് ആർത്തവം ആരംഭിച്ചവർ.

❗55 വയസ്സിനുശേഷമോ അതുമല്ലെങ്കിൽ വളരെ വൈകി ആർത്തവ വിരാമം സംഭവിച്ചവർ.

❗കുഞ്ഞുങ്ങളുടെ മുലകുടി കുറച്ചവർ / നേരത്തെ നിർത്തിയവർ, ഒരിക്കലും പാലൂട്ടാത്തവർ.

❗ആദ്യത്തെ ഗർഭധാരണം 30 വയസ്സിനുശേഷം നടന്നവർ.

❗ഒരിക്കലും ഗർഭിണിയാകാത്ത സ്ത്രീകൾ.

❗ആർത്തവ വിരാമത്തിനുശേഷം അമിത ഭാരമുണ്ടായവർ.

🎗️ലക്ഷണങ്ങൾ.

🔻സ്തനത്തിലുണ്ടാകുന്ന മുഴകൾ.

🔻സ്തനാകൃതിയിൽ വരുന്ന മാറ്റങ്ങൾ.

🔻തൊലിപ്പുറത്തുണ്ടാകുന്ന നിറം മാറ്റം.

🔻മുല ഞെട്ട് ഉള്ളിലോട്ടു വലിഞ്ഞിരിക്കുന്ന അവസ്ഥ.

🔻മുലക്കണ്ണിൽ നിന്നുള്ള ശ്രവങ്ങൾ.

🔻മുലക്കണ്ണിലുണ്ടാകുന്ന നിറം മാറ്റം.

🔻കക്ഷത്തിലുണ്ടാകുന്ന വീക്കം.

❓അസുഖം വരാതിരിക്കാൻ എന്ത് ചെയ്യണം?

🔺ശരീരഭാരം നിയന്ത്രിക്കുക.

🔺ശാരീരിക വ്യായാമം ശീലമാക്കുക.

🔺നാര് കൂടുതലുള്ളതും വസ്തുക്കളും മത്സ്യവും ആഹാരത്തിൽ ഉൾപ്പെടുത്തുക.

🔺പുകവലി ഒഴിവാക്കുക.

🔺സോയാ പ്രോട്ടീൻ ഉപയോഗിക്കുക.

🔺ചുവന്ന മാംസം ഒഴിവാക്കുക.