മഴ എനിക്കെപ്പോളും
ഒരു കാരണംമാത്രമാണ്.
ഒന്നു നനയാൻ,
വെന്തൊലിക്കുന്ന
![](https://koottaksharangal.com/wp-content/uploads/2023/08/ad_Banner_1-copy.webp)
ഉടലിനെ തണുപ്പിക്കാൻ
ചമ്മല വീണ,
പള്ള കയ്യേറിയ
മുറ്റമടിക്കാതിരിക്കാൻ
മുറിക്കുള്ളിൽ പൂത്ത_
നാറ്റമുണ്ടാക്കുന്ന തുണി
അലക്കാതിരിക്കാൻ
പനിച്ചൂടിൻ്റെ പുതപ്പുചുറ്റി
ഉറക്കപ്പിച്ചിൻ്റെ കുളിരണിയാൻ
കുളിക്കാതിരിക്കാൻ
പകലിൻ്റെ ഇരുട്ടിൽ
നിദ്രയുടെ മഞ്ചലിലേറിയ
വിഷപ്പിനെ നാടുകടത്താൻ
നനഞ്ഞൊട്ടിയ അടുപ്പിനെ പുറമ്പോക്കിലെറിഞ്ഞ് തീൻമേശയിൽ ഹോട്ടലിനെ കുടിയിരുത്താൻ
മടിപിടിച്ചിരിക്കുന്ന വീടിനു
തൊഴിലുറപ്പുകൊടുത്ത്
വിളിച്ചുണർത്താതിരിക്കാൻ
മഴ എനിക്കെന്നും
ഒരു കാരണംമാത്രമാണ്.
അരുതുകൾക്കുമീതേ
കുട നിവർത്തിപ്പിടിക്കാൻ
ഉപ്പുകൂടിപ്പോയൊരു
കഞ്ഞിമാത്രമാണെനിക്കീ മഴ!
#### #### #### #### ####
ഹഫ്സത്ത് അരക്കിണർ©
•••••••••••••••••••••••••••••••••
എനിക്കറിയാം ഇതുവായിച്ച്
ചളി വാരിയെറിയാൻ ഒരു കൂട്ടർ
എൻ്റെ മുറ്റത്തു കാത്തുനിൽപ്പുണ്ടെന്ന്.
അരുതരുതേ, എന്നോ വറ്റിപ്പോയൊരു നൂൽപ്പുഴയാണിന്നും അക്കരെ തോണിയും ചിതലെടുത്തൂ.
പെയ്തുതോരാത്തൊരു വർഷകാലത്തിൻ്റെ തൊടിയിലൊരു ഓർമ്മക്കുട ഞാനും നനഞ്ഞുനിൽപ്പൂ.
#എൻ്റെ_രചന
#മഴ
4 Comments
മഴ 👌👌👌
Hafsu, ❤️
നല്ല കവിതകൾ.❤️💐👌
എനിക്കും ഒരു കാരണമാണ്
മൂടി പിടിച്ചു കിടക്കാൻ ❤️❤️
നല്ല കവിത.