മൊഴിയമ്പ്

മൊഴിയമ്പു കോർത്തൊന്ന് കലഹിച്ചിരുന്നിട്ട്

മിഴിയമ്പിതെയ്തെന്നെ നീ വീഴ്ത്തിടുമ്പോൾ

മുറിവേറ്റു പിടയുന്ന ഇടനെഞ്ചിലോടും നിൻ

വിരലിൻ കുസൃതിയിൽ ഞാൻ മയങ്ങിടുന്നു

ചിരി കൊണ്ട് ചോന്നൊരു കവിളൊന്ന് കോട്ടി

ചിരിച്ചിതു മെല്ലെ നീ കഥകൾ ചൊല്ലെ

മറുമൊഴി ചൊല്ലാൻ വാക്കൊന്നുടക്കെയെൻ

കവിതയായ് നീയെന്നിൽ അവതരിച്ചു

ചിരിച്ചു നീ പൊഴിക്കും മൊഴിമുത്ത് പെറുക്കി

കോർക്കുന്നു വരികൾ ഞാൻ ഭാവനയിൽ

രമിച്ചതിൽ നീയ്യും ലയിച്ചെന്നിലയിയുമ്പോൾ

എഴുതുന്നു ഞാനെൻ കവിതയായ് നിന്നെ

നന്ദകുമാർ
825