ഒരു സംരക്ഷിത വനമേഖലയിലെ വൃക്ഷ സമൃദ്ധി പോലെയായിരുന്നു ആ പെൺകുട്ടിക്ക് അവളുടെ മുടി… തല നിറഞ്ഞുള്ള മുടി. അതൊരു വന്യമൃഗ സങ്കേതവും കൂടിയായിരുന്നു അന്ന്!! നാനാ ജാതി മൃഗ വൈവിധ്യം എന്നൊന്നും പറയാൻ പറ്റില്ല. ഒരു ജാതി, ഒരു നിറം, ഒരു ഗേഹം… അത്രമാത്രം!! പക്ഷേ പോപ്പുലേഷന്റെ കാര്യത്തിൽ മൃഗസംഖ്യ ചൈനയെയും ഇന്നത്തെ ഇന്ത്യയെയും പോലും തോൽപ്പിക്കുമായിരുന്നു! ഇടതൂർന്ന മുടിനാരിഴകൾക്കിടയിൽ അവ യഥേഷ്ടം വിഹരിച്ചു പോന്നു.പരസ്പരം കൊണ്ടും കൊടുത്തും മുടിയും മൃഗവും വളർന്നു.
അങ്ങനെയിരിക്കെ സമൃദ്ധിയുടെ അടുത്ത പടി എന്ന നിലയിൽ ആ മൃഗജാലം അല്പം പരിഷ്കാരികളായാലോ എന്നൊന്ന് ചിന്തിച്ചു തുടങ്ങി!! നോക്കുമ്പോൾ മാനവകുലം മുഴുവൻ വീടുവച്ച് കുടുംബമായി താമസിക്കുന്നു. എത്ര ഉന്നതമായ ചിന്ത! എത്ര കുലീനമായ ആശയം! അവർ യോഗം കൂടി.
നമുക്കും മനുഷ്യരെ പോലെ ആകണം… വീടുകൾ വയ്ക്കണം.. എന്നിട്ട് ഫാമിലിയായി അന്തസ്സായി ജീവിക്കണം!!
പിന്നെ അമാന്തിച്ചില്ല. കുലവും ഗോത്രവും തിരിഞ്ഞ് അവർ വീട് വച്ചു തുടങ്ങി! ഏതാണ്ട് ചിതൽപ്പുറ്റിനോട് സമാനമായ ചെറിയ ചെറിയ വീടുകൾ.. ഒരേ ഷെയ്പ്പ്… ഏതാണ്ടൊരു ടൗൺഷിപ് പോലെ..
ആ വേളയിലാണ് ആ സ്ത്രീ, കുട്ടിയുടെ മദർജി ഇടപെടുന്നത്!!
” ഹെന്ത്? ഇത്രയ്ക്കഹങ്കാരമോ,ഈ പീറപ്പേനുകൾക്ക്?? എന്റെ കൊച്ചിന്റെ തലയിൽ കയറി കോളനി സ്ഥാപിക്കുന്നോ?? ചൊറിക്കൂട്ടങ്ങൾ.. ”
![](https://koottaksharangal.com/wp-content/uploads/2023/08/ad_Banner_1-copy.webp)
അമ്മയിലെ സ്വേച്ഛാധിപതി ഉണർന്നു. പിന്നെ അവിടെ നടന്നത് പറഞ്ഞറിയിക്കാൻ വയ്യ… അത്ര രൂക്ഷമായ ഒരു കലാപവും അടിച്ചമർത്തലും ആയിരുന്നു സഹൃദയരേ!!അഭയാർത്ഥികൾ നിഷ്കരുണം പിച്ചിച്ചീന്തപ്പെട്ടു. ശേഷിച്ചവർ നാനാ ദിക്കിലേക്കും ചിതറിത്തെറിക്കപ്പെട്ടു… അതും പോരാഞ്ഞ് ആ കുടിയേറ്റത്തിന് കാരണമായ ഇടതൂർന്ന വൃക്ഷലതാദികളെ, അവളുടെ കേശഭാരത്തെ ഒറ്റ വെട്ടിന് അവർ താഴെയിട്ടു!!!! ടേങ്….ടേങ്….ടേങ് (sad bgm )
ആ കരിംകൂവള കൂന്തൽ സമൃദ്ധി നിലത്തു വീണൊന്നു പിടഞ്ഞു. ഒന്നു ഞരങ്ങി… എന്നിട്ട് എന്നെന്നേക്കുമായി അനക്കമറ്റു!!!!!
ടെ ടെ ടെ ടെ ടെ ടെ ടെ ടെ ടേങ്…ടേങ്….
ടേങ്……
ആ പൈശാചിക കൃത്യത്തിന് ഞാനും സാക്ഷിയായിരുന്നു പ്രിയ കൂട്ടുകാരെ… മൃതിയിലും ഇത്ര അഴകുറ്റതായി ഇന്നോളം മറ്റൊരു ശരീരം ഞാൻ കണ്ടിട്ടില്ല!! പട്ടിനെ വെല്ലുന്ന ആ മൃദുല ശ്യാമ സരിത്തിനെ ഓർത്ത് ഇന്നും ഞാനും അവളും പ്രലപിക്കുന്നു എന്ന് പറയുമ്പോൾ അറിയുക,.. അത് അത്ര ഭീകരമായ,ഹൃദയം പിളർക്കുന്ന ഒരു മഹാദുരന്തമായിരുന്നു… കരയുവാൻ ഞങ്ങൾക്ക് ഇനിയും കണ്ണുനീർ ബാക്കി 😂😂😂😂
#തലമുടി
1 Comment
ശ്ശോ 😩😭😭😭😭