ആര്യ അറിയാൻ 🙂

#ഫാൻ മെയിൽ #

പ്രിയപ്പെട്ട ആര്യ ( ബഡായി ബംഗ്ലാവ് ) വായിച്ച് അറിയാൻ,

ഏതാനും മാസങ്ങൾക്ക് മുമ്പ് വരെ ഇഷ്ടപ്പെട്ട നടി ആരെന്ന് ആരെങ്കിലും ചോദിച്ചാൽ ഉത്തരം പറയാൻ ഞാൻ വളരെയധികം ഡിപ്ലോമാറ്റിക് ആകുമായിരുന്നു. പക്ഷെ ഇന്ന് ഉത്തരം പറയാൻ എനിക്ക് രണ്ടാമതൊരു ഓപ്‌ഷന്റെ പോലും ആവശ്യമില്ല.

ഇന്നത്തെ ആ ഉത്തരം “ആര്യ” എന്നാണ്.

അതിന് നിമിത്തമായത് ആര്യയുടെ അഭിനയമോ ബഡായി ബംഗ്ലാവിലെ അവതരണമോ ബിഗ് ബോസോ അല്ല. മറിച്ച് ആര്യ ഒരു ഇന്റർവ്യൂയിൽ പറഞ്ഞ വളരെ വിലപ്പെട്ട ഒരു സ്റ്റേറ്റ്മെന്റ് ആണ്.

What is Ghosted relationship?

നമുക്കൊരു റിലേഷൻഷിപ്പിൽ താല്പര്യമില്ല എന്ന് കരുതൂ. പക്ഷെ ഓപ്പൺ ആയിട്ട് അത് അയാളോട് പറയാനുള്ള കെൽപ്പുമില്ല. പക്ഷെ അതേ സമയം ചുറ്റും ഉള്ളവരോട് അത് പറഞ്ഞ് വിശ്വസിപ്പിക്കുകയും ചെയ്യും. എന്നാൽ ഒരിക്കൽ പോലും ഇത് വേണ്ട എന്ന് ആ വ്യക്തിയോട് മാത്രം നമുക്ക് തുറന്ന് പറയാൻ പറ്റില്ല. അപ്പോൾ സ്വാഭാവികമായും അങ്ങനെയൊരു മറുപടി കിട്ടാത്തടത്തോളം കാലം ആ വ്യക്തി ഒരു പ്രേതബാധ പോലെ നമ്മുടെ കൂടെ കൂടും.

മാത്രമല്ല തിരിച്ചു വരും അല്ലെങ്കിൽ കുഴപ്പമൊന്നുമില്ലല്ലോ എന്ന ചിന്ത തന്റെ മനസ്സിനെ ഭരിക്കും.

എന്നാൽ സത്യകഥ എന്തെന്നാൽ അങ്ങനെ ഉള്ളവർ ഒരിക്കലും നമ്മുടെ ലൈഫിലോട്ട് തിരിച്ചു വരില്ല എന്നതാണ്. അവരിങ്ങനെ ഒരു സൈഡിൽ കൂടി നമുക്ക് പ്രതീക്ഷ തന്നുകൊണ്ടേയിരിക്കും. അതേ സമയം നമ്മളെ കൺഫ്യൂസ്യും ആക്കും. എന്നിട്ട് പെട്ടെന്ന് ഒരു സുപ്രഭാതത്തിൽ ആ വ്യക്തി നമ്മുടെ കണ്മുന്നിൽ നിന്നും മറയും.

ആര്യ പറഞ്ഞത് അനുഭവിച്ച, അനുഭവിക്കുന്ന, ഇനി അനുഭവിക്കാൻ പോകുന്ന ഒത്തിരിപേർ നമുക്കിടയിൽ ഉണ്ട്. എന്തിനേറെ, രണ്ട് സുഹൃത്തുക്കളിൽ പോലും കാണുമ്പോൾ സ്നേഹത്തോടെ പെരുമാറുന്നവരിൽ ഒരാൾ ഒന്നാം തരം Ghosted റിലേഷനിൽ ആയിരിക്കും തങ്ങി നിൽക്കുക.

അവർ നമ്മുടെ സൗഹൃദം കളഞ്ഞിട്ട് പോകുന്നതിന്റെ കാരണം പോലും തിരിച്ചറിയാൻ  കഴിഞ്ഞെന്ന് വരില്ല. പൃഥ്വിരാജ് അനാർക്കലിയിൽ പറയും പോലെ വെയ്റ്റിംഗ് റൂമിൽ ഇരുന്നിട്ട് അവസാനം ജീവിതം പുക ആണെന്ന് അറിയുമ്പോൾ ഭ്രാന്ത്‌ ആയി പോയവരെ എനിക്ക് അറിയാം.

ആര്യയുടെ മേല്പറഞ്ഞ ഇന്റർവ്യൂ കണ്ട അന്ന് മുതൽ ഈ കാര്യം ആര്യയോട് പറയാൻ ഞാൻ ആഗ്രഹിക്കുകയായിരുന്നു. അത് കൊണ്ടാണ് ഇന്ന് ഈ കത്ത് എഴുതാൻ ഞാൻ തീരുമാനിച്ചത്.

കൂട്ടത്തിൽ ആര്യ അന്ന് പറഞ്ഞ ഒരു കാര്യം കൂടി ഓർമ്മിപ്പിക്കാതെ വയ്യ.

നമ്മൾ എത്ര നാളെന്നും പറഞ്ഞിങ്ങനെ കരഞ്ഞു കാലുപിടിച്ചു പുറകെ ചെല്ലും?

അവർ വളരെ ഹാപ്പി ആയിട്ട് നമ്മുടെ കണ്മുന്നിൽ കൂടി നടക്കുന്നു. വീട്ടുകാരും കൂട്ടുകാരും ആണെങ്കിൽ ഒടുക്കത്തെ പുച്ഛവും ഉപദേശവും. അവർക്ക് വേണ്ടെങ്കിൽ നമുക്കും വേണ്ട, കളഞ്ഞിട്ട് പോടെ, Move on ചെയ്യണം, Self respect തുടങ്ങിയ Etc etc etc യോട് etc.

പക്ഷെ ഇതൊക്കെ ആര് കേൾക്കാൻ?

പക്ഷെ ഒരു “സുപ്രഭാതത്തിൽ” ഞാൻ ആ റിയാലിറ്റിയെ അങ്ങ് അംഗീകരിച്ചു.

ഇപ്പോൾ ലൈഫ് നല്ല സ്മൂത്ത്‌ ആയിട്ട് മുമ്പോട്ട് പോകുന്നു.

സത്യം പറഞ്ഞാൽ ഈ വരികൾ അന്ന് ആര്യ പറഞ്ഞത് കേട്ടപ്പോൾ അസൂയ തോന്നി. അതിനർത്ഥം ആര്യയുടെ ലൈഫിൽ ഉണ്ടായ അതേ “സുപ്രഭാതം” എന്റെ ലൈഫിൽ ഇത് വരേയും വന്നിട്ടില്ല.

വല്ലപ്പോഴും ‘സുപ്ര’ വരെ എത്തുമെങ്കിലും ‘ഭാത’ത്തെ ചേർത്ത് നിർത്താനുള്ള സമയം കൊടുക്കാതെ ഞാൻ ഇപ്പോഴും ആര്യ പറഞ്ഞ ആ Ghosted റിലേഷൻഷിപ്പിന്റെ പുറകെയാണ്.

അത് കൊണ്ട് ഈ കത്ത് തല്ക്കാലം ആര്യക്ക് ഞാൻ അയക്കുന്നില്ല. ആ ഒരു “സുപ്രഭാതം” എന്റെ ലൈഫിൽ വരുന്ന ദിവസം ഈ കത്ത് ഞാൻ ആര്യക്ക് അയക്കും.

അല്ലെങ്കിൽ എന്റെ ലൈഫിൽ ചിലപ്പോൾ ബിരിയാണി കിട്ടിയാലോ എന്ന പ്രയോഗം പോലെ ആ Ghost ഇങ്ങ് വന്നാലോ?

– കണ്ടാൽ അറിയാത്തവൻ കൊണ്ടാൽ പഠിക്കും -😊

✍️Darsaraj R Surya