സ്വാതന്ത്ര്യസമരസേനാനിയും കവിയുമായിരുന്ന ബോധേശ്വരന്റെയും വി.കെ. കാർത്യായനി അമ്മയുടെയും മകളായി പത്തനംതിട്ട ആറന്മുളയിലെ വാഴുവേലിൽ തറവാട്ടിൽ 1934 ജനുവരി 22 ആം തിയതിയാണ് സുഗതകുമാരി ജനിച്ചത്.
തത്വശാസ്ത്രത്തിൽ എം.എ. ബിരുദം നേടിയി ഇവർ അഭയഗ്രാമം, അഗതികളായ സ്ത്രീകൾക്കുവേണ്ടി അത്താണി എന്ന ഭവനം, മാനസിക രോഗികൾക്കുവേണ്ടി പരിചരണാലയം സൈലന്റ് വാലി പ്രക്ഷോഭം എന്നിങ്ങനെ കേരളത്തിന്റെ സാമൂഹിക രംഗത്ത് സുഗതകുമാരിയുടെ സംഭാവനകൾ പലതാണ്.
സ്ത്രീകളുടെ പ്രശ്നങ്ങൾ പരിഹരിക്കുന്നതിന് സുഗതകുമാരി അശ്രാന്തം പരിശ്രമിച്ചിരുന്ന ഇവർ സംസ്ഥാന വനിതാ കമ്മീഷന്റെ അദ്ധ്യക്ഷ/ തിരുവനന്തപുരം ജവഹർ ബാലഭവന്റെ പ്രിൻസിപ്പാൾ/കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് പ്രസിദ്ധീകരിക്കുന്ന തളിര് എന്ന മാസികയുടെ ചീഫ് എഡിറ്റർ/ പ്രകൃതിസംരക്ഷണ സമിതി സെക്രട്ടറി/ അഭയയുടെ സ്ഥാപക സെക്രട്ടറി എന്നിങ്ങനെയുള്ള സ്ഥാനങ്ങളും വഹിച്ചിട്ടുണ്ട്.
പത്മശ്രീ പുരസ്കാരം/കേരള സാഹിത്യ അക്കാദമി പുരസ്കാരം/ ഓടക്കുഴല് അവാര്ഡ്/വയലാര് അവാര്ഡ്/ആശാന് പുരസ്കാരം/ ലളിതാംബിക സാഹിത്യ അവാര്ഡ്/ വള്ളത്തോള് പുരസ്കാരം/ ബാലാമണിയമ്മ അവാര്ഡ്/ പി.കുഞ്ഞിരാമന് നായര് അവാര്ഡ്/ എഴുത്തച്ഛന് പുരസ്കാരം/സാമൂഹിക സേവനത്തിനുള്ള ലക്ഷ്മി അവാർഡ് തുടങ്ങി നിരവധി പുരസ്കാരങ്ങള് ലഭിച്ചിട്ടുണ്ട്.
കോവിഡ് ബാധിതയായി ചികിത്സയിൽ കഴിഞ്ഞിരുന്ന ഇവർ 2020 ഡിസംബർ 23 ആം തിയതി രാവിലെ 11 മണിയോടെ തിരുവനന്തപുരം മെഡിക്കൽ കോളജ് ആശുപത്രിയിൽ വെച്ച് അന്തരിച്ചു.
പാതിരാപ്പൂക്കള്/പാവം മാനവഹൃദയം/ രാത്രിമഴ/അമ്പലമണി/ തുലാവര്ഷപ്പച്ച തുടങ്ങിവയാണ് പ്രധാന കൃതികള്.
പരേതനായ ഡോ. കെ. വേലായുധൻ നായരാണ് ഭർത്താവ്/ലക്ഷ്മി ഏക മകളാണ്.
-ശുഭം-
