സ്നേഹത്തിന്റെ കിളിക്കൂട് ആദ്യ അദ്ധ്യായം മുതൽ വായിക്കൂ.
അദ്ധ്യായം 4 Dr. യദുകൃഷ്ണന്റെ കണ്ടെത്തൽ.
യാദവ് പിറ്റേന്ന് യാമിനിയുടെ Dr. യദുകൃഷ്ണനെ കാണാൻ പോകുന്നു. അവർ രണ്ടുപേരും ഏറെ നേരം സംസാരിച്ചിരുന്നു. യദുവിന്റെ തുറന്ന പെരുമാറ്റം യാദവിന് വളരെ ഇഷ്ടപ്പെട്ടു.
യാദവിന്റെ സാമിപ്യം യാമിനിയിൽ അത്ഭുതകരമായ മാറ്റങ്ങൾ സൃഷ്ടിക്കുമെന്ന് Dr. യദു കൃഷ്ണ ഉറപ്പു നൽകി. അത് യാദവിൽ ആത്മവിശ്വാസവും പുത്തനുണർവും
നൽകി.
യാദവ് അവൾക്ക് സന്തോഷം നൽകുന്ന പുസ്തകങ്ങൾ മുറിയിലേയ്ക്ക് എത്തിക്കാൻ തുടങ്ങി. അവൻ അവൾക്ക് ഏറെ ഇഷ്ടമുള്ള മുട്ടത്തു വർക്കിയുടെ “ഇണപ്രവുകൾ”എന്ന നോവൽ അവൾക്ക് എത്തിച്ചുകൊടുത്തു. അവൾ ഒറ്റയിരുപ്പിൽ അത് മുഴുവൻ വായിച്ചു തീർത്തു.
അവളിൽ കുറേശ കുറേശ മാറ്റങ്ങൾ കണ്ടു തുടങ്ങി. അവൻ വീണ്ടും വീണ്ടും
അവളെ ഓരോ വിധത്തിൽ പ്രലോഭിച്ചു തുടങ്ങി. അവൾ മനോഹരമായ കഥ കളും കവിതകളും എഴുതി തുടങ്ങി. അവളുടെ മനോഹരമായ ചിരി റൂമിൽ മുഴങ്ങി കേട്ടു.
യാദവിന്റെ പരീക്ഷണങ്ങൾ തുടർന്നു കൊണ്ടേയിരുന്നു. യാമിനിയിൽ മാറ്റങ്ങൾ വന്നു കൊണ്ടേ ഇരുന്നു. യാദവ് മുറ്റത്തെ റോസാപ്പൂച്ചെടിയിൽ വിരിഞ്ഞ ഒരു മനോഹരപുഷ്പം ഇറുത്തെടുത്തുകൊണ്ടുവന്നു അവൾക്ക് നേരെ നീട്ടി. അവൾ വാതിൽ
വിടവിലടെ ആ പൂവ് എടുത്തുമാറ്റി.
അവളുടെ ചുണ്ടുകൾ മെല്ലെ ചലിച്ചു. നീയെന്റെ ഇഷ്ടങ്ങൾ എത്ര മനോഹരമായി മനസ്സിലാക്കിട്ടിരിക്കുന്നു. അവൾ പതിയെ ചൊല്ലി. നീയെന്റെ യാദവ് തന്നെ. ഈ പനിനീർ പൂ പോലെ പരിശുദ്ധമാണ് നീ യാദവ്.
യാദവ് അവളുടെ വാതിലിന്റെ പൂട്ടു തുറന്ന് അകത്തു കയറി. യാദവിനെ കണ്ടപ്പോൾ ആ കണ്ണുകളിൽ എട്ടു വർഷം മുൻപ് കണ്ട അതേ തിളക്കം അവളുടെ കണ്ണുകളിൽ തെളിഞ്ഞു വന്നു.
അവളുടെ ഭ്രാന്തിന്റെ ചങ്ങല അഴിയുന്നു. ദിവസങ്ങൾ നീങ്ങി കൊണ്ടിരുന്നു.
യാദവിന്റെ തുളുമ്പിയൊഴുകുന്ന സ്നേഹം അവളിൽ ഒരു മരുന്നായി
പ്രവർത്തിച്ചു. പതുക്കെ പതുക്കെ അവൾ ആ പഴയ യാമിനിയിലേയ്ക്ക്
തിരിച്ചെത്തി തുടങ്ങി.
Dr. യദു കൃഷ്ണൻ യാദവിനെ അഭിനന്ദിച്ചു. യാമിനിക്ക് പുറംലോകം
കാണാനുള്ള അനുമതിയേകി. പിറ്റേന്ന് പ്രഭാതത്തിൽ യാദവ് അവളേയും കൊണ്ട് ക്ഷേത്രത്തിൽ പോയി. എട്ടു വർഷം നീണ്ട കാത്തിരിപ്പിന്റെ ദുഃഖം ആ മുഖങ്ങളിൽ തെളിഞ്ഞു കാണാം.
യാദവ്……. യാമിനി പതുക്കെ വിളിച്ചു.
ഇനി നീയെന്നെ വിട്ടു പോകല്ലേ?
ആ ഹൃദയം തേങ്ങി, കണ്ണുകൾ നിറഞ്ഞൊഴുകി.
അവൻ അവളുടെ കൈകളിൽ മുറുകെ പിടിച്ച് പറഞ്ഞു, ഇല്ല യാമിനീ ഇനി നിന്നെ വിട്ട് ഞാനെങ്ങും പോകില്ല.
എട്ടുവർഷത്തെ വേർപ്പാടിന് ശേഷമാണ് നമ്മൾ വീണ്ടും കണ്ടുമുട്ടുന്നത്. ഇനി
നമുക്കൊന്നിച്ചു ജീവിക്കാം. നമ്മുടെ ജീവിതം ധന്യമാക്കാം. ദുഖകരമായ
നാളുകൾക്ക് അന്ത്യം കുറിച്ചുകൊണ്ട് യാദവ് യാമിനിയെ തന്നോട് ചേർത്തു
പിടിച്ചു. അതുകണ്ട് വൃക്ഷ ചില്ലകൾ തലയാട്ടി രസിച്ചു. അവരുടെ അനുരാഗം
വീണ്ടും പൂത്തുലഞ്ഞു.
തുടരും……
1 Comment
Pingback: സ്നേഹത്തിന്റെ കിളിക്കൂട് അദ്ധ്യായം 3 - പ്രണയം തിരുത്തിയെഴുതിയ നാളുകൾ. - By Syamala Haridas - കൂട്ടക്ഷരങ്ങൾ