ഒരു നല്ല ചിന്ത അയാളിലുദിച്ചു: ‘ഇന്ന് ഏതായാലും വൃത്തിയായി ഒന്നു കുളിച്ചേക്കാം’. അതേസമയം അയാളുടെ ശരീരത്തിലെ കോടിക്കണക്കിനു ബാക്റ്റീരിയകൾ യോഗം ചേർന്ന് കുളിക്കുവാനും വൃത്തിയായി നടക്കുവാനുമുള്ള മനുഷ്യരുടെ ദുഷിച്ച ചിന്ത പരിഹരിക്കുവാനുള്ള മാർഗ്ഗങ്ങളടങ്ങുന്ന ഒരു പ്രമേയം ചർച്ച ചെയ്യുകയായിരുന്നു. ചൂടുപിടിച്ച വാഗ്വാദങ്ങൾ നടന്നുകൊണ്ടിക്കെ, അപ്രതീക്ഷിതമായി ആഞ്ഞടിച്ച സുനാമിയിൽപ്പെട്ട് കൊച്ചുകുട്ടികളുൾപ്പെടെയുള്ള അനേകലക്ഷം ബാക്റ്റീരിയ കുടുംബങ്ങൾ പിടഞ്ഞു പിടഞ്ഞ് മരിച്ചു വീണു!