💞കുഞ്ഞിക്കിളിയുടെ മൊഴി💞

നേരം പരപര വെളുത്തു. കുഞ്ഞിക്കിളി കണ്ണു തുറന്നു. കുഞ്ഞിക്കിളിക്ക് വിശക്കാൻ തുടങ്ങി കുഞ്ഞിക്കിളി അമ്മക്കിളി യെതട്ടി ഉണർത്തി പറഞ്ഞു അമ്മേ ! എനിക്ക് വിശക്കുന്നു.

“അതിനെന്താ അമ്മ ഇപ്പോൾ പോയി മോൾക്ക് ഭക്ഷണം കൊണ്ടുവരാം മോൾ ഇവിടെ ഇരിക്കൂ.”

അപ്പോൾ കുഞ്ഞിക്കളി പറഞ്ഞു. “ഞാനും വരുന്നു”

ഇത് കേട്ട് അമ്മ കിളി പറഞ്ഞു, “മോളെ ഞാൻ നാളെ കൊണ്ടുപോകാം”

ഇതും പറഞ്ഞ് അമ്മക്കിളി യാത്രയായി അപ്പോൾ അതുവഴി വന്ന കുട്ടിപ്പട്ടാളങ്ങൾ ഈ കിളിയെ കണ്ടു. അതിൽ ഒരു കുട്ടി പറഞ്ഞു, “ഈ കിളിയെ നമുക്ക് വീട്ടിൽ കൊണ്ടുപോകാം”

മരത്തിൽ കയറി കുട്ടികൾ കിളിയേയും കൊണ്ട് വീട്ടിലേക്ക് പുറപ്പെട്ടു. കുഞ്ഞിക്കിളിയോ! അമ്മക്കിളിയെ കാണാത്തതുകൊണ്ട് പേടിച്ച് നിലവിളിച്ചു.

കുഞ്ഞിക്കിളിയുടെ കരച്ചിൽ കേട്ട് അമ്മ ചോദിച്ചു. “ഈ കിളിയെ എവിടെ നിന്നാണ് നിങ്ങൾക്ക് കിട്ടിയത്?”

കുട്ടികൾ നടന്ന കാര്യം അമ്മയോട് വിശദമായി പറഞ്ഞു.
അപ്പോൾ അമ്മ പറഞ്ഞു. “മക്കളെ ഈ കിളിയെ നമുക്ക് അവിടെ തന്നെ വച്ചിട്ട് വരാം”

ഇത് കേട്ട് കുഞ്ഞിക്കിളിക്ക് സന്തോഷമായി. അങ്ങനെ അവർ കിളിയെയും കൊണ്ട് യാത്ര പുറപ്പെട്ടു. നടന്നു നടന്നു അവർ കൂട്ടി നടുത്തെത്തി. ആ സമയം അമ്മക്കിളി കുഞ്ഞിക്കിളിയെ കാണാത്തതുകൊണ്ട് അലമുറയിട്ട് കരയുകയായിരുന്നു. കുഞ്ഞിക്കിളിയെ കണ്ടതും അമ്മക്കിളിക്ക് സന്തോഷമായി. അവർ പരസ്പരം കെട്ടിപ്പിടിച്ചു കൊണ്ട് പറഞ്ഞു.

“മുത്തേ…! ഇനി മുതൽ ഞാൻ എവിടെ പോകുകയാണെങ്കിലും നിന്നെ കൊണ്ടുപോകാം.”

ഇത് കേട്ട് കുത്തിക്കിളി പൊട്ടിച്ചിരിച്ചു കൊണ്ട് മധുരമാഴിയേകീ….
അങ്ങനെ കുഞ്ഞിക്കിളിയുടെ വാക്കിന്റെ വില അമ്മക്കിളിക്കും ബോധ്യപ്പെട്ടു.
അങ്ങനെ അവർ സന്തോഷത്തോടെ ഒരുപാട് നാൾ ജീവിച്ചു.

സ്നേഹത്തോടെ
ലക്ഷ്യ സഹദേവൻ