സ്നേഹം മൂന്ന് തരമുണ്ട്.
1. ആവശ്യങ്ങൾക്ക് വേണ്ടിയുള്ള സ്നേഹം.
ഒരാളെ സ്നേഹിക്കുന്നത് നമ്മുടെ ആവശ്യങ്ങൾക്ക് വേണ്ടിയാണെങ്കിൽ, ആ ആ കാര്യം അവരിൽ നിന്ന് കിട്ടാതെ വരികയോ, അല്ലെങ്കിൽ നമ്മുടെ ആ ആവശ്യം കഴിയുകയോ, അല്ലെങ്കിൽ അവരെക്കാൾ ഏറെ മറ്റൊരാൾ നമുക്കത് നൽകാൻ തുടങ്ങുകയോ ചെയ്താൽ അവരോടുള്ള നമ്മുടെ സ്നേഹം അവസാനിക്കും. അതിപ്പോ, അവരുടെ സമയമാകാം, സ്നേഹമാകാം, പരിഗണനയാകാം, ശരീരമാകാം, പണമായിരിക്കാം അങ്ങിനെ എന്തുമാകാം. ഇത്തരം സ്നേഹം കാണിക്കുന്നവർ കൂടുതലും പണത്തിനോ ശരീരത്തിനോ വേണ്ടി സ്നേഹിക്കുന്നവർ ആണ്.
2. സ്നേഹം വാക്കുകളിൽ കാണിക്കുന്നവർ.
അവർക്ക് നമ്മളോടുള്ള സ്നേഹം അവരുടെ വാക്കുകളിൽ മാത്രമായിരിക്കും. എന്തിനും ഏതിനും എപ്പോഴും ഞാൻ നിന്റെ കൂടെയുണ്ടാകും, എപ്പോ വേണമെങ്കിലും, എന്തിന് വേണമെങ്കിലും വിളിച്ചോ ഞാൻ കൂടെയുണ്ട് എന്നവർ ഇടയ്ക്കിടെ പറഞ്ഞു കൊണ്ടിരിക്കും. പക്ഷെ, യഥാർത്ഥത്തിൽ നമ്മുടെ ഒരു ആവശ്യത്തിലോ, ഒരു ബുദ്ധിമുട്ടിലോ അവർ നമ്മുടെ കൂടെ ഉണ്ടാകില്ല. 100 രൂപ കടമായി ചോദിച്ചാൽ പോലും അവർ നമ്മളെ സഹായിക്കാൻ തയ്യാറാകില്ല. പക്ഷെ, സംസാരത്തിലും എഴുത്തിലും അവർ വളരെ സ്നേഹമുള്ളവർ ആയിരിക്കും.
3. ഇവരാണ് യഥാർത്ഥ സ്നേഹമുള്ളവർ.
ഏറ്റവും കൂടുതൽ വഞ്ചിക്കപ്പെടുന്നതും, പറ്റിക്കപ്പെടുന്നതും സ്നേഹത്തിന്റെ പേരിൽ വേദനിക്കുന്നതും ഇവർ മാത്രമായിരിക്കും. ഇവരെ പറ്റിക്കാൻ, ഉപയോഗിക്കാൻ ആദ്യം പറഞ്ഞ രണ്ട് പേർക്കും എളുപ്പമാണ്. കാരണങ്ങളില്ലാതെ സ്നേഹിക്കുന്നവർ. അവർ സ്നേഹിക്കുന്നവരിൽ നിന്ന് തിരികെ ഒന്നും പ്രതീക്ഷിക്കാതെ സ്നേഹിക്കുന്നവർ ആണ്. അവരെ നമ്മൾ എങ്ങനെ ട്രീറ്റ് ചെയ്താലും, അവർക്ക് നമ്മളോടുള്ള സ്നേഹം മടുക്കും വരെയുണ്ടാകും. അവരെ പരിഗണിച്ചാലും, തിരിച്ച് സ്നേഹിച്ചാലും, അവഗണിച്ചാലും അവർക്ക് സ്നേഹിക്കാൻ മാത്രമേ അറിയൂ. അവർ നിങ്ങളുടെ ഏത് കാര്യത്തിനും കൂടെയുണ്ടാകും. നിങ്ങൾ ഒരു പ്രശ്നത്തിൽ ആണെന്ന് അറിഞ്ഞാൽ, എന്ത് ചെയ്തും അവർ നിങ്ങളുടെ കൂടെ നിൽക്കും. പുറമെ പരുക്കന്മാർ ആണെന്ന് തോന്നിയാലും ഉള്ളിൽ സ്നേഹമുള്ളവർ ആയിരിക്കും ഇവർ.
ഇതിൽ ഏതിലാണ് നിങ്ങൾ പെടുന്നത്. 3 ൽ പെട്ടില്ലെങ്കിലും 1 ൽ പെടാതെ ഇരിക്കു. രണ്ടാമത്തെ ആളുകളെ പോലെ വാഗ്ദാനങ്ങൾ നൽകാതെയിരിക്കുക. മൂന്നാമത്തെയാളെ പോലെയൊരാൾ കൂടെയുണ്ടെങ്കിൽ, അവരെ ഉപയോഗിച്ച് വലിച്ചെറിയാതെ ഇരിക്കുക. നഷ്ടപ്പെടുത്താതെയിരിക്കുക.
മുറു കൊടുങ്ങല്ലൂർ
