ദ് സ്റ്റോണിംഗ് ഓഫ് സൊരായ എം

1986-ൽ വ്യഭിചാരക്കുറ്റം ചുമത്തി കല്ലെറിഞ്ഞ് കൊല്ലാൻ വിധിക്കപ്പെട്ട ഇറാനിയൻ വനിത സൊരായ മനുച്ചെഹ്‌രിയുടെ യഥാർത്ഥ കഥയെ ആസ്പദമാക്കി 2008-ൽ പുറത്തിറങ്ങിയ ചിത്രമാണ് “ദ സ്റ്റോണിംഗ് ഓഫ് സൊരായ”. ഫ്രീഡൗൺ സാഹേബ്ജത്തിൻ്റെ പുസ്തകത്തെ അടിസ്ഥാനമാക്കിയാണ് ചിത്രം നിർമ്മിച്ചിരിക്കുന്നത്. ഇറാനിലെ ക്രൂരമായ കല്ലേറ് സമ്പ്രദായത്തിലേക്ക് അന്താരാഷ്ട്ര ശ്രദ്ധ കൊണ്ടു വന്ന സിനിമയാണിത്.

പുരുഷാധിപത്യ സമൂഹത്തിൽ സ്ത്രീകൾ നേരിടുന്ന അടിച്ചമർത്തലുകളും അനീതിയും ക്രൂരതയും, അവയെ അഭിമുഖീകരിക്കാൻ ആർജ്ജിക്കേണ്ട, ധൈര്യത്തിൻ്റെയും ശക്തിയുടെയും ആവശ്യകതയും ഈ കഥ ഉയർത്തിക്കാട്ടുന്നു.

സൊരായയായി വേഷമിട്ട “മൊഴാൻ നവാബി” ഒരു അമേരിക്കൻ ചലച്ചിത്ര-ടെലിവിഷൻ അഭിനേത്രിയാണ്. ബ്ലാക്ക്‌ലിസ്റ്റ്, ഹൗസ് ഓഫ് കാർഡ്സ് എന്നീ ചിത്രങ്ങളിലെ വേഷങ്ങളിലൂടെ അവർ അറിയപ്പെടുന്നു.

ഫ്രഞ്ച്-ഇറാനിയൻ പത്രപ്രവർത്തകനും യുദ്ധ ലേഖകനുമായ ഫ്രീഡൂൺ സാഹെബ്ജം ഇറാനിലൂടെ യാത്ര ചെയ്യവേ, സൊരായ മനുച്ചെഹ്‌രിയുടെ ഗ്രാമത്തിൽ എത്തി. അവിടെ നിന്ന് സൊരായയെക്കുറിച്ചും അവളുടെ ക്രൂരമായ വിധിയെക്കുറിച്ചും അവളുടെ അമ്മായിയിൽ നിന്ന് മനസ്സിലാക്കി.

1990-ൽ പുറത്തിറങ്ങിയ ഫ്രീഡൗണിൻ്റെ പുസ്തകമായ ലാ ഫെമ്മെ ലാപിഡി, 1994-ൽ ഇംഗ്ലീഷിലേക്ക് വിവർത്തനം ചെയ്യപ്പെട്ട മനുച്ചെഹ്രി യുടെ മരണം അദ്ദേഹം വിഷയമാക്കി, ദി സ്റ്റോണിംഗ് ഓഫ് സോരായ എം.

മനുച്ചെഹ്‌രിയുടെ ഭർത്താവ് ഘോർബൻ-അലി, ഒരു ചെറിയ ക്രിമിനൽ ഭൂതകാലമുള്ള ജയിൽ ഗാർഡായിരുന്നു. 14 വയസ്സുള്ള ഒരു പെൺകുട്ടിയെ വിവാഹം കഴിക്കാൻ വേണ്ടി അലി, സൊരായയെ അവളെ ഒഴിവാക്കാൻ ഉത്സുകനായിരുന്നു.

രണ്ട് കുടുംബങ്ങളെ പോറ്റാനോ സൊരായയുടെ സ്ത്രീധനം തിരികെ നൽകാനോ ആഗ്രഹിക്കാതെ, ഒരു വിഭ്യാര്യന് വേണ്ടി അവൾ പാചകം ചെയ്യാൻ തുടങ്ങിയതിന് ശേഷം അവളുടെ വ്യഭിചാരത്തെക്കുറിച്ച് തെറ്റായ കിംവദന്തികൾ അലി പ്രചരിപ്പിച്ചു.

അഴിമതിക്കാരായ അധികാരികളുടെ പ്രേരണയാൽ അലി, സൊരായയുടെ പിതാവിനെ അവൾക്കെതിരെ തിരിച്ചു. അലി തൻ്റെ ഭാര്യയുടെ മേൽ വ്യഭിചാരം ആരോപിച്ചു.

സൊരായയെ കുറ്റക്കാരിയാക്കി, ജനമധ്യത്തിൽ അരക്കെട്ട് വരെ കുഴിച്ചിടുകയും ജനക്കൂട്ടത്തിന് കല്ലുകൾ നൽകുകയും ചെയ്യൂന്നു. ഒടുവിൽ ജനക്കൂട്ടം ചേരുകയും സൊരായയെ കല്ലെറിഞ്ഞ് കൊല്ലുകയും ചെയ്യുന്നു.

അവളുടെ മരണം സാവധാനത്തിലുള്ളതും വേദനാജനകവുമായ ഒരു സംഭവമായിരുന്നു. മരണശേഷം അവളുടെ ശരീരം മൃഗങ്ങൾ നശിപ്പിക്കാൻ വേണ്ടി  ഉപേക്ഷിച്ചു.

അവളുടെ അമ്മായിയായ സഹ്റ സൊരായയുടെ കഥ പത്രപ്രവർത്തകനെ അറിയിക്കുന്നു.

കൗമാരക്കാരിയായ പെൺകുട്ടിയുമായുള്ള അലിയുടെ വിവാഹം നടക്കാനായി, അലിയുടേയും മുല്ലയുടേയും ഭീഷണി കാരണം സൊരായയെക്കുറിച്ച് കള്ളം പറഞ്ഞതായി വിഭാര്യൻ സമ്മതിക്കുന്നു.

പത്രപ്രവർത്തകൻ രക്ഷപ്പെട്ട് പോകാൻ ശ്രമിക്കുമ്പോൾ, തോക്കിന് മുനയിൽ അവനെ തടയാൻ മുല്ല ഒരു ഗാർഡിനോട് കൽപ്പിക്കുന്നു. അവർ പത്രപ്രവർത്തകൻ്റെ ടേപ്പ് റെക്കോർഡർ പിടിച്ചെടുക്കുകയും ടേപ്പുകൾ നശിപ്പിക്കുകയും ചെയ്യുന്നു.

ഒടുവിൽ സഹ്റ അവളുടെ കയ്യിൽ യഥാർത്ഥ ടേപ്പുമായി പ്രത്യക്ഷപ്പെടുന്നു. മാധ്യമപ്രവർത്തകൻ കാറോടിച്ച് രക്ഷപ്പെടുമ്പോൾ പുരുഷന്മാർ കാറിന് പിന്നാലെ ഓടാൻ ശ്രമിക്കുന്നു. സിനിമയുടെ അവസാന സീനിൽ സംഭവിച്ച അനീതി ലോകം മുഴുവൻ അറിയിക്കുമെന്ന് സഹ്‌റ വിജയത്തോടെ പ്രഖ്യാപിക്കുന്നു.

• ✍️✍️✍️നിഷാ പിള്ള