ചന്തം

ഇന്നെന്റെ ഓർമ്മകൾക്കിത്തിരി 

ചന്തം കൂട്ടി നീ.

നമ്മുടെ പ്രണയവും നമ്മൾ കണ്ട കിനാക്കളും

എന്റെ കാതിൽ നീ മന്ത്രിച്ച 

മൃദു മന്ത്രണങ്ങളും 

പാടിത്തീർക്കാത്തൊരാ-

പാട്ടിന്റെ മൂളലും 

ഇന്നെന്റെ സ്വപ്നത്തി-

നിത്തിരി ചന്തം കൂട്ടി നീ .

നിന്നധരങ്ങൾ എന്നോട് വിടചൊല്ലുമ്പോൾ നിന്നുടെ മിഴികളിലൂടടർന്നു വീണൊ-

രശ്രുകണങ്ങളിലൊന്നെന്റെ

കവിതയിൽ വന്നു പിടഞ്ഞതും

ആർത്ത നാദമായി, 

മഴച്ചാറ്റലായി,

വേഷപ്പകർച്ചകളാടി 

നീ വന്നതും 

നിൻ കരങ്ങളിലെന്നെ 

ചേർത്തണച്ചതും 

എല്ലാമൊരോർമ്മയായി,

ജല കണികയായി, ചിതറിടുമ്പോൾ 

ഇന്നെന്തു ചന്തമെൻ 

പ്രിയതേ നിനക്ക്…

ജമിനി കെ രാജ്