ഒരുപാട് കാര്യങ്ങൾ എഴുതാൻ മനസ്സിലുണ്ട്. പലപ്പോഴും എഴുതണം എന്നോർത്തു. പക്ഷെ മനസ്സിൽ എന്തോ കുറേ വീർപ്പുമുട്ടൽ. അത് കാരണം എഴുതേണ്ട കാര്യങ്ങൾക്കൊരു വ്യക്തത ഇല്ലായിരുന്നു. ഇത് കേട്ടാൽ തോന്നും ഇപ്പോൾ വീർപ്പുമുട്ടൽ ഒക്കെ മാറി കാര്യങ്ങൾക്കൊക്കെ ഒരു വ്യക്തത വന്നു എന്ന്. ഇല്ല ഇപ്പോഴും അങ്ങ് ശരിയായിട്ടില്ല. എന്നാലും നാല് വരി എഴുതാമെന്നോർത്തു. ഒരു തുടക്കമാവട്ടെ. ഇനി ഞാൻ എഴുതും എന്ന് മനസ്സിനൊരു സന്തോഷം കിട്ടട്ടെ. കാരണം എഴുതുമ്പോൾ മനസ്സിന് കിട്ടുന്ന സുഖവും സമാധാനവും ഞാൻ അറിഞ്ഞതാണ്.