അവർ രണ്ട് പേർ, രണ്ടു ദിശകളിൽ നിന്ന് വന്നവർ, ഒരു വേനൽ കാലത്ത് തളർന്ന മിഴികളുമായവർ കണ്ടുമുട്ടി, നോക്കി നിൽക്കെ അവരിൽ നിന്നും പുതു നാമ്പുകൾ മുളച്ചു, അവ പരസ്പരം കെട്ടു പിണഞ്ഞു. ആരും അറിയാതെ ഉള്ളിൽ ഒളിപ്പിച്ച നോവിന്റെ കൈപ്പ് അവരറിയാതെ തന്നെ പകുത്തു പോയി- രണ്ട് പേരുടെയും കണ്ണുനീരിന് ഒരേ ഉപ്പുരസം. ഉടൽ അറിയാതെ ഉയിർ പകുത്തു, ഉടയോരറിയാതെ ജീവൻ ഒന്നായി. ഇനി തളർന്നു കൂടാ, കാലിടറുമ്പോൾ കോർത്തു പിടിക്കുന്ന കൈകൾ ഉള്ളിടത്തോളം കാലം മുന്നോട്ട്.. മുന്നോട്ട് മാത്രം ❤️