ഒരു കുഞ്ഞ് ജനിക്കുകയെന്നാൽ ഒരു കുടുംബത്തെ സംബന്ധിച്ച് സന്തോഷമുള്ള കാര്യമാണ്. തന്നെ വളക്കാപ്പ് പോലെയുള്ള ചടങ്ങുകൾ നടത്തി കുഞ്ഞിനെ വരവേൽക്കാൻ എല്ലാവരും തയാറാകും.
കുഞ്ഞ് ജനിച്ച് കഴിയുമ്പോൾ പക്ഷെ ഈ സന്തോഷം ഉണ്ടാകാറുണ്ടോ ?
കുഞ്ഞിന്റെ മേൽ ആർക്കാണ് കൂടുതൽ അധികാരം എന്ന് അറിയാനുളള മത്സരമായിരിക്കും ഭൂരിഭാഗം വീടുകളിലും . ഈ അധികാരവടംവലി തകർത്ത കുടുംബങ്ങൾ വരെയുണ്ട്.
പലപ്പോഴും കുഞ്ഞിന്റെ മേൽ അപ്പൂപ്പനും അമ്മൂമ്മയും കൂടുതൽ അധികാരം സ്ഥാപിക്കുന്നത് വലിയ വഴക്കുകളിലേക്കാണ് നയിക്കുന്നത്.
![](https://koottaksharangal.com/wp-content/uploads/2023/08/ad_Banner_1-copy.webp)
ശരിക്കും ഒരു കുഞ്ഞിനെ നോക്കാൻ അപ്പൂപ്പന്റെയും അമ്മൂമ്മയുടേയും ആവശ്യമുണ്ടോ ?
എന്റെ അനുഭവത്തിൽ നിന്ന് പറയുകയാണെങ്കിൽ ആവശ്യമില്ല. അച്ഛന്റെയും അമ്മയുടെയും ആവശ്യമേയുള്ളൂ. ആവശ്യമില്ലാതെ Grandparents നെ Baby sitters ആകാതിരിക്കുന്നതാണ് ബന്ധങ്ങൾ നിലനിൽക്കാൻ നല്ലത്. അനാവശ്യമായ ഇടപെടലുകളിലാതെ കുഞ്ഞിനെ വളർത്തുന്നതിന് അതിന്റേതായ സുഖമുണ്ട്.
ഞങ്ങളത് അനുഭവിക്കുന്നുണ്ട്. കുഞ്ഞിന് എന്ത് വേണം? എന്ത് വേണ്ട? എന്ന് ഞങ്ങളാണ് തീരുമാനിക്കുന്നത്. തുടക്കത്തിലെ കുറച്ച് ബുദ്ധിമുട്ടുകളൊഴിച്ചാൽ ഒറ്റയ്ക്ക് കുഞ്ഞിനെ നോക്കാൻ അത്ര പ്രയാസമല്ല.
അപ്പൂപ്പന്റെയും അമ്മൂമ്മയുടെയും തണലിൽ വളരുന്നത് കുഞ്ഞുങ്ങൾക്ക് സന്തോഷമായിരിക്കും പക്ഷെ മാതാപിതാകൾക്ക് അത്ര സുഖമല്ല. പ്രത്യേകിച്ചും അമ്മയ്ക്ക്. അമ്മയുടെ മാനസികാരോഗ്യം കൂടിയാണ് ഇത്തരം ഉപദേശങ്ങളും ഇടപെടലും നശിപ്പിക്കുന്നത്. സ്വന്തം കുഞ്ഞിന്റെ മേൽ യാതൊരു അവകാശവും സ്ഥാപിക്കാനാവാതെ മരപ്പാവ കണക്കെ എല്ലാം നോക്കിയിരിക്കുന്നത് വേദനാജനകമാണ്.
ഡയപ്പർ ഉപയോഗിക്കുന്നത് മുതൽ ഭക്ഷണം നൽകുന്നതിൽ വരെ ഇടപെടലുണ്ടാകും.
കാലം മാറുന്നതനുസരിച്ച് പേരന്റിങ്ങും മാറേണ്ടതാണ്. ഞങ്ങൾ കുറേ പിള്ളേരെ കണ്ടിട്ടുണ്ട്, വളർത്തിയിട്ടുണ്ട് തുടങ്ങിയ വാചകങ്ങളിലൂടെ മാതാപിതാക്കളുടെ അഭിപ്രായത്തെയും കാഴ്ചപ്പാടിനെയും താഴ്ത്തിക്കെട്ടുന്നത് ശരിയായ രീതിയല്ല.
പഴയ രീതിയല്ല പുതിയ രീതി. ഒട്ടുമിക്ക കുടുംബങ്ങളിലും രണ്ടു പേരും ജോലിക്ക് പോകുന്നവരാകും. അവരുടെ സമയവും സാഹചര്യവും മനസിലാക്കിയാണ് കുട്ടികൾ വളരേണ്ടത്. നല്ല ഒരു day care ലഭിച്ചാൽ കുഞ്ഞിനെ നോട്ടം ബാലികേറാമലയല്ല.
വിദേശ രാജ്യങ്ങളിലൊന്നും കുഞ്ഞുങ്ങളുടെ വളർത്തൽ അപ്പൂപ്പന്റെയും അമ്മൂമയുടെയും ജോലിയല്ല. Training ലഭിച്ച nanny ഉണ്ടാകും. ആവശ്യമാണെങ്കിൽ മാത്രം ഒന്നോ രണ്ടോ ദിവസം Grand parents baby sitters ആകും . അതും അവർക്ക് സമയവും സൗകര്യവുമുണ്ടെങ്കിൽ .
അച്ഛന്റെയും അമ്മയുടെയും മേൽനോട്ടത്തിൽ വളരുന്ന കുഞ്ഞുങ്ങൾ സാഹചര്യങ്ങളെക്കുറിച്ച് കൂടുതൽ ബോധവാന്മാരായിരിക്കും. സാഹചര്യവുമായി പൊരുത്തപ്പെട്ട് ജീവിക്കും. നമ്മുടെ ഇല്ലായ്മയും വല്ലായ്മയും കുഞ്ഞിനും മനസിലാകും. ഇതെന്റെ അനുഭവമാണ്. പിന്തുണ വേണ്ടപ്പോൾ മാത്രം grandparents അത് നൽകിയാൽ മതി. കുഞ്ഞിനെ വളർത്താനുള്ള സാഹചര്യം മാതാപിതാക്കൾക്ക് ഉണ്ടെങ്കിൽ അത് അവർക്ക് വിട്ട് കൊടുക്കൂ; കാരണം അതവരുടെ കടമയാണ്.
4 Comments
True 👍
2.5 വയസ്സുള്ള എന്റെ കുഞ്ഞിനെ എനിക്ക് നഷ്ടപ്പെടും എന്നു വരെ തോന്നിയ ഒരു സന്ദർഭം ഉണ്ടായപ്പോഴാണ് ഞാൻ കുഞ്ഞിനെയും കൊണ്ട് വിദേശത്തേക്ക് ചേക്കേറാൻ തീരുമാനിച്ചത്. അവരോട് നന്ദി ഇല്ലാഞ്ഞിട്ടല്ല പക്ഷേ ഈ പറയുന്നതുപോലെ ഒരു മരപ്പാവ കണക്ക് നോക്കിനിൽക്കേണ്ടിവന്നു. എന്നെക്കാളും കൂടുതൽ അമ്മൂമ്മയോട് attach ആവുന്നതിന്റെ സങ്കടം വേറെ. നന്നായി എഴുതി സൂര്യ… അച്ഛൻ അമ്മമാർ തന്നെയായിരിക്കണം പ്രൈമറി ആയിട്ട് കുഞ്ഞിനെ വളർത്തേണ്ടത്. സഹായം എടുക്കുന്നതിൽ തെറ്റില്ല. പിള്ളേരെ daycare ഇൽ വിട്ടാൽ, വലുതാകുമ്പോൾ അവർ നിങ്ങളെ വൃദ്ധസദനത്തിൽ കൊണ്ട്ത ള്ളും എന്നും മറ്റും ഉള്ള ചില കമന്റുകൾ അവഗണിക്കുക!!!
Well said
നന്നായി എഴുതി 👏😍