പറയാനുള്ളത് ചെറൂക്കിന്റെ കഥയാണ്.
നിഗൂഢതകളുട ഒളിതാവളം.
എഴുതി വെക്കാത്ത ചരിത്രങ്ങൾ…
സത്യങ്ങൾ…
ചെറൂക്… ചെറുപ്പത്തിൽ കേട്ട ഏറ്റവും ഭയാനകമായ പേരുകളിൽ ഒന്ന്.
കനോലി കനാലിനു അഭിമുഖമായി ഒരു കിലോമീറ്ററോളം നീളമുള്ള ഒരു കുളം, അതിലെ കുപ്രസിദ്ധമായ ഒരു കടവ് അതാണ് ചെറൂക്.
തെളിഞ്ഞ വെള്ളം. നിശബ്ദത. പോക്രാച്ചി തവളകളുടെ മുരളലോ കാലൻ കൊക്കുകളുടെ മർമ്മരങ്ങളോ ഇല്ലാത്ത നിശബ്ദമായ ഒരിടം.
ഇടക്കിടക്ക് ഒളിച്ചു കളിക്കുന്ന സൂര്യൻ.
കാറ്റിന്റെ ശീൽകാരങ്ങളിൽ എവിടെയോ തങ്ങി നിൽക്കുന്ന ചില വിരഹ ഗാനങ്ങൾ.
തെളിഞ്ഞ നീല കളറുള്ള വെള്ളത്തിൽ പെട്ടന്ന് രൂപ പെടുന്ന ചുഴലികൾ.
പണ്ടൊരിക്കൽ പോത്തിനെ കുളിപ്പിക്കാൻ ഇറങ്ങിയ മമ്മദും പോത്തും പിന്നെ തിരിച്ചു കയറിയിട്ടില്ല. ചെറൂക്കിന്റെ ആഴ കയങ്ങളിൽ നിതാന്ത വിശ്രമം.
കഥകൾ ഏറെയാണ് ചെറൂക്കിനെ കുറിച്ച്…
മഗ്രിബിന് അംഗ സ്നാനം ചെയ്യാൻ പോയ ബീമാതാക്ക് നിധി കിട്ടിയതുൾപ്പെടെ.
ബീമാത്താ ആദ്യം കണ്ടത് ചുഴിയാണ്.
വാ മൂടി കെട്ടിയ ഒരു കുടം മെല്ലെ പൊന്തി വന്നു. ഒരു വിപതി ധൈര്യത്തിൽ കുടം വലിച്ചെടുത്തു കരക്ക് കയറി ഓടി.
അതിനിടയിൽ ആ ചുഴിയിൽ ഒരു മിന്നായം പോലെ കണ്ട ഭീകര രൂപത്തിൻറെ ആ പേടി മരണം വരെ അവരെ വിട്ടു ഒഴിഞ്ഞിരുന്നില്ല.
എനിക്കുമുണ്ട് അനുഭവങ്ങൾ…
തെളിഞ്ഞ നീല വെള്ളത്തിൽ ഞാൻ കണ്ട സ്നാനം.
അതൊരു മനുഷ്യൻ ആയിരുന്നില്ല ഉറപ്പ്…
പ്രകാശിക്കുന്ന നീല കണ്ണുകൾ.
വട്ട മുഖം. ചുറ്റിലും പരന്നു കിടക്കുന്ന നീളമുള്ള ചുരുണ്ട മുടിയിഴകൾ.
കൂടെയുള്ളവർ പറഞ്ഞു അതു സാത്താൻ ആണെന്ന്.
അതെ അന്ന് അവിടെ സാത്താന്റെ സ്നാനം ആയിരുന്നു.
ചുറ്റിനും കാറ്റ് ഉണ്ടായിരുന്നു മൂളി പാട്ടിന്റെ ഷീലുകൾ ഉള്ള കാറ്റ്.
പക്ഷെ ചെറൂക്കിലെ വെള്ളത്തിനു അനക്കമില്ലായിരുന്നു.
ഭയാനകമായ നിശബ്ദത.
മരണത്തിന് മുമ്പേ ഉള്ള നിശബ്ദത.
ചീവിടുകൾ എവിടെയോ ഓടി ഒളിച്ചിരിക്കുന്നു. സൂര്യനും പാതി മറഞ്ഞിരിക്കുന്നു.
ആ ഭയങ്കരമായ കാഴ്ച്ചക്ക് ശേഷം ഞാൻ ഇന്ന് വരെ അവിടെ പോയിട്ടില്ല.
വർഷങ്ങൾ… നീണ്ട വർഷങ്ങൾ…
ഇവിടെ ദുബായിൽ ഈ ശീതികരിച്ച മുറിയിൽ ഇരുന്നു ഫേസ്ബുക്കിൽ തോണ്ടി കളിക്കുമ്പോൾ “സ്നാനം” എന്നൊരു വാക്ക് എന്നെ ചെറൂക് വരെ എത്തിച്ചിരിക്കുന്നു.
ഒരു കാര്യം കൂടി.
സാത്താന്റെ സ്നാനം ഞാൻ കണ്ടതും വെള്ളിയാഴ്ച.
ഇന്ന് ഇതെഴുതുന്നതും മറ്റൊരു വെള്ളിയാഴ്ച.
ഒരു കുംഭം പത്ത്…
ചിത്രത്തിന് കടപ്പാട് : മാധ്യമം
17 Comments
ചെറൂക്ക് കഥകൾ ഇനിയും പോരട്ടെ, നല്ല രസമുണ്ട് വായിക്കാൻ 👍
Thank u jasna 🌹
നന്നായെഴുതി 👍
നന്നായി എഴുതി.
Sabira latheef…. 🥰🌹🌹
Anamika… 🌹🌹
Daa…ineem ezhutta…
നിഷറ…… Thank u🥰🌹
നന്നായിട്ടുണ്ട് 👍
Thanks… 🌹
നന്നായി എഴുതി.
ചെകുത്താൻ സ്നാനം, കുറച്ചു കൂടി എഴുതി പേടിപ്പിക്കാമായിരുന്നു.
വേറിട്ട അനുഭvam(?), നല്ല impressive ആയിരുന്നു. 👍👌
ജോയ്സി വർഗീസ്…….
അഭിപ്രായം… നിർദേശങ്ങൾ….ഇതെല്ലാം പ്രചോദനം ആണ്… നന്ദി…
കൊള്ളാം….
ചെകുത്താന്റെ സ്നാനം കാണാന് പോയ feel ഉണ്ടായി
അയന…… Thanks
എഴുത്തിന്റെ ശൈലി കൊള്ളാം. ഒരു ക്ലൈമാക്സ്സ് കൂടെ ചേർത്തിരുന്നെങ്കിൽ നല്ല ഒരു കഥ ആയേനെ… ആശംസകൾ👏👏👏
വായനക്ക് നന്ദി…. അഭിപ്രായത്തിനും…
സീന നവാസ്….. 🥰🌹