2.2.2024
ഷാർജ
ഡിയർ ചാക്കോച്ചൻ,
എത്രയും പ്രിയപ്പെട്ട ചാക്കോച്ചൻ അറിയുന്നതിനു വേണ്ടി പഴയൊരു ആരാധികയുടെ എഴുത്ത്. താങ്കൾക്കും കുടുംബത്തിനും സുഖമാണെന്നു വിശ്വസിക്കുന്നു അതിനായ് പ്രാർത്ഥിക്കുന്നു. പ്രിയയും മോനും എന്തു പറയുന്നു?
വർഷങ്ങൾക്കു മുമ്പ് അതായത് താങ്കളുടെ അനിയത്തിപ്രാവ് സിനിമ കണ്ടതിനു ശേഷം തലയിൽകയറി പിടിച്ചതാണ് അങ്ങയോടുള ആരാധന. അന്നു സ്കൂളിൽ എന്നെപ്പോലെ ആരാധന മൂത്ത ഒരുപാട് കൂട്ടുകാരുമുണ്ടായിരുന്നു.
അങ്ങയുടെ സിനിമയുടെ വോൾപോസ്റ്റ് നോക്കി വെള്ളമിറക്കി നിൽക്കുക എന്നതായിരുന്നു ഞങ്ങളുടെ ഏറ്റവും പ്രിയപ്പെട്ട വിനോദം.
അനിയത്തിപ്രാവ് സിനിമ എത്ര തവണ കണ്ടുവെന്ന് ഇന്നും ഓർമ്മയില്ല, അതിൽ മിനിയുമായുള്ള കല്യാണം മുടങ്ങിയ ആ സീൻ വരുമ്പോൾ ഏങ്ങലടിച്ചു കരഞ്ഞിട്ടുണ്ട് ഞാനും കൂട്ടുകാരികളും. അന്നു മുതൽ ശാലിനിയും ചാക്കോച്ചനുമായിരുന്നു ഏറ്റവും പ്രിയപ്പെട്ട ജോഡി. ചാക്കോച്ചന്റെ കൂടെ വേറെയൊരു നടിയും ഇഴകിചേർന്നു അഭിനയിക്കുന്നത് ഞങ്ങൾക്കിഷ്ടമല്ലായിരുന്നു. നിറം സിനിമയിൽ ജോമോൾ നിങ്ങൾക്കിടയിൽ വന്നപ്പോൾ ഏറ്റവും വിഷമിച്ചതും ഞങ്ങൾ തന്നെയായിരുന്നു. ക്ലൈമാക്സ് വന്നപ്പോഴായിരുന്നു ഞങ്ങൾക്ക് കുറച്ചെങ്കിലും ആശ്വാസം കിട്ടിയത് 🥺.
ചാക്കോച്ചനറിയുമോ എന്റെ എല്ലാ ടെക്സ്റ്റ് ബുക്കിന്റെ അകത്തും താങ്കളുടെ ചിത്രമായിരുന്നു. ഉറക്കം തൂങ്ങുന്ന ഹിസ്റ്ററി പീരീഡ് ബുക്കിനകത്തെ ചാക്കോച്ചനെ നോക്കിയിരുന്നതിനു ഹിസ്റ്ററി സാർ കൂട്ടുകാരുടെ മുന്നിൽ വെച്ചു എന്നെ കളിയാക്കിയത് ഇന്നും മറന്നിട്ടില്ല കളിയാക്കിയതിനേക്കാൾ സങ്കടം സാർ അങ്ങയുടെ ഫോട്ടോ വാങ്ങി ചവറ്റു കൊട്ടയിൽ ഇട്ടതായിരുന്നു എന്റെ ഇടനെഞ്ച് ഇന്നും ആ നീറ്റൽ കൊണ്ട് എരിയുന്നുണ്ട്.
പിന്നെ സിനിമയെ കുറിച്ചു ഒരു ബോധവുമില്ലാത്ത ഞങ്ങളുടെ ഭീകരൻ സ്കൂൾബസ് ഡ്രൈവർ സ്ഥലകാല ബോധമില്ലാതെ ബസിൽ ഒച്ചയിട്ട് സിനിമ കഥ പറയുന്ന ഞങ്ങളെ ചീത്ത വിളിച്ചതും മതിലിൽ അങ്ങയുടെ സിനിമപോസ്റ്റർ കാണുമ്പോൾ ഉച്ചത്തിൽ ആർപ്പു വിളിക്കുന്ന ഞങ്ങളെ നോക്കി പെൺകുട്ടികൾക്ക് ഒരു അടക്കവുമില്ലെന്ന് പറഞ്ഞു കണ്ണുരുട്ടിയതുമെല്ലാം സഹിച്ചത് അങ്ങയെ ഓർത്തു മാത്രമായിരുന്നു.
അത്രയും ഇഷ്ടമായിരുന്നു ശാലിനിയുടെയും ചാക്കോച്ചന്റേയും ജോഡി. പക്ഷെ നിങ്ങൾ രണ്ടു പേരും ഞങ്ങൾ ആരാധകരുടെ മനസ്സ് മനസ്സിലാക്കിയില്ല ശാലിനി ആ തമിഴൻ അജിത്തിനെ കെട്ടിയ അന്ന് തകർന്നത് ഞങ്ങൾ കുറച്ചു കൗമാരക്കാരികളുടെ ഹൃദയമായിരുന്നു.
നിങ്ങളെ വെച്ചു ഞങ്ങൾ നെയ്തെടുത്ത സ്വപ്നങ്ങൾക്ക് ഒരും വിലയും തരാതെ നിങ്ങൾ രണ്ടു ദ്രുവങ്ങളിലായി ജീവിക്കുമ്പോൾ ഇവിടെ കുറച്ചു ആരാധകർ നിങ്ങൾ ജോഡികൾ ഒന്നിക്കുന്നത് കാണാൻ കണ്ണിൽ മണ്ണെണ്ണയൊഴിച്ചു കാത്തിരിപ്പുണ്ടെന്ന് മറന്നു പോയല്ലോ നിങ്ങൾ രണ്ടുപേരും. സങ്കടം സഹിക്കാതെ കണ്ണു നിറഞ്ഞു തുളുമ്പി എഴുതിയത് പടരുന്നത് കൊണ്ടു തൽക്കാലം എഴുത്തു ചുരുക്കുന്നു. ബാക്കി വിഷമം അടുത്ത കത്തിൽ വിശദമായി എഴുതാം. ഈ വിവരങ്ങൾ ആ ശാലിനിയോടും വിളിച്ചു പറയണം. അവരും മനസ്സിലാക്കട്ടെ ഞങ്ങളുടെ വിഷമം. പിന്നെ ഒരു സത്യം കൂടി പറയട്ടെ! ശാലിനി അജിത്തിനെ കല്യാണം കഴിച്ച ഫോട്ടോ പത്രത്തിൽ വന്ന ദിവസം അജിത്തിന്റെ തലമാറ്റി ചാക്കോച്ചന്റെ തലവെട്ടി വെച്ചു ഞങ്ങൾ ആശ്വാസം കണ്ടത്.
ഇനിയും ഒരുപാട് എഴുതാനുണ്ട് വായിച്ചു ബുദ്ധിമുട്ടിക്കണ്ടാന്ന് കരുതി നിർത്തുന്നു. ഈ കത്തിനു എത്രയും പെട്ടെന്ന് ഒരുമറുപടി പ്രതീക്ഷിച്ചു കൊണ്ട് പാവം ഒരു ആരാധിക…
റംസീന നാസർ
26 Comments
Adipoli Ramseena ninte ezhuthu… Ninte kuthikurikal mun neyum kure vayichittundu ezhuthukalu thudarattee…
thank u shajitha shahir 🥰🥰🥰🙏🙏
മനോഹരം റംസീ. ഒരുപാട് മുഖങ്ങൾ മനസ്സിലൂടെ കടന്നുപോയി ഇതു വായിക്കുമ്പോൾ
thank u amal fermis 🥰🥰🥰🥰🙏🙏
Kidu letter <3 enikkum undayirunnu oru cheriya crush 😀
😄😄😄teenage ഭ്രാന്ത് thanksttoo 🥰🥰🥰🙏🙏deepa perumal
Achooda 😍adipoli ezhuthu Ramsee ….sherikkum annathe kalam orma vannu ….ethoru aaradhikayudeyum manasu undayirunnapole ….❤️❤️loved it
thank u zahee🥰🥰🥰
പൊളിച്ചു 👌👌
thank u sajna 🥰🥰🙏🙏
പൊളിച്ചു ആരാധികേ 😄😍
Thanks cheechi 😀😀🥰🥰🙏🙏
നല്ല കത്ത് ❤️🌹
thank u jasna 🥰🥰🙏
🤣🤣🤣 അടിപൊളി 👌👌👌
Thank u silvy cheechi 🥰🥰🥰🙏🙏
നന്നായിട്ടുണ്ട് 💜
Thankstto simble sebastain 🥰🥰🙏🙏
അജിത്തും പ്രിയയും ഈ കത്ത് കാണാണ്ടിരിക്കട്ടെ 😂😂
😀😀😀🏃🏻♀️🏃🏻♀️thank u lekha 🥰🥰🥰
കുടുംബം കലക്കാന് ഇറങ്ങിയേക്കുവാണല്ലേ😂😂ലെറ്റർ പൊളിച്ചു ട്ടാ👍👌👌😄
ഒരു manasssukam 🏃♀️🏃♀️thank u divya 🥰🥰🥰
അത് കലക്കി 👏👏
😄😄പിന്നല്ല പവിത്ര ഉണ്ണി thank u 🥰🥰🙏
😆😆ഈ പറഞ്ഞതൊന്നും പ്രിയ കേൾക്കണ്ട എന്ന് പ്രത്യേകം പറഞ്ഞില്ലാലോ.
😃😃sabira പ്രിയ കേൾക്കണം എന്റെ ചാക്കോച്ചനെ അടിച്ചു മാറ്റിയതല്ലേ 🤣🤣