സ്പെഷ്യൽ സ്കൂളിൽ /തെറാപ്പി സെന്ററുകളിൽ പോകാത്തവർ ആരെങ്കിലുണ്ടെങ്കിൽ ഒരിക്കലെങ്കിലും പോവണം. അവിടെ ടീച്ചറും തെറാപ്പിസ്റ്റുമാരും ഈ കുട്ടികളെ സ്നേഹിക്കുന്നത് അത് നേരിട്ട് കണ്ടാൽ മാത്രമേ മനസ്സിലാവുകയുള്ളു.
അത്രയും ക്ഷമയോടെ അവർ ട്രെയിനിംഗ് കൊടുക്കുന്നു.ഹോം വർക്കുകൾ ചെയ്തോ എന്ന് അല്ല അവർ ചോദിക്കുന്നുണ്ടാവുക. കളിച്ചും ചിരിച്ചും പാട്ട് പാടിയും അവർ പഠിപ്പിക്കുന്നു.
സ്പെഷ്യൽ എഡ്യൂക്കേറ്റർസ്/തെറാപ്പിസ്റ്റിന്റെ ജോലി എന്താ പഠിപ്പിക്കലാണോ?
പലർക്കുമുള്ള സംശയമാണ്.
സ്വയം പര്യാപ്തമായി ഈ ലോകത്ത് ജീവിക്കാൻ വേണ്ടി ഈ മക്കളെ അവർ പഠിപ്പിക്കുന്നു. അത് അറിയാൻ നേരിട്ട് അവിടെ പോയി തിരിച്ചറിയണം.എന്ത് കൊണ്ട് ഇവരെ പറ്റി എവിടെയും പറയുന്നത് കേൾക്കുന്നില്ല?
![](https://koottaksharangal.com/wp-content/uploads/2023/08/ad_Banner_1-copy.webp)
ഒരിക്കൽ എനിക്ക് അറിയുന്ന ഒരു തെറാപ്പിസ്റ് അവളുടെ ഒരു അനുഭവം എന്നോട് പറഞ്ഞത് ഇത് എഴുതി കൊണ്ടിരുന്നപ്പോൾ പെട്ടെന്ന് ഓർമ്മ വന്നു. മുമ്പൊരിക്കൽ അവൾ ആ അനുഭവം എന്നോട് എഴുതാൻ പറഞ്ഞിരുന്നു.
ഈ ബുദ്ധിയില്ലാത്ത കുട്ടികളെ പഠിപ്പിച്ചാൽ നിനക്ക് കല്യാണലോചന ഒന്നും വരില്ല. അവളുടെ ഉമ്മയോട് ഒരു ബന്ധു പറഞ്ഞതാണ്. ആദ്യം കേട്ടപ്പോൾ എനിക്ക് അതിശയം തോന്നി. ഇതേ അനുഭവം ഞാൻ വേറൊരു തെറാപ്പിസ്റ്റിനോട് സംസാരത്തിനിടയിൽ പറഞ്ഞപ്പോൾ ബുദ്ധിയില്ലാത്ത മക്കളെ പഠിപ്പിക്കുന്ന ജോലിയല്ലേ എന്ന് പലരും അവളെയും കളിയാക്കിയിട്ടുണ്ടെന്ന്.
അതാണ് വീണ്ടും വീണ്ടും ഞാൻ പറയുന്നത് ഈ ജോലിയുടെ മഹത്വം അറിയാൻ ആരും ശ്രമിച്ചിട്ടില്ലെന്ന്. വളരെ പ്രയാസമുള്ള ജോലി ആണെങ്കിലും ആരും ഒരു മടുപ്പും തോന്നാതെ ഈ മക്കൾക്ക് ട്രെയിനിംഗ് കൊടുക്കുന്നു. ഇങ്ങനെയുള്ള ടീച്ചേഴ്സ് തെറാപ്പിസ്റ്റ് നിങ്ങളുടെ കുടുംബത്തിൽ ഉണ്ടെങ്കിൽ നിങ്ങൾക്ക് അഭിമാനിക്കാം.
വ്യത്യസ്ത പൂക്കളുള്ള ഒരു പൂന്തോട്ടമാണ് സ്പെഷ്യൽ സ്കൂൾ. ആ പൂക്കളെ അവർ എത്ര ഭംഗിയായിട്ടാണ് ദിവസവും പരിപാലിക്കുന്നത്. രാവിലെ സ്കൂൾ ബസ് എത്തിയാൽ എല്ലാവരും അവരെ വാത്സല്യത്തോടെ വരവേൽക്കുന്നു.
വൈകുന്നേരം വരെ ആ മക്കൾക്ക് അവർ അമ്മയുടെയും അച്ഛന്റെയും സ്ഥാനം ആണെന്ന് ഞാൻ പറയും. കാരണം ഞങ്ങൾ സ്നേഹിക്കുന്ന പോലെ അല്ലേ അവരും നമ്മുടെ മക്കളെ നോക്കുന്നത്. വെറുമൊരു ടീച്ചറോ തെറാപ്പിസ്റ്റോ ആണെന്ന് പറയുന്നതിലും ഉത്തമം അതല്ലേ.
ഷഹലിയ ഇലാൻ ജുനൈദ് ✍️
1 Comment
മാലാഖ കുഞ്ഞുങ്ങളെ നോക്കാൻ മാലാഖ മനസുള്ള മനുഷ്യരും വേണം. നിങ്ങളുടെ പേരിൽ നിന്ന് തന്നെ നിങ്ങൾക്ക് അവനോടുള്ള സ്നേഹം മനസിലാക്കാം.. അത്തരം കുഞ്ഞുങ്ങളെ ബാധ്യത ആയി കാണാതെ അവരെ നോക്കുന്നവർക്ക് തീർച്ചയായും സ്വർഗം തന്നെ ആവും.