💜എൻ പൊന്നുണ്ണിക്കണ്ണാ  💜

നീലകടമ്പിൻ ചുവട്ടിൽ ആയി
ഞാൻ നിന്നെയും കാത്ത് ഇരിപ്പൂ കണ്ണാ
ദൂരെ നിന്നും എത്തും മുരളീരവം
കേട്ടു കേട്ടു കോരിത്തരിച്ചു നിൽപ്പൂ ഞാൻ

നിൻ നീലപ്പീലിത്തുണ്ട് കാണുമ്പോൾ
എൻ മനം മയിൽപീലിയായി വിടരുന്നു.
നീ വരും വേളയിൽ എൻ പരിവേദനം
എണ്ണി പറയുവാൻ കാത്തിരിപ്പൂ… കാത്തിരിപ്പൂ കണ്ണാ

ഞാൻ രാധയുമല്ല മീരയും അല്ല രുഗ്മിണിയുമല്ല
ഭാമയുമല്ല നിന്റെ പ്രണയിനിയുമല്ല ഞാൻ കണ്ണാ…
ഞാൻ നിൻ കുറൂരമ്മയ്ക്ക് തുല്യയല്ലോ
കാണുന്ന ഉണ്ണികളിൽ എല്ലാം ഞാൻ നിന്നെ കാണുന്നു കണ്ണാ.
പുൽമേടുകളിൽ മേയുന്ന പൈക്കിടങ്ങളിലും
ഞാൻ നിന്റെ കുസൃതി ചിരി തിരയുന്നു കണ്ണാ…
സകല ചരാചരങ്ങളിലും ഒന്നായി വാഴുന്നവനെ…
എത്ര നാളായി കണ്ണാ നിൻ ദിവ്യരൂപം
ഒന്നു കാണുവാൻ കൊതിക്കുന്നു ഞാൻ.

ചില നേരം നീയെൻ മകനായും
ചില നേരം നീയെൻ പേരക്കുട്ടിയായും
എൻ വിരൽത്തുമ്പിൽ പിടിച്ചു നടന്നിടും നീ..

അപ്പോൾ എൻ ഹൃദയം വാത്സല്യത്താൽ നിറയുന്നു കണ്ണാ…
അന്ത്യകാലത്തിൽ നീ നൽകുന്ന ദർശനം
മതിവരുവോളം ഞാൻ ദർശിക്കട്ടെ.
ഈ പ്രപഞ്ചം പോലും അറിയാതെ എന്നെ നീ
വൈകുണ്ഠ ലോകത്തിൽ കൊണ്ടു പോകൂ….
ഈ ചെറു ജന്മത്തിൽ ഇനിക്ക് ഇനി ഒന്നുമേ വേണ്ട കണ്ണാ
നീല കടമ്പിന്റെ ചുവട്ടിൽ നീ ഒരിക്കൽ വരുമോ കണ്ണാ
അമ്മേ…. എന്ന് ഒന്നു വിളിച്ചിടുമോ?
എന്നെ ആ ഹൃദയത്തോടു ചേർത്തീടുമോ കണ്ണാ….
അതു മാത്രം മതി എൻ കണ്ണാ
എൻ പൊന്നുണ്ണി കണ്ണാ…
എൻ കണ്ണാ…. എൻ ഉണ്ണിക്കണ്ണാ….