എനിക്കൊരു മഴയാവണം…
വിയർത്ത് കുളിച്ച് അവൻ വരുമ്പോൾ,
കുളിരണിഞ്ഞ് വിയർപ്പാറ്റാൻ….
എനിക്കൊരു കാറ്റാവണം…
വെയിലേറ്റ് പൊള്ളിയ കരുവാളിപ്പിൻ മേൽ
തണൽ പോലെ ആഞ്ഞ് വീശാൻ….
![](https://koottaksharangal.com/wp-content/uploads/2023/08/ad_Banner_1-copy.webp)
പൂന്തോട്ടമാകണം…
ഇടയ്ക്കൊന്ന് മഴച്ചാറ്റലേറ്റ്
മയങ്ങി കിടക്കുവാൻ…
ഇനിയൊരു നക്ഷത്രമാവണം…
എങ്ങോട്ടെന്നറിയാതെ ഇരുളിൽ നീ
നിൽക്കുമ്പോൾ കൈവിരൽ തുമ്പിൽ
പിടിച്ച് വെളിച്ചമായ് മാറുവാൻ…
കല്ലുകൾ പാകിയ ഇടവരമ്പിൽ തട്ടി
കാലുകൾ നോവാതെയിരിക്കൻ
നീ പോകും വഴിയെല്ലാം പടരുന്ന
പുൽനാമ്പുകളാവണം…
മറ്റൊരു ജന്മമുണ്ടെങ്കിൽ
എനിക്ക് അവനാവണം…
അവനെ ഞാനെങ്ങനെ സ്നേഹിച്ചെന്ന്
തിരിച്ചറിയാൻ വേണ്ടി മാത്രം…
😊