#MyHeartWillGoOn
വിവർത്തനം / ആസ്വാദനം
#Titanic (1997)
രചന: James Horner / Will Jennings
![](https://koottaksharangal.com/wp-content/uploads/2023/08/ad_Banner_1-copy.webp)
സംഗീതം: James Horner
ആലാപനം: Celine Dion
——————————————–
Every night in my dreams
I see you, I feel you
That is how I know you go on
Far across the distance
And spaces between us
You have come to show you go on
Near, far, wherever you are
I believe that the heart does go on
(നീയെന്റെയരികിൽ നിന്നും പോയതിൽപ്പിന്നെയും, എല്ലാ രാവുകളിലും എന്റെ സ്വപ്നങ്ങളിൽ നീയെന്നരികിലെത്തുന്നു, നിന്നെ ഞാൻ കാണുന്നു, അറിയുന്നു, തഴുകുന്നു! അങ്ങനെ ഞാനറിയുന്നു, നീയും നമ്മുടെ പ്രണയവും ഇപ്പോഴും അനവരതം തുടരുന്നുവെന്ന്.
നമുക്കിടയിലുള്ള സ്ഥല-കാലങ്ങളുടെ ദൂരം കടന്ന്, ആ ദൂരത്തെ അപ്രസക്തമാക്കിക്കൊണ്ട് നീ വരുന്നു, എനിക്കായ് നീ തുടരുന്നുവെന്ന് എന്നെ വീണ്ടും വീണ്ടുമറിയിക്കാൻ!
അരികെയോ, അകലെയോ നീ എവിടെയായാലും ഞാനറിയുന്നു നിന്റെ ഹൃദയവും എനിക്കായിപ്പോഴും തുടിച്ചു കൊണ്ടേയിരിക്കുന്നുവെന്ന്!!)
——————————————–
Once more, you open the door
And you’re here in my heart
And my heart will go on and on
Love can touch us one time
And last for a lifetime
And never let go ’til we’re gone
Love was when I loved you
One true time I’d hold to
In my life, we’ll always go on
Near, far, wherever you are
I believe that the heart does go on
(എന്റെ ലോകത്തിനും, നിന്റെ ലോകത്തിനുമിടയിലുള്ള വാതിൽ സ്വപ്നത്തിൽ തുറന്ന് വീണ്ടും വരുമ്പോൾ നീ കാണുന്നു, എന്റെ ഹൃദയത്തിൽ നീ കുടികൊളളുന്നത്! നീ വസിക്കുന്ന കാരണത്താൽ എന്റെ ഹൃദയമിപ്പോഴും മിടിച്ചു കൊണ്ടേയിരിക്കുന്നത്!!
ഒരിക്കലേ പ്രണയത്തിന് നമ്മേ സ്പർശിക്കേണ്ടതുള്ളൂ ജീവിതകാലമത്രയും നമ്മോടൊത്ത് തുടരുവാൻ, നമ്മുടെ മരണം വരേയ്ക്കും നമ്മെ ചേർത്തു പിടിക്കുവാൻ!
നമ്മുടേതൊരു പ്രണയം തന്നെയായിരുന്നു!ഞാൻ നിന്നെ പ്രണയിച്ചു കൊണ്ടിരുന്നപ്പോൾ ഞാനാ പ്രണയമായി മാറിയിരുന്നു. എന്റെ ജീവിതത്തിൽ സംഭവിച്ച സത്യമായ ഒന്നെന്ന്, എന്റെ ജീവിതാന്ത്യം വരേയ്ക്കും ഞാൻ കണക്കാക്കുക നമ്മുടെയാ പ്രണയകാലത്തെ മാത്രം. നമ്മുടെ പ്രണയം നിത്യമത്രെ!
അരികെയോ, അകലെയോ നീ എവിടെയായാലും ഞാനറിയുന്നു നിന്റെ ഹൃദയവും എനിക്കായിപ്പോഴും തുടിച്ചു കൊണ്ടേയിരിക്കുന്നുവെന്ന്!!)
——————————————–
Once more, you open the door
And you’re here in my heart
And my heart will go on and on
You’re here, there’s nothing I fear
And I know that my heart will go on
We’ll stay forever this way
You are safe in my heart and
My heart will go on and on
(എന്റെ ലോകത്തിനും, നിന്റെ ലോകത്തിനുമിടയിലുള്ള വാതിൽ സ്വപ്നത്തിൽ തുറന്ന് വീണ്ടും വരുമ്പോൾ നീ കാണുന്നു, എന്റെ ഹൃദയത്തിൽ നീ കുടികൊളളുന്നത്; നീ വസിക്കുന്ന കാരണത്താൽ ഈ ഹൃദയമിപ്പോഴും മിടിച്ചു കൊണ്ടേയിരിക്കുന്നത്!!
നീയില്ലേ എന്റെയരികിൽ? ഞാനെന്തിനെ ഭയക്കേണ്ടൂ! ഞാനറിയുന്നു, നീയരികിലുള്ളിടത്തോളം കാലം എന്റെ ഹൃദയം തുടിച്ചുകൊണ്ടേയിരിക്കുമെന്ന്.
നിന്നെപ്പൊതിഞ്ഞു കാത്തു കൊണ്ട് എന്റെ ഹൃദയവും, ഒപ്പം നമ്മുടെ പ്രണയവും നിത്യതയോളം സ്പന്ദിച്ചു കൊണ്ടേയിരിക്കും!)