നീ…
നിന്റെ കാലത്തിന്റെ
രാജ്ഞിയായിരിക്കാൻ
എന്നെ ക്ഷണിച്ചു.
അതൊരു കൺകെട്ടുവിദ്യയായിരുന്നു.
മദിച്ചുകൊണ്ടിരിക്കുന്ന
മസ്തിഷ്ക്കത്തെ ഭേദിച്ച്
മനസ്സെന്നെ ഭൂതകാലത്തിന്റെ തുറുങ്കിലടച്ചു.
എനിക്കും കാലത്തിനുമിടയിൽ
തിരശ്ശീല വീണിരിക്കുന്നു.
വെയിൽനാളങ്ങളെന്നെ വന്നുതൊട്ടു. തിരശ്ശീലക്കുപുറകിലിരുന്ന് ഒരാൾ വിളിച്ചുപറയുന്നു, അതു രാത്രിയാണെന്ന്…
പകലിന്റെ ഇരുട്ടിൽ ഞാനുറങ്ങി.
രാത്രി ഉണർന്നിരിക്കുന്നവൾ
കാണുന്ന സ്വപ്നങ്ങളെന്തൊക്കെയാണ്.
ഈ നുഴഞ്ഞുകയറ്റം ചിരപരിചിതമായിരിക്കുന്നു.
എനിക്കുള്ള മറുപടി നീർകണങ്ങൾമാത്രമായിരുന്നോ..?
സത്യം തന്നെ!!
നിന്റെ കാലം വട്ടത്തിൽകറങ്ങി.
കാലിന്നടിയിലെ ഭൂമി വാപിളർത്തുന്നു.
വെട്ടംപകരാനിനിയും എരിയാൻവയ്യാ!
ദാഹിക്കുന്നു…!
ഒഴുകിക്കൊണ്ടിരിക്കുന്ന മഴമേഘങ്ങളേ,
എനിക്കുമാത്രമായി പെയ്യുക.
ആ മങ്ങിയ വിരിപ്പ്
തലയെപ്പൊതിഞ്ഞു നിൽപ്പുണ്ട്.
അപേക്ഷകളെല്ലാം പ്രാർത്ഥനകളാണ്.
ഓർമ്മകളേ, കുളിരായ് പെയ്യുക.
പുലരുവോളം നിന്റെ ജാലവിദ്യ തുടരുക.
കൺകെട്ടുകൾ അഴിഞ്ഞുവീഴുന്നു.
ഭൂതകാലത്തിലെ രാജ്ഞിമാത്രമാണു ഞാൻ…!
അതേ…
ഭൂതകാലത്തിലെ രാജ്ഞിമാത്രമാണു ഞാൻ.
••••••••••••••••••••••••••
©Hafsath KT
11 Comments
മനോഹരം.❤
വർത്തമാനവും ഭാവിയും കൂടി ഈ
റാണിയുടെതാവട്ടെ.
ഭൂതകാലത്തിൻ്റെ റാണി. ഇന്നലെകളെ ഓർത്തിരിക്കാതെ വരാനിരിക്കുന്ന നാളെകളിൽ പ്രതീക്ഷയർപ്പിക്കൂ : നല്ല വരികൾ ഹഫ്സൂ😍
🥰🥰
👌👌
ഭൂതകാലത്തിൽ മാത്രമല്ല വർത്തമാനത്തിലും രാഞ്ജി തന്നെ എഴുത്തിന്റെ റാണി super 🥰🥰🥰
ഭൂതകാലത്തിന്റെ റാണിയെന്നാൽ സ്വപ്നലോകത്തു ജീവിക്കുന്നവൾ എന്നൊരു ധ്വനിയുണ്ടോ…
കഴിഞ്ഞുപോയ നല്ലകാലം ഓർക്കുന്നു.
സ്നേഹം നന്ദാ🥰🥰
ഭൂത കാലത്തിന്റെ റാണി
ഉയർത്തെയുന്നേൽക്കുക
ഭാവി നിനക്കുള്ളതാണെന്നു
വർത്തമാനം കൊണ്ടു
തീർപ്പ് കൽപ്പിക്കു.
ഭൂതകാചൂടിൽ അടയിരിക്കാതെ
ഭാവിക്കു വേണ്ടി വർത്തമാനത്തെ
നേരെയാക്കു…
ജഗദീഷൻ തന്നൊരു പാവനമാം
ജീവിതം ആർക്കു വേണ്ടിയും
ഹോമിക്ക കൂടാതു..
കാലം ഐസ്മിട്ടായി പോൽ
കാത്തിരുന്നാൽ കൈവെള്ളയിൽ
നിന്നൊലിച്ചു പോകും
മറുവരി പ്രിയം മുത്തേ… പൊളി. സ്നേഹം🥰🥰
പ്രതിഷേധത്തിന്റെ രാഞ്ജി…. ഭൂതകാലത്തിലെ പദവിയെക്കാൾ വലുത് ഭാവിയിൽ കാത്തിരിക്കുന്നു എന്ന പ്രതീക്ഷയിൽ മുന്നോട്ടു പോകു..,. ❤️❤️🥰