വരത്തന്മാർ മലയാളത്തിൽ

കേരളത്തെക്കുറിച്ച് കുറച്ച് വായിച്ചപ്പോൾ മുൻപ് കേട്ടിട്ടുണ്ടെങ്കിലും നമ്മൾ സ്ഥിരമായി ഉപയോഗിക്കുന്ന ചില വാക്കുകൾ വിദേശ രാജ്യങ്ങളിൽ നിന്നും കടമെടുത്തവയാണ് എന്നത് വീണ്ടും കൗതുകമായി തോന്നി.

നമ്മൾ നിത്യജീവിതത്തിൽ ഉപയോഗിക്കുന്ന ഒരുപാട് വാക്കുകൾ പോർട്ടുഗീസ് ഭാഷയിൽ നിന്നും വന്നവയാണ്. 1498 ൽ വാസ്കോഡിഗാമ കാപ്പാട് കപ്പൽ ഇറങ്ങിയ ശേഷം പല പല വിദേശശക്തികളും നമ്മുടെ നാട് ഭരിച്ചു.

പോർട്ടുഗീസുകാരെ കൂടാതെ ഡച്ചും ഇംഗ്ലീഷുകാരും ഫ്രഞ്ച്കാരും എല്ലാം നമ്മുടെ ഭാഷയിലും ക്രൈസ്തവ ആരാധന രീതികളിലും ഭക്ഷണരീതിയിൽ പോലും മാറ്റങ്ങൾ വരുത്തുന്നതിൽ പങ്ക് വഹിച്ചിട്ടുണ്ട്. വാസ്കോഡിഗാമക്ക് ശേഷം ഉള്ള 500 കൊല്ലങ്ങൾ കൊളോണിയൽ കാലഘട്ടം എന്നാണ് അറിയപ്പെടുന്നത്. കോട്ടകളും ദേവാലയങ്ങളും വ്യാപാര സമുച്ച യങ്ങളും പണിയുന്നതിനോടൊപ്പം ഒരു സൈനികശക്തി ആയി അവർ മാറി. വാസ്തുവിദ്യയിലും ഭാഷയിലും നല്ല അവർ സ്വാധീനം ചെലുത്തി.
കച്ചവട ബന്ധങ്ങൾ ഉണ്ടായിരുന്ന മുഗൾ പൗരസ്ത്യ രാജ്യങ്ങളും പല വാക്കുകളും മലയാളത്തിൽ കൂട്ടി ചേർത്തിട്ടുണ്ട്.

കക്കൂസും വരാന്തയും ജനാലയും മേശയും എല്ലാം പോർട്ടുഗീസ് വകയാണെങ്കിൽ കോടതിയിൽ ഉപയോഗിക്കുന്ന വക്കാലത്തും മെഹസറും ഹാജറും പരാതിയും അറബ് ഭാഷയിൽ നിന്നുമാണ്.

ഇതേ പോലെ കന്നഡയിൽ നിന്നും തുളുവിൽ നിന്നും തമിഴിൽ നിന്നും കടമെടുത്ത ഇഡ്ഡലിയും സാമ്പാറും ചോറും നമ്മൾ ഉപയോഗിക്കുന്നു. ഇതിനൊന്നും പകരം പറയാൻ നമുക്ക് വേറെവാക്കുകളും ഇല്ല എന്നതാണ് സത്യം.

ഇംഗ്ലീഷിൽ അവർ സ്ഥിരം ഉപയോഗിക്കുന്ന പല ഭാഷ ശൈലികളും നമ്മൾ ഇപ്രകാരം എടുത്തവയാണ്. വരികൾക്കിടയിലൂടെ വായിക്കുക പോലും അങ്ങനെ വന്നതാണ്.

ഇങ്ങനെ നമ്മൾ നിത്യജീവിതത്തിൽ ഉപയോഗിക്കുന്ന പലവാക്കുകളും കടം കൊണ്ടവയാണ് എന്നത് പരമാർത്ഥം.

മലയാളം തമിഴിന്റെ ഒരു ഉപഭാഷ ആയിട്ടാണ് രൂപീകരിക്കപ്പെട്ടത് എന്നൊരു വിശ്വാസമുണ്ട്. പല തമിഴ് വാക്കുകളും മലയാളം വാക്കുകളും ഒന്നാണ്.
മലയാളത്തിൽ അങ്ങനെ തന്നെ ഉപയോഗിക്കുന്ന സംസ്കൃത വാക്കുകൾ ഉണ്ട്‌. മുഖം, നഖം, ഉദിക്കുക, അസ്തമിക്കുക, ഭാര്യ, ഭർത്താവ് അനുമോദിക്കുക, വ്യവസായവൽക്കരിക്കപ്പെടുക എന്നിവ ഉദാഹരണം
കവി പാടിയത് പോലെ എന്തൊക്കെ ആയാലും
“മലയാള ഭാഷ തൻ
മാദക ഭംഗി നിൻ

മലർ മന്ദഹാസത്തിൽ
വിരിയുന്നു 😁”
നമ്മുടെ മലയാളം അമ്മിഞ്ഞ പാലിനൊപ്പം നമ്മളിൽ ലയിച്ചു ചേരുന്നു. മറക്കരുത് മലയാളം.. നമ്മൾ മലയാളികൾ.

കുറച്ച് അറബി വാക്കുകളും പോർട്ടുഗീസ് വാക്കുകളും