മൃദുലം കോമളം അവീനോ

“ഇന്നെന്താ അന്വേഷണവും കണ്ടെത്തലും ഒന്നുമില്ലേ?”

അമ്മയുടെ പരിഹാസത്തിൻ്റെ മുന നല്ലോണം ഏറ്റിട്ടും മിണ്ടാതിരുന്നത് വെറുതെയല്ല. നാളെ അമ്മേടെ കുടുംബശ്രീ മീറ്റിംഗിൽ നിന്ന് ലീവ് എടുപ്പിച്ചാലേ വിചാരിച്ചത് പോലെ അവിനോ ബേബി ടീമിൻ്റെ  മീറ്റിംഗിന് പോവാൻ പറ്റൂ. ഇപ്പോ ദേഷ്യം പിടിപ്പിച്ചാൽ സീൻ കോൺട്ര ആകും എന്ന് മാത്രമല്ല, ഇത്രയും അടുത്ത് ഇങ്ങനെ ഒരു കൂട്ടായ്മ നടന്നിട്ടും പോവാൻ പറ്റാത്ത വിഷമം ഞാൻ ഒറ്റക്ക് അനുഭവിക്കേണ്ടിയും വരും.അതുകൊണ്ട് മാത്രം മിണ്ടാതിരുന്നതാണ്.

പെണ്ണുങ്ങൾക്ക് അത്യാവശ്യം ഫ്രീഡം കൊടുക്കുന്ന കുടുംബം ആണെങ്കിൽ കൂടി, ഞാൻ ഇങ്ങനെ കുഞ്ഞിനെ പൊതിഞ്ഞ് പിടിച്ച് വളർത്തുന്നത് അമ്മയ്ക്ക് ഇഷ്ടമല്ല. അവന് ബെസ്റ്റ് കൊടുക്കാൻ വേണ്ടി കണ്ണിൽക്കണ്ട ആർട്ടിക്കിൾ വായിക്കുന്നതിനോടും ഒരു റെസ്റ്റ് പോലും എടുക്കാതെ യൂ ട്യൂബ് വീഡിയോ കാണുന്നതും അമ്മയ്ക്ക് ഇഷ്ടമല്ല. അമ്മയുടെ കാലത്തൊക്കെ, കുട്ടിയെ കാണാൻ വരുന്നവർ കൊണ്ട് വരുന്ന ബേബി പ്രൊഡക്ട്സ് ഏതാണോ അതാണത്രേ ഉപയോഗിക്കുക. അതിപ്പോൾ, പല തരം ഉണ്ടെങ്കിൽ അങ്ങനെ. തീരുന്നതിനു അനുസരിച്ച് എളുപ്പം കിട്ടുന്നതെന്തോ അത് വാങ്ങും.

പണ്ടത്തെ കാലമല്ല ഇപ്പോ, കുട്ടികളുടെ ചർമ്മവും ആരോഗ്യവും എല്ലാം വ്യത്യസ്തമാണ് എന്നൊക്കെ പറഞ്ഞാൽ അമ്മ സമ്മതിച്ച് തരില്ല. അത് കൊണ്ട് പലരും പറഞ്ഞ് കേട്ടതും, സുഹൃത്തുക്കളിൽ പലരും അപ്രൂവ് ചെയ്തതുമായ അവിനോ ബ്രാൻഡിൻ്റെ കൂട്ടായ്മയ്ക്ക് പോവാനുള്ള ഉത്സാഹം ഞാൻ പുറമേ കാണിച്ചില്ല.

ഇറങ്ങുന്നതിനു തൊട്ട് മുമ്പ് ചങ്ങാതി പണി തന്നത് കൊണ്ട്, അവിടെ എത്തിയപ്പോഴേക്കും ഒരുവിധം ആളുകളെല്ലാം എത്തിച്ചേർന്നിരുന്നു.  ഉണ്ടായിരുന്നവരിൽ കുറേ പേർ ഓൾറെഡി ഈ ബ്രാൻഡ് ഉപയോഗിക്കുന്നവരാണ്. വിദേശത്ത് ബന്ധുബലം ഉള്ളവർ ആയിരുന്നു ഏറെയും. മുക്കാൽ നൂറ്റാണ്ടിനു മേലെ അനുഭവ സമ്പത്തുള്ള ബ്രാൻഡിൻ്റെ ഉപഭോക്തൃപാരമ്പര്യവും കൈമാറി വന്നതാണ് അവരിൽ. ചോദിച്ചവർക്ക് എല്ലാം നല്ല അഭിപ്രായം. യുഎസിലെ നമ്പർ വൺ ബ്രാൻഡ് എന്ന ലേബൽ വെറുതെ കിട്ടിയതാകില്ലല്ലോ!

പണ്ട് മണ്ണിൽ കളിച്ചാലും ചെളിയിൽ മുങ്ങിയാലും ഒന്ന് കുളിച്ചാൽ അതിൻ്റെ കേട് മാറുമായിരുന്നു. എന്നാൽ ഇപ്പോൾ, ഒരു കുഞ്ഞുകൊതുക് കടിച്ചാൽ അവിടെ അമ്പത് പൈസ വട്ടത്തിൽ വീർക്കുന്ന പ്രകൃതമാണ് ചില കുഞ്ഞുങ്ങൾക്ക്. അതിൽ ഒന്നാമൻ എൻ്റെ വാവയാണെന്ന് തോന്നുന്നു. അതുകൊണ്ട് തന്നെയാണ് സെൻസിറ്റീവ് ആയ തൊലി ഉള്ള കുഞ്ഞുങ്ങൾക്ക് എന്ന് പറഞ്ഞ് അവതരിപ്പിച്ച പ്രൊഡക്ട്‌സ് ഒന്ന് പരീക്ഷിച്ച് നോക്കാം എന്ന തോന്നൽ വന്നത്.

ക്രീമും ലോഷനും വാഷും മുതൽ ജലാംശം ഏറിയതും മൃദുലവും ചർമ്മത്തിനും മുടിക്കും സ്വാന്തനമേകുന്നതുമായിരുന്ന ഉൽപ്പന്നങ്ങൾ ആയിരുന്നു ലിസ്റ്റിൽ ഉണ്ടായിരുന്നത്.

അവിടെ വച്ച സാംപിൾ ലോഷൻ കയ്യിൽ പുരട്ടി  മണത്തപ്പോൾ എൻ്റെ ചുണ്ടിൽ ചിരി വിരിഞ്ഞു. കുഞ്ഞുങ്ങൾക്കുള്ള വസ്തുക്കളിൽ അനാവശ്യമായി നിറയ്ക്കുന്ന കെമിക്കൽ സംബന്ധമായ വസ്തുക്കൾ ഇല്ല എന്ന പ്രഖ്യാപനം ആയിട്ടാണ് എനിക്ക് തോന്നിയത്. കയ്യിൽ പുരട്ടിയ ലേപനത്തിൻ്റെ ഈർപ്പവും അതിൻ്റെ ദൈർഘ്യവും എന്നെ കൊതിപ്പിച്ചു കളഞ്ഞു എന്ന് വേണം പറയാൻ. ചർമ്മത്തിലേക്ക് അത് അലിഞ്ഞു ചേർന്നത് പോലെ. അത് പുരട്ടിയിടത്ത് മിനുസം വന്നത് പോലെ. പ്രകൃതിദത്തമായ ഓട്സിൽ നിന്നാണ് അവിനോ ഉത്പന്നങ്ങളുടെ നിർമ്മാണം എന്ന് കേട്ടത് ഞാൻ ഓർത്തു. ദേഹത്തെ അഴുക്കുകൾ മുഴുവൻ നീക്കുന്ന, കണ്ണുകളോട് സൗഹൃദം പുലർത്തുന്ന ബോഡി വാഷ് തല മുതൽ കാല് വരെ ഉപയോഗിക്കാമത്രെ. പ്രോട്ടീനുകളും ലിപിടുകളും നിറഞ്ഞ ലോഷനാകട്ടെ, ഉണങ്ങി വരണ്ട ചർമ്മങ്ങൾക്ക് ഉപയോഗകാരിയും.  വ്യത്യസ്തവും വേറിട്ടതുമായ ചേരുവകൾ ഫലപ്രദം തന്നെ.

ബോറൻ പ്രസംഗങ്ങളും അവതരണങ്ങളും ഒന്നും അവിടെ ഉണ്ടായില്ല എന്നതാണ് എന്നെ ആകർഷിച്ച മറ്റൊരു വസ്തുത. കളികളും, ചിന്തകളും സമ്മാനങ്ങളുമായി തങ്ങളുടെ ആശയങ്ങൾ അവിനോ ടീം വളരെ രസകരമായി പങ്ക് വച്ചു. ഏറെ നേരം നീണ്ടു നിൽക്കുന്ന ഫലം തരുന്നവയാണ് എല്ലാ ഉൽപ്പന്നങ്ങളും എന്നതിൽ കവിഞ്ഞ്, നമ്മുടെ കുഞ്ഞുങ്ങളുടെ സാധാരണ ചർമ്മം വീണ്ടെടുക്കാൻ സഹായിക്കുക  എന്നതാണ് അവരുടെ ലക്ഷ്യമെന്ന് അവർ ഊന്നിപ്പറഞ്ഞു എന്ന് വേണം പറയാൻ.

കുട്ടികളിലെ പല തരം ചർമ്മശൈലികളെ കുറിച്ചുള്ള ആഴത്തിലുള്ള പഠനം ഉത്പന്നങ്ങളുടെ നിർമ്മാണങ്ങളിൽ വലിയ സ്വാധീനം ചെലുത്തിയിരിക്കുന്നു എന്ന് അവരുടെ ഇൻഡ്രോ വീഡിയോ കണ്ടപ്പോൾ തന്നെ മനസ്സിലായി. അല്ലെങ്കിൽ, തൊലിപ്പുറമേ വരാൻ സാധ്യതയുള്ള ചൊറിച്ചിൽ, ചുണങ്ങ്, ചുമന്ന് തടിക്കൽ എന്നിങ്ങനെയുള്ള പല അസ്വസ്ഥതകൾക്ക് ഒരൊറ്റ ഉപായം മുന്നോട്ട് വയ്ക്കാൻ അവർക്ക് ആകുമായിരുന്നോ?

ഇത്തിരി ചൂടിൽ ഒത്തിരി വിയർക്കുന്ന, കൊതുക് കടി കൊണ്ടാൻ തെച്ചിപ്പൂ തോൽക്കുന്ന തരത്തിൽ ചുമക്കുന്ന ഞങ്ങളുടെ വാവയ്ക്ക് അവിനോ ക്രീം ഒന്ന് പരീക്ഷിക്കാൻ അവിടുന്ന് പോരുമ്പോഴേക്കും ഞാൻ തീരുമാനിച്ചിരുന്നു. അതിനു സഹായകം എന്നോണം അവിടുന്ന് കിട്ടിയ ഗൂഡി ബാഗ് സ്വീകരിച്ചത് ഹൃദയം നിറഞ്ഞ നന്ദിയോടെ ആണ്.

ഒരാഴ്ച ആകുന്നു എൻ്റെ പരീക്ഷണങ്ങൾ തുടങ്ങിയിട്ട്. ബേബി ബ്രാൻഡിൽ ഒന്നാമത് തന്നെ അവീനോ എന്ന് അടിവരയിട്ട് ഉറപ്പിക്കുന്ന റിസൾട്ട് തന്നെയാണ് എനിക്ക് കിട്ടിയതെന്ന് പ്രത്യേകം എടുത്തു പറയേണ്ടല്ലോ. വിദേശിയിൽ നിന്ന് സ്വദേശി ആകുവാനുള്ള യാത്രയിൽ ഞങ്ങളും നിങ്ങളോട് കൂടെ.

#baby #aveenobaby #babyproducts #babylotion #babyskincare #newbornbaby #aveenobabyproducts #bestbabylotion #dailymoisturelotion #babyshampoo #babywash #parentingtips #newbornbaby #bestbabyshampoo #bestbabywash #washandshampoo #babycream #bestbabycream #soothingcream #dryskin #dermexa #Koottaksharangal