കാറ്റ്

ഒരു കൊച്ചു കാറ്റെന്നെ തഴുകുമ്പോഴെപ്പോഴും

അമ്മയെന്നെ തൊട്ടു തലോടും പോലെ

കാറ്റത്ത് ചാഞ്ചാടും മുളംതണ്ട് മൂളുമ്പോൾ

അമ്മ തൻ താരാട്ട് കേട്ട പോലെ

കാറ്റാടിച്ചെത്തുന്ന ചാറ്റൽമഴയിൽ എവിടെയോ

മധുരമായ് എന്നമ്മ കൊഞ്ചിച്ച പോലെ

എപ്പോഴോ കണ്ണീരുതിർന്നപ്പോഴൊക്കെയും

സ്നേഹമായ്‌ കാറ്റിൽ പറന്ന പോലെ

കാറ്റെന്ന മായായാൽ അമ്മയെ അറിയുന്നു

ഉള്ളിന്റെ ഉൾവിളിയിലൂടെ മാത്രം.