മഷിത്തണ്ട്

നിൻ്റെ ഓർമ്മകൾ, ഒരു മഷിത്തണ്ട് പോലെ എൻ്റെ മനസ്സിൽ മായാതെ നിൽക്കുന്നു.

കാലം എത്ര വേഗമാണ് പറന്നുപോയതെന്നോർത്ത് ഞാൻ അത്ഭുതപ്പെടുന്നു. അഞ്ചാം ക്ലാസ്സിലെ ഓർമ്മകളിലേക്ക് എൻ്റെ മനസ്സ് പലപ്പോഴും ഒരു തുമ്പിയെപ്പോലെ പറന്നുചെല്ലാറുണ്ട്. നി ഓർക്കുന്നുണ്ടോ അന്ന് നീ 5-ഡിയിലും ഞാൻ5-എയിലും ആയിരുന്ന ആ കാലം? സ്കൂളിൽ നീ വളരെ കുറച്ചു കാലമേ ഉണ്ടായിരുന്നുള്ളൂ. എങ്കിലും നിൻ്റെഓർമ്മകൾ എൻ്റെ മനസ്സിൽ ഇപ്പോഴുമുണ്ട്. നീ പാടിയിരുന്ന ആ പാട്ട്, അതിൻ്റെ ഈണം എൻ്റെ കാതുകളിൽ ഇപ്പോഴുംമുഴങ്ങുന്നു.

‘’അറിയാതെ നിന്നെ അറിയുന്നുഞാൻ പ്രിയസഖി…”

നിൻ്റെ ആൻ്റിയുടെ മോളും എൻ്റെ സഹോദരനും ഒരേ സ്കൂളിലായിരുന്നു. അവരുടെ സ്ലെറ്റ് മായിക്കാൻ മഷിതണ്ടിനായി പോകുന്ന പോക്ക് നീ ഓർക്കുന്നുണ്ടോ. വീടിന്റപ്പുറത്തെ ജോസഫ് അണ്ണന്റെ വീടിന്റെ  സൈഡില്‍, അവിടെ സുലഭമായിരുന്നു ഈ ചെടി. അതിന്റെ തണ്ടില്‍ ധാരാളം വെള്ളം ഉള്ളതുകൊണ്ട് സ്ലേറ്റ് മായ്ക്കാന്‍ നല്ലഎളുപ്പമാണ്. നമ്മൾ കണ്ട ആദ്യത്തെ രക്തസാക്ഷികളായിരുന്നു ആ മഷിത്തണ്ടുകള്‍. അവരുടെ ഹൃദയരക്തംകൊണ്ടാണ് പലതെറ്റുകളും മായ്ക്കപ്പെട്ടത്.കുറച്ചു കാലംകഴിഞ്ഞു

എങ്ങോട്ടാണ് പോയതെന്നോ എന്തിനാണ് പോയതെന്നോ ചോദിക്കാൻ അന്നത്തെ പ്രായത്തിൽ അറിയില്ലായിരുന്നു. എങ്കിലും ആ യാത്ര, ആ ചിരികൾ, ആ കളികൾ… അതൊന്നും മനസ്സിൽ നിന്ന് മാഞ്ഞുപോയിട്ടില്ല.

മുപ്പത് വർഷങ്ങൾക്കിപ്പുറവും ഞാൻ നിന്നെ ഓർക്കുന്നു. ഒരുപാട് സൗഹൃദങ്ങൾ എൻ്റെ ജീവിതത്തിലൂടെകടന്നുപോയി, ചിലത് ഇപ്പോഴും എൻ്റെ കൂടെയുണ്ട്. എന്നിട്ടും ബാല്യകാലത്തിലെ ആ നിഷ്കളങ്കമായ സൗഹൃദം എൻ്റെമനസ്സിൽ ഒരു മായാത്ത ചായം പോലെ നിൽക്കുന്നു. സത്യം പറഞ്ഞാൽ, നിൻ്റെ മുഖം പോലും എനിക്ക് വ്യക്തമായിഓർമ്മയില്ല. എങ്കിലും ആ സൗഹൃദം ഒരു വേനൽക്കാലത്തെ ഓർമ്മപോലെ എൻ്റെ മനസ്സിൽ നിറഞ്ഞുനിൽക്കുന്നു. മഷിത്തണ്ട് മുറിച്ച് കളിച്ചതും, തമാശകൾ പറഞ്ഞ് ചിരിച്ചതും, പിണങ്ങിയതും, ഇണങ്ങിയതുമെല്ലാം ഇന്നലെയെന്നപോലെ ഓർക്കുന്നു. ജീവിതത്തിലെ തിരക്കുകൾക്കിടയിലും ആ ഓർമ്മകൾ ഒരു കുളിർകാറ്റായി എന്നെ തലോടുന്നു.

നമ്മൾ ഇനിയൊരിക്കലും കണ്ടുമുട്ടുമോ എന്നെനിക്കറിയില്ല. എവിടെയാണ് എങ്ങനെയാണ് നിന്നെ തിരയേണ്ടതെന്ന്അറിയില്ല. എന്നിരുന്നാലും, ഒരു പഴയ ഫോട്ടോയിലെ മങ്ങിയ ചിത്രം പോലെ എൻ്റെ ഹൃദയത്തിൽ നീ ഇപ്പോഴുമുണ്ട്. “മഷിത്തണ്ടിന്റെ ആവശ്യക്കാരിടെ സഹോദരാ, ഇന്ന് നീ എവിടെയാണ് തെറ്റുകള്‍ക്ക് പകരം ശരികളെ പെറ്റുകൂട്ടി ജീവിക്കുന്നുണ്ടാവാം. നിനക്ക് ഈ മഷിത്തണ്ടുകളാവശ്യമുണ്ടാകില്ല.”

ഇന്ന് വഴിയില്‍ കണ്ട കരിഞ്ഞുണങ്ങിയ മഷിത്തണ്ട് എന്തൊക്കെയോ ഓര്‍മിപ്പിക്കുന്നു. തിരിഞ്ഞുനോക്കുമ്പോള്‍ മഷിത്തണ്ടുകള്‍ മാത്രം വിളിക്കുന്നുണ്ട്. ആ പഴയകാലത്തേക്ക് തിരിഞ്ഞുനടക്കാന്‍.മ ഷിതണ്ടുകൾ ഇന്നും വേലിയിൽ സുലഭമായി കിളിർക്കുന്നു. .. ആ ഒരു കൂടിക്കാഴ്ച, മുപ്പത് വർഷം മുൻപുള്ള ആ സൗഹൃദത്തിൻ്റെ മധുരം വീണ്ടുംതിരികെ കൊണ്ടുവരുമെന്ന് ഞാൻ വിശ്വസിക്കുന്നു.

#മഷിത്തണ്ട്

#സുബുസുബി

ചിത്രത്തിന് കടപ്പാട് : ഗൂഗിൾ