ഉപ്പയെ കുറിച്ചുള്ള ഓർമ്മകൾ

ഇന്ന് ജൂൺ 15 , ലോകം പിതൃദിനം ആഘോഷിക്കുന്ന ഈ വേളയിൽ, കണ്ണീരിൽ കുതിർന്ന ഒരു പിടി ഓർമ്മകളുമായി  ഉപ്പയെ 🥲 കുറിച്ച് ഇവിടെ കുറിക്കുന്നു. ജൂൺ 27 ഉപ്പ, അള്ളാഹു വിന്റെ വിളിക്കു ഉത്തരം നല്കി കൊണ്ട് ഇഹലോക വാസം വെടിഞ്ഞിട്ട് 18 വർഷം കഴിഞ്ഞു.ഉപ്പയുടെ കബറിടം അള്ളാഹു വിശാലമാക്കി കൊടുക്കട്ടെ ആമീൻ. 🤲

എനിക്കു ഓർമ്മ വെച്ച നാളുകൾ, ഉപ്പയെ കുറിച്ച് പറയുക ആണെങ്കിൽ, വളരെ ഗൗരവക്കാരനും, കർക്കശ ക്കാരനും ആയിരുന്നു ഞങ്ങളുടെ ഉപ്പ.

മക്കളോട് ഒരുപാട് സ്നേഹം ഉണ്ടായിരുന്നു എങ്കിലും, അതു പ്രകടിപ്പിക്കാൻ ഉപ്പ നല്ലോണം പിശുക്ക് കാണിച്ചിരുന്നു. ഉപ്പയുടെ തലവെട്ടം  കാണുന്നത് തന്നെ എല്ലാർക്കും പേടി ആയിരുന്നു.പക്ഷെ ഉപ്പ നല്ല കഠിനാഅദ്ധ്വാനിയും, അതിലുപരി, നല്ല പുസ്തകപ്രേമിയും, ആയിരുന്നു. ഉപ്പയുടെ ദിന ചര്യകൾ ആരംഭിക്കുന്നതു തന്നെ കുറേ ചായകൾ പല സമയങ്ങളിൽ കുടിച്ചു കൊണ്ട് ആയിരിക്കും, ഇടയിൽ ഭക്ഷണം കഴിക്കലും  മുറപോലെ നടക്കും, പത്ര വായന ഒക്കെ കഴിഞ്ഞു,   ഉപ്പ ഞങ്ങളുടെ പറമ്പിലേക്ക്, മഴുവും അരിവാളും കൊണ്ട് ഇറങ്ങും, പറമ്പ് മുഴുവൻ കിളച്ചു, തെങ്ങിന് ഒക്കെ തടം തുറന്നു കൊണ്ട്  ഉച്ചവരെ വിശ്രമം ഇല്ലാതെ പണി എടുത്തു ഇരിക്കും. ഉപ്പ നല്ലത് പോലെ പുകവലി കുമായിരുന്നു. പണിയുടെ ഇടവേളകളിൽ ഒക്കെ പുകവലിക്കും,

അങ്ങനെ ഉപ്പയുടെ പകൽ സമയങ്ങൾ കഴിഞ്ഞു പോകും. സായാഹ്ന സമയം ഉപ്പ നടക്കാൻ ഇറങ്ങും. രാത്രി സമയം ആണ് ഉപ്പ പുസ്തകങ്ങളുമായി ചങ്ങാത്തം കൂടാറ്. അങ്ങനെ ഉപ്പയുടെ പുസ്തക വായനയുടെ ഇഷ്ടം എനിക്കും പകർന്നു കിട്ടി. എന്റെ കൂട്ടുകാരുടെ കൂടെ ഒന്നും എന്നെ ഉപ്പ കളിക്കാൻ വിടാറില്ല. പകരം എനിക്കു വായിക്കാൻ വേണ്ടി ബാല മാസികകൾ  ആയ ബാലരമ, പൂമ്പാറ്റ, കളിക്കുടുക്ക മുതലായ എല്ലാ പുസ്തങ്ങളും മേടിച്ചു കൊണ്ട് വരും. അങ്ങനെ വീടിന്റെ നാല് ചുമരുകളിൽ എന്റെ കൂട്ടും പുസ്തകങ്ങൾ മാത്രം ആയി തന്നെ മാറി. എന്നാലും കൂട്ടുകാരുടെ കൂടെ കളിക്കാൻ പോകാൻ കഴിയാത്തതിന്റെ വിഷമം എനിക്ക് നല്ലോണം ഉണ്ടായിരുന്നു. അന്നൊക്കെ സ്കൂളിൽ നിന്നും കൂട്ടുകാരികൾ വിനോദ യാത്രകൾക്ക് പോകുമ്പോൾ ഞാനും കൊതിക്കുമായിരുന്നു. അവരുടെ കൂടെ പോകാൻ, പക്ഷെ എനിക്ക് സമ്മതം കിട്ടാറില്ല. ഒറ്റ തവണ മാത്രമേ ഉപ്പയോട് അനുവാദം ചോദിക്കാൻ പറ്റുമായിരുന്നു ള്ളൂ. പിന്നേം ചോദിക്കാൻ അങ്ങോട്ട് ചെന്നാൽ ഉപ്പയുടെ വിധം മാറും. എല്ലാരും തുള്ളുന്ന പോലെ എന്റെ മോൾ തുള്ളണ്ട എന്നാണ് ഉപ്പ പറയാറ്. നല്ല കുട്ടികൾ വീട്ടിൽ അടങ്ങി ഒതുങ്ങി നിന്നോളണം. എന്റെ സ്കൂൾ ജീവിതത്തിൽ ഞാനും ഉമ്മയും ഒരുമിച്ചു വിനോദ യാത്രക്ക് പോയത് ഒന്നോ രണ്ടോ തവണ മാത്രം ആണ്. അതും  രണ്ടാമത്തെ തവണ പോയത് ഉമ്മ സ്കൂളിൽ നിന്നും വിരമിക്കുന്ന കൊല്ലം.

അന്ന് ടീവി പോലും കൂടുതൽ സമയം കാണാൻ ഉപ്പ സമ്മതിക്കാറില്ല.ആകെ കുറച്ചു അധികം സമയം ലാഭിക്കാറ് സ്കൂൾ അവധി കാലത്തു മാത്രം ആയിരുന്നു. അതും ഒരു പരിധിക്ക് അപ്പുറം നടക്കില്ല.പക്ഷെ പുസ്തകം എത്ര നേരം വേണമെങ്കിലും വായിക്കാൻ എനിക്ക് അനുവാദം തന്നിരുന്നു. കാലങ്ങൾ കുറേ കഴിഞ്ഞു പോയപ്പോൾ ഉപ്പയുടെ വേർപാട് എന്നിൽ ഒരുപാട് ശൂന്യത നിറച്ചു 🥲.ഉപ്പയോട് ഉള്ള  സ്നേഹം കൂടുതൽ ഉണ്ടായിരുന്നു എന്ന് മനസ്സിൽ ആക്കാൻ കഴിഞ്ഞത് ഉപ്പയുടെ വേർപ്പാട്ന് ശേഷം ആണ്. പിന്നീട് ഉപ്പയെ ഓർക്കാത്ത ഒരു ദിവസം പോലും ഇല്ല. എല്ലാം ഇന്നലെ കഴിഞ്ഞത് പോലെ ഉണ്ട്

അന്ന് ഉപ്പ സ്നേഹം കാണിക്കാൻ പിശുക്ക് കാണിച്ചത് ഞമ്മൾ വഴി തെറ്റി പോയാലോ എന്നു വിചാരിചിട്ട് ആയിരിക്കും.ആദ്യം ആയിട്ട് ഉപ്പയുടെ സ്നേഹം മനസ്സിൽ ആയത് ഉപ്പയും ഉമ്മയും പരിശുദ്ധ ഹജ്ജ് കർമ്മം നിർവഹിക്കാൻ വേണ്ടി പോകുന്ന സമയം എന്നെ ചേർത്‌ നിർത്തി സ്നേഹത്തോടെ യാത്ര ചൊല്ലി  പോയപ്പോൾ ആണ്. അന്ന് എനിക്കും ഒത്തിരി സങ്കടം ആയി. പിന്നെ സ്നേഹം അനുഭവിക്കാൻ സാധിച്ചത്‌ ഞാൻ പ്രസവിക്കാർ ആയപ്പോൾ ആണ്. പ്രസവം കഴിഞ്ഞു കുറച്ചു ദിവസത്തിനു ശേഷം ഉപ്പ മരണ പ്പെടുകയുയും ചെയ്തു. ഒരു പക്ഷെ ഉപ്പ അങ്ങനെ ഒക്കെ സ്നേഹിക്കാൻ പിശുക്ക് കാണിച്ചത് എല്ലാം ഉപ്പയുടെ ശരികൾ ആയിരിക്കും എന്ന് തോന്നുന്നു.നമുക്ക് നഷ്ടപ്പെടുമ്പോൾ ആണ് ആ വേദന മനസ്സിൽ ആക്കാൻ സാധിക്ക്കുന്നത്.

അള്ളാഹു ഉപ്പയുടെ കൂടെ ഞങ്ങളെ എല്ലാവരെയും  സ്വർഗത്തിൽ ഒരുമിച്ചു കൂട്ടി അനുഗ്രഹിക്കട്ടെ ആമീൻ 🤲💗

Happy Fathers day🌹

#എന്റെരചന

പിതൃദിനം