ഒരു അനാഥലയത്തിൽ ജീവിച്ച പെൺകുട്ടിയും അവളെ സ്പോൺസർ ചെയ്ത ഒരാളുടെയും കഥ പറയുന്ന ഒരു ചിത്രമാണ് കാണാമറയത്ത്.
ശോഭനയുടെ അഭിനയജീവിതത്തിൽ ഏറ്റവും ഭംഗിയായി ചെയ്ത സിനിമകളിൽ
ഒന്നാണിത്. മമ്മൂട്ടിയും സീമയും പ്രധാന അഭിനേതാക്കളായി ചിത്രത്തിൽ ഉണ്ടെങ്കിലും ശോഭനയും റഹ്മാനും തുല്യകഥാപാത്രങ്ങളായി ഒപ്പം തന്നെയാണ്.
നമ്മൾ സാധാരണ കണ്ടു വരുന്ന റൊമാന്റിക് പടങ്ങളിൽ നിന്നും വ്യത്യാസം ഉള്ളതാണ് ഈ ചിത്രത്തിലെ പ്രമേയം. പത്മരാജൻ തിരക്കഥ എഴുതി ഐ വി ശശി സംവിധാനം ചെയ്ത ഈ ചിത്രത്തിൽ റോയി ആയി മമ്മൂട്ടിയും ഷേർലി ആയി
ശോഭനയും എത്തുന്നു. ഇതിൽ ശോഭനഅവതരിപ്പിക്കുന്ന ഷേർലി തികച്ചും അനാഥയാണെങ്കിൽ മമ്മുട്ടി അവതരിപ്പിക്കുന്ന റോയ് സമ്പന്നനായ ഒരു ബിസ്നസുകാരൻ ആണ്.
കുട്ടിത്തം വിട്ടുമാറാത്ത നിരപരാധിആയ ഒരു അനാഥപെൺകുട്ടിയെ വളരെ ലളിതമായി ഇതിൽ അവതരിപ്പിച്ചിരിക്കുന്നു ശോഭന. വേറിട്ട ആ പ്രണയവും ആർക്കും കൗതുകം തോന്നിപ്പിക്കുന്നതാണ്. ചെറുപ്രായത്തിലുള്ള പെൺകുട്ടി
ഇരട്ടിവയസ്സുള്ള ഒരാളെ തീവ്രമായി പ്രണയിക്കുകയാണ് കഥയിൽ.
താൻ സ്നേഹിച്ചത് ഇതുവരെ കാണാത്ത സ്പോൺസറുടെ മകനെ ആണെന്നും അച്ഛന്റെ മരണശേഷം എല്ലാകാര്യങ്ങളും നോക്കിസംരക്ഷണം തരുന്നത്
റോയിച്ചനാണെന്നും ഷേർലി അറിയുമ്പോഴാണ് കഥ തിരുന്നത്. ഗാനരംഗങ്ങളിലും ശോഭന നന്നായി തിളങ്ങിട്ടുണ്ട്.
ഷേർലി റോയിയെ പരിചയപെടുമ്പോൾ കോളേജ് പ്രിൻസിപ്പൽ ആണെന്ന് ആണ്
കരുതുന്നത്. അപ്പോൾ കൈയിൽ വാച്ച് ഇല്ലെന്നു മനസ്സിലാക്കിയ റോയ് ഒരു വാച്ച്
അവൾക്കു അവൾ അറിയാതെ സമ്മാനിക്കുന്നു.
ഇതിൽ റഹ്മാൻ അവതരിപ്പിക്കുന്ന ബേബി, റോയിയുടെ ഫ്രണ്ടിന്റെ ബ്രദർ ആണ്. ആദ്യകണ്ടതു മുതൽ തന്നെ ബേബിക്കു ഷേർലിയോട് പ്രണയമാണ്.
സീമയുടെ ഡോക്ടർ എൽസി എന്ന കഥാപാത്രം ചിത്രത്തിൽ നിറഞ്ഞു നിൽക്കുന്നുണ്ട്. തന്റെ പ്രായത്തെ പറ്റി റോയി ആവർത്തിച്ചിട്ടു പറഞ്ഞിട്ടും ഷേർലി പിൻമാറാൻ കുട്ടാക്കുന്നില്ല. ഒപ്പം ബേബിയുടെ സ്നേഹത്തിനു വലിയ വില കൊടുക്കുന്നുമില്ല. എന്നാൽ ബേബിക്ക് ഷേർലിയോടുള്ള പ്രണയം മനസ്സിലാക്കാൻ മധുരകിനാവിൻ എന്നുള്ള പാട്ടു മാത്രം മതി.
പലയിടത്തും റോയിയോട് ഷേർലിക്കു തോന്നുന്ന അടുപ്പത്തിന് ഒരു ദൈവികത തോന്നുന്നു.
ഇത്രയും വർഷങ്ങൾ കഴിഞ്ഞിട്ടും നമ്മുടെ മനസ്സിൽ ഈ ചിത്രത്തിനു ഒരു സ്ഥാനം ഉണ്ടെങ്കിൽ ഇതിൽ ഉള്ള വേറിട്ട പ്രണയം തന്നെയാണ്.
