ഒരു ബിസിനസ് ഡെവലപ്മെന്റ് മാനേജർ എന്ന നിലയിൽ, ശ്രീ മദൻ മോഹൻ ജിയുടെ ഗിർ അമൃത്ഫാൽ എ2 പശു ഫാമിലും, ചായ് പേ, എൻ സി അറിലെ ഏറ്റവും വല്യ റെസ്റ്റോറന്റായ 21 ഗൺ സല്യൂട്ട് റെസ്റ്റോറന്റ്, മറ്റു ഹോട്ടലുകൾ, ആഗോളതലത്തിൽ പ്രശസ്തമായ 21 ഗൺ സല്യൂട്ട് ഇന്റർനാഷണൽ വിന്റേജ് കാർ റാലി വരെയുള്ള വൈവിധ്യമാർന്ന സംരംഭങ്ങളുടെ വളർച്ചയ്ക്ക് അദ്ദേഹത്തിനായി എന്റേതായ സംഭാവന നൽകിയതിൽ ഞാൻ എന്നും വളരെയധികം അഭിമാനിക്കുന്നു.
വളരെ എളിമയോടു കൂടിയുള്ള നേതൃത്വ രീതിയും, ലാളിത്യവും ആഗോള വേദിയിൽ ഇന്ത്യയെ അഭിമാനിപ്പിക്കാനുള്ള പ്രതിബദ്ധത, പൈതൃകം, സംസ്കാരം, നൂതനത്വം എന്നിവ സംയോജിപ്പിക്കാനുള്ള ഒരു പ്രത്യേക കഴിവും എന്നെ മദൻ ജീയിലേക്ക് വളരെ അധികം ആകർഷിച്ചു. അന്തരിച്ച ശ്രീ രത്തൻ ടാറ്റയുമായുള്ള അദ്ദേഹത്തിന്റെ അടുത്ത ബന്ധം എന്നെ പലപ്പോഴും അത്ഭുതസ്തബ്ദനാക്കി.
ഇദ്ദേഹത്തിന്റെ ആയിരത്തോളം വരുന്ന വിൻടേജ് കാർ ശേഖരങ്ങൾ ശ്രീ ടാറ്റക്ക് പോലും എന്നും അത്യത്ഭുതമായിരുന്നു.
മികച്ച സ്വാധീനം, പാരമ്പര്യം, മികവ് പുലർത്തുന്ന ബിസിനസുകൾ കെട്ടിപ്പടുക്കുന്നതിനുള്ള ഒരുവന്റെ അഭിനിവേശത്തെ ശക്തിപ്പെടുത്തുന്ന ഇത്തരം ദീർഘവീക്ഷണമുള്ള വ്യക്തികളോടൊപ്പമുള്ള അനുഭവസമ്പത്ത് എന്നും നമ്മെ ശക്തരാക്കുകയും കൂടുതൽ ഉയരങ്ങളിലേക്ക് എത്തിച്ചേരാൻ അത് നമ്മെ പ്രാപ്തരാക്കുകയും ചെയ്യുന്നു.
കാറുകളോട്, പ്രത്യേകിച്ച് വിന്റേജ് കാറുകളോട് ചെറുപ്പം മുതലേ എനിക്ക് അതിയായ അഭിനിവേശമുണ്ട്.
എല്ലാവർഷവും വിദേശങ്ങളിലും ഇന്ത്യയിലങ്ങിങ്ങോളവുമായി നടത്തി വരാറുള്ള 21 ഗൺ സല്യൂട്ട് ഇന്റർനാഷണൽ വിന്റേജ് കാർ റാലി & കോൺകോർസ് ഡി’ എലഗൻസ് തികച്ചും ഇന്ത്യൻ പൈതൃകത്തിന്റെയും, ചാരുതയുടെയും, എഞ്ചിനീയറിംഗ് അത്ഭുതങ്ങളുടെയും ഒരു ഉത്സവമാണ്!
ലോകമെമ്പാടും അംഗീകരിക്കപ്പെട്ട ഒരു ലോകോത്തര മോട്ടോറിംഗ് ടൂറിസ കേന്ദ്രമായി ഇന്ത്യയെ വളർത്താൻ ഇദ്ദേഹത്തെ പോലുള്ള മഹത് വ്യക്തികൾക്കെ സാധിക്കൂ..
വിൻടേജ് കാർ റാലി വെറുമൊരു വാഹന പരിപാടിയല്ല, മറിച്ചു ലോകമെമ്പാടുമുള്ള അപൂർവ വാഹന നിധികൾ ഒരുമിച്ച് കൊണ്ടുവരുന്ന ഇന്ത്യയുടെ അഭിമാനമാനകരമായ ഒരു സമ്മേളനമാണ്.
ഗുഡ്ഗാവിൽ തന്നെ 1000-ലധികം ക്ലാസിക് വിൻടേജ് മാസ്റ്റർപീസുകൾ സ്വന്തമായുള്ള, ലോകത്തിലെ ഏറ്റവും വലിയ വിന്റേജ് കാർ കളക്ടർമാരിൽ ഒരാളായ മദൻ മോഹൻ ജി സ്നേഹത്തോടെയും കരുതലോടെയും ഈ റാലിയെ നയിക്കുന്നത് എന്നെ എന്നും അത്ഭുതപ്പെടുത്താറുണ്ട്.
അദ്ദേഹത്തിന്റെ വിൻടേജ്കാർ ശേഖരങ്ങളിൽ പ്രധാനമായും റോൾസ് റോയ്സ് സിൽവർ ഗോസ്റ്റ് (1906–1926), ജാഗ്വാർ എസ്എസ്1 (1933), മെയ്ബാക്ക് എസ്ഡബ്ല്യു38 (1937), ഡെലാഹായെ, ബെന്റ്ലി, ആസ്റ്റൺ മാർട്ടിൻ,റോൾസ് റോയ്സ് ഫാന്റം II (1930), ജാഗ്വാർ XK 120 (1948–1954),ഇതുവരെ നിർമ്മിച്ചതിൽ വച്ച് ഏറ്റവും മനോഹരമായ കാർ എന്ന് പലപ്പോഴും വിശേഷിക്കപ്പെടുന്ന) ജാഗ്വാർ ഇ-ടൈപ്പ് (1960 ), മെഴ്സിഡസ് ബെൻസ് 630 മർഫി (1920), മെഴ്സിഡസ് ബെൻസ് 300 SL ഗൾവിംഗ് (1954–1957), മേബാക്ക് SW 38 (1937), ഹോർച്ച് 780 കാബ്രിയോലെറ്റ് (1930), ഡെലഹായെ 135 ഫിഗോണി എറ്റ് ഫലാഷി (1930), ഡെലേജ് D8 (1930), ബെന്റ്ലി 8 ലിറ്റർ (1930), ആസ്റ്റൺ മാർട്ടിൻ DB2/4 (1950), ഫോർഡ് മോഡൽ ടി (1908–1927), ഷെവർലെ ഫ്ലീറ്റ്മാസ്റ്റർ (1940), ബ്യൂക്ക് സൂപ്പർ എയ്റ്റ് (1930കൾ–1940), സ്റ്റട്ട്സ് ബെയർകാറ്റ് (1910–1920), ഓസ്റ്റിൻ സെവൻ (1920–1930), കാഡിലാക് V16 (1930) ഉണ്ട്.
ഈ കാറുകളെല്ലാം ഭംഗിയായി ഡൽഹിയിലെ ചരിത്രപ്രസിദ്ധമായ ചെങ്കോട്ട, സിപി, ഇന്ത്യ ഗേറ്റ് രാജസ്ഥാൻ, ഗുജറാത്ത്, അതുപോലെ പല വിദേശ രാജ്യങ്ങളിലുമെല്ലാം പ്രദർശിപ്പിക്കാറുണ്ട്. ഈ വാഹനങ്ങളുടെ ഓരോ പതിപ്പും ഇന്ത്യയുടെ മഹത്തായ ഭൂതകാലത്തെ അതിന്റെ പ്രചോദനാത്മകമായ ഭാവിയുമായി ബന്ധിപ്പിക്കുന്നു. അതായതു 21-ാമത് ഗൺ സല്യൂട്ട് റാലി കാറുകളെക്കുറിച്ചു മാത്രമല്ല, ചരിത്രത്തെയും സംസ്കാരത്തെയും ദേശീയ അഭിമാനത്തെയും കുറിച്ചുള്ളതായതിനാൽ, ലോകത്തിന്റെ വിവിധ ഭാഗങ്ങളിൽ നിന്ന് ശേഖരിക്കുന്ന നിരവധി വിന്റേജ് കാറുകൾ മദൻജി അദ്ദേഹത്തിന്റെ ഗുഡ്ഗാവ് വർക്ക്ഷോപ്പിൽ എത്തിച്ചു വളരെ മനോഹരമായി അതിനെ പുതു പുത്തനാക്കി മാറ്റുന്നു. വാഹനങ്ങളോടുള്ള അഭിനിവേശവും പൈതൃക മോട്ടോറിങ്ങിനോടുള്ള പിന്തുണയും ലോകമെമ്പാടുമുള്ള വാഹന പ്രേമികളെ പ്രചോദിപ്പിക്കുന്ന പരേതനായ ശ്രീ രത്തൻ ടാറ്റയെ സേവിക്കാനുള്ള സുവർണ്ണാവസരം എനിക്ക് ലഭിച്ചതിൽ അതിയായ സന്തോഷമുണ്ട്.
മദൻ മോഹൻ ജി യെ സംബന്ധിച്ചിടത്തോളം, ഓരോ കാറും ഒരു കഥയാണ്, ഓരോ റാലിയും ഒരു ആഘോഷമാണ്, അദ്ദേഹത്തിന്റെ അഭിപ്രായത്തിൽ ഇതിന്റെ ഓരോ ചക്രവും ഇന്ത്യയെ ആഗോള മോട്ടോറിംഗ് പൈതൃക ഭൂപടത്തിൽ ഉൾപ്പെടുത്തുന്നതിനുള്ള ഒരു ചുവടുവയ്പ്പാണ്.🙏
