മധുര പ്രിയർക്ക് ഒരു ലഡു

എല്ലാ ആഘോഷങ്ങളിലും പ്രധാനമാണ് മധുരം. ദീപാവലി ആഘോഷങ്ങളുടെ ഭാഗമായി എല്ലാ വീട്ടിലും മധുരപലഹാരങ്ങളും വിഭവങ്ങളും ധാരാളമുണ്ടാകും. നമ്മുടെ രാജ്യത്ത് മധുരങ്ങളുടെ ഉത്സവം ഉണ്ട്. ദീപാവലി അതിലൊന്നാണ്. സുഹൃത്തുക്കൾക്കും ബന്ധുക്കൾക്കും അയൽക്കാർക്കും മധുരം നൽകി ആളുകൾ ഉത്സവങ്ങൾ ആഘോഷിക്കുന്നു.

നമുക്കും ഒരു ലഡു ഉണ്ടാക്കാൻ അറിയേണ്ടേ? അതും വളരെ എളുപ്പത്തിൽ. വളരെ എളുപ്പത്തിൽ തയ്യാറാക്കാവുന്ന ഒരു ലഡുവാണ് റവ ലഡു. നല്ല സ്വാദിഷ്ടമാണ്. ഇന്ത്യയിൽ പ്രധാനമാണ് സന്തോഷവസരങ്ങളിൽ മധുരം പകരുന്ന രീതി. ലഡു ഉരുട്ടി ഉരുട്ടിയാണ് ഉണ്ടാക്കുന്നത്. തിരുപ്പതി ക്ഷേത്രത്തിൽ വലിപ്പമേറിയ ലഡു പ്രസാദമായി നൽകുന്നുണ്ട്. റവ ആരോഗ്യത്തിന് വളരെയേറെ സഹായിക്കുന്ന ഒരു ഭക്ഷണ വസ്തുവാണ്. ഗോതമ്പ് പൊടിക്കുമ്പോൾ ലഭിക്കുന്നതാണ് റവ.തടി കുറയ്ക്കാൻ ശ്രമിക്കുന്നവർക്ക് ഏറെ നല്ലതാണ് റവ. റവ കൊണ്ട് പല റെസിപ്പീസും നമുക്ക് തയ്യാറാക്കാം. ഉപ്പുമാവ്,ഇഡ്ഡലി, പിന്നെ സ്വാദിഷ്ടമായ ലഡു.

വേണ്ട ചേരുവകൾ:-
റവ ഒരു കപ്പ്
നെയ്യ് നാല് സ്പൂൺ
പഞ്ചസാര ഒരു കപ്പ്
മുന്തിരി 20 എണ്ണം
ബദാം 10 എണ്ണം
അണ്ടി പരിപ്പ് 10 എണ്ണം

തയ്യാറാക്കേണ്ട വിധം :-
റവ നെയ്യിൽ വറുത്തെടുക്കുക.വളരെ ചെറുതായി സ്ലോ ഫയറിൽ ഒരു സെക്കൻഡ് വറുത്താൽ മതി. അതിലേക്ക് കുറച്ചു പഞ്ചസാര ചേർത്ത് മിക്സിയിൽ ഒന്ന് ജസ്റ്റ് അടിച്ചെടുക്കുക. നെയ്യിൽ മുന്തിരി, ബദാം, അണ്ടിപ്പരിപ്പ് വറുത്തെടുക്കുക. അതിലേക്ക് റവ ചേർത്ത് ഒന്നുകൂടി എല്ലാം നന്നായി മിക്സ് ആക്കുക. ഇനി മെല്ലെ റവ ഉരുട്ടി കൊണ്ടുവരാം. പ്രയാസമാണെങ്കിൽ ചെറു ചൂടുവെള്ളം ഒന്ന് തളിച്ച് കൊടുക്കുക അല്ലെങ്കിൽ ചെറുപാല് ഒന്ന് തളിച്ചു കൊടുക്കുക. അതുമല്ലെങ്കിൽ കുറച്ച് നെയ്യ് ഒഴിച്ച് സുഖമായി ഉരുട്ടി എടുക്കാം. സ്വാദിഷ്ടമാണ് റവ ലഡു. ഉണ്ടാക്കാനോ വളരെ എളുപ്പവും.