ഒരു മഹാ വിപത്തിനെതിരെ പോരാടുക

മദ്യത്തിനും മയക്കുമരുന്നിനും എതിരെയുള്ള നിലവിളികൾ തുടങ്ങിയിട്ട് കാലം ഏറെയായി. ഇതെല്ലാം എന്നുമുതൽ സജീവമാകുന്നുവോ അന്നുമുതൽ ഇതിനെല്ലാം എതിർപ്പുമുണ്ട്
എന്നിട്ടും നാൾക്കുനാൾ വർദ്ധിച്ചുവരുന്ന മാഫിയകളെയാണ് നമുക്ക് ചുറ്റും കാണാൻ കഴിയുന്നത്.
പെട്ടെന്ന് പണം ഉണ്ടാക്കാൻ ഉള്ള വഴി മറ്റൊരുത്തന്റെ കുടുംബത്തെയും സ്വത്വത്തെയും നശിപ്പിച്ചു കൊണ്ട്..

ഒരുകാലത്ത് സ്ത്രീകൾ ഇതിൽ നിന്നെല്ലാം ഒഴിവായിരുന്നെങ്കിൽ ഇന്ന് അവരും ഇതിൻറെ പ്രചാരകരും ഉപയോക്താക്കളുമാണ് എന്നതും കൂടി ഞെട്ടിപ്പിക്കുന്ന വിവരങ്ങളാണ്
പണ്ടുകാലത്ത് മയക്ക് മരുന്ന് എന്നൊക്കെ കേൾക്കുമ്പോൾ നമുക്ക് മനസ്സിൽ വന്നിരുന്ന ചില നാടുകൾ ഉണ്ട് ബോംബെ ബാംഗ്ലൂർ മദ്രാസ് തുടങ്ങി അധോലോകങ്ങളെ പറ്റിയുള്ള ചില ധാരണകൾ. അവിടങ്ങളിൽ മാത്രം ഉണ്ടാകുന്ന ചില സംഗതികളാണ് ഇതൊക്കെ എന്നായിരുന്നു നമ്മുടെയൊക്കെ വിശ്വാസം..

എന്നാൽ ഇന്ന് നമ്മുടെ നാൽക്കവലകളിലെ പെട്ടി കടകളിൽ പോലും ഇത് സുലഭമാണ് എന്നത് ഇതിൻറെ ഗൗരവം ഏതുതരത്തിൽ എടുക്കണം എന്നതിനെ സൂചിപ്പിക്കുന്നു..

മദ്യം ഒരു കാലത്തും സർക്കാർ നിർത്താൻ പോകുന്നില്ല കാരണം അതിൽ നിന്ന് കിട്ടുന്ന വരുമാനം നികുതി ഇത് ഒരു പ്രധാന ഘടകമാണ്…

മണമോ ബാഹ്യ ലക്ഷണങ്ങളോ ഇല്ലാത്ത ലഹരികളാണ് കൂടുതലും യുവാക്കളെ വിദ്യാർത്ഥികളെ ആകർഷിക്കുന്നത്..

പഞ്ചായത്തുകൾ തോറും പോലീസ്, എക്സൈസ് സ്റ്റേഷനുകൾ ഉള്ള നമ്മുടെ നാട്ടിൽ ലോക പോലീസിനെ പോലും വെല്ലുവിളിക്കാവുന്ന തരത്തിലുള്ള സാങ്കേതികവിദ്യകളും ബുദ്ധിയുമുള്ള പോലീസുകാർ ഉണ്ടായിട്ടുപോലും അവരുടെ മൂക്കിൻ തുമ്പത്ത് ഇത് നടക്കുന്നത് അവർ അറിയുന്നില്ല കാണുന്നില്ല എന്നുള്ളത് മനസ്സിലാക്കാൻ സാധിക്കുന്നില്ല.

ശക്തമായ പ്രതികരണങ്ങൾ സമൂഹത്തിന്റെ നാനാ ഭാഗത്തു നിന്നും ഉണ്ടാകേണ്ടതുണ്ട്. തെറ്റായ വഴികളിലേക്ക് നമ്മുടെ മക്കൾ പോകാതിരിക്കാൻ നമ്മുടെ കുടുംബ ബന്ധങ്ങളെ ശകതമാക്കേണ്ടതുണ്ട്.
കുഞ്ഞുങ്ങളോട് നന്നായി സംസാരിക്കുക, എല്ലാ കാര്യങ്ങളും ചോദിച്ചറിയുക നമ്മുടെ പാഠ്യപഠന സംവിധാനത്തിൽ ലഹരിക്കെതിരെയുള്ള ബോധവൽക്കരണവും മാതാപിതാക്കളെ ഗുരുക്കളെ അപരനെ സ്നേഹിക്കുന്നതിന്റെ മഹനീയതയും ഉൾപെടുത്തേണ്ടതുണ്ട്. ചെറുപ്പം മുതലേ കുട്ടികളിൽ മനുഷ്യസ്നേഹത്തിന്റെ വിത്തുകൾ പാകി തുടങ്ങണം.

നമ്മുടെ പഞ്ചായത്ത്‌ ഗ്രാമ മൈതാനങ്ങൾ സജീവമാക്കണം. കായികപരമായ കഴിവുള്ള ഒരുപാട് കുട്ടികൾ താങ്ങളുടെ കരിയർ നശിപ്പിച്ചു കൊണ്ട് ജീവിതത്തിന്റെ പാതി വഴി എത്തുന്നതിനു മുൻപേ എരിഞ്ഞു തീരുന്നു.
കുട്ടികളിൽ കായികപരവും കലാപരവുമായ ലഹരി നിറക്കാൻ ഒരു സമൂഹം എന്ന നിലയിൽ നമുക്ക് ബാദ്യതയുണ്ട്.
ഇതിന്റെ ദൂഷ്യ വശങ്ങളെ കുറിച്ച് മാധ്യമങ്ങളിൽ നിരന്തരമായി റിപ്പോർട്ടുകൾ വന്നു കൊണ്ടിരിക്കണം പ്രമുഖർ പ്രതികരിക്കണം.
പോലീസും അധികാരികളും പട്രോളിംഗ് സംവിധാനങ്ങളും ശക്തമായ നിലപാടുകളും എടുക്കേണ്ടതുണ്ട്.
ഈ ഉദ്യമത്തിൽ പൊതു സമൂഹവും പങ്കാളികൾ ആകേണ്ടതുണ്ട്. നാട്ടിലും സ്കൂളിലും ലഹരി വിരുദ്ധ ക്ലബ്ബുകൾ രൂപീകരിച്ചു നമ്മുടെ യുവാക്കളുടെ ഇടയിൽ ശക്തമായ ബോധവൽക്കരണം നടത്തുക..

ഏറ്റവും പ്രധാനം വിൽപ്പനയും ഉത്പാദനവും തടയുക എന്നത് തന്നെയാണ്…
വേരുകൾ കണ്ടെത്തി നശിപ്പിക്കാൻ കഴിയട്ടെ…
നാളെത്തെ നല്ലൊരു തലമുറയെ വാർത്തെടുക്കാൻ നമുക്ക് ഒന്നായി പരിശ്രമിക്കാം…
അഭിമാനമുള്ള ഒരു തലമുറക്കായി…

*ഫൈസി മന്ദലാംകുന്ന്*