അജോയ് കുമാറിന്റെ ലോകം

ബാലാസാഹിത്യ അക്കാദമി അവാർഡ്, ഇന്ത്യൻ റൂമിനേഷൻ അവാർഡ് എന്നിവ ലഭിച്ച എം എസ് അജോയ് കുമാർ ‘അങ്ങനെ ഒരു മാമ്പഴക്കാലത്തിനു’ ശേഷം ഏഴു പുസ്തകങ്ങൾ കൂടി പ്രസിദ്ധീകരിച്ചു. അതിൽ ആറാമത്തെ പുസ്തകമായ ജന്തുപുരാണം മറ്റു പുസ്തകങ്ങളിൽ നിന്നും ഏറെ വ്യത്യസ്‍തമാണ്, ഒരു പാട് രസകരമായ കഥകൾ, കുഞ്ഞുങ്ങൾക്കും മുതിർന്നവർക്കും ഒരു പോലെ കണക്ട് ആവുന്ന, ഇഷ്ടം ആവുന്നവയാണ്

ബാക്കി ഉള്ള പുസ്തകങ്ങളിൽ നിന്ന് വ്യത്യസ്തമായ ഒരു കളക്ഷൻ. ടൈറ്റിൽ പോലെ തന്നെ ആദ്യത്തെ കുറച്ചു കഥകൾ ജന്തുക്കളെപ്പറ്റിയും അടുത്തത് പുരാണങ്ങളെ പറ്റിയും ആണ്

നമ്മളെന്നും ചുറ്റും കാണുന്ന പാറ്റ, ഏലി, പല്ലി, തവള, ഫിഷ് ബൗൾ ലെ മീൻ എന്നിങ്ങനെ എല്ലാവരെയും ഓരോ പേരിട്ടു, അവരോടു സംസാരിച്ചു അവരുടെ മനസ്സറിഞ്ഞ പോലെ ഉള്ള കഥകൾ. അവർക്കും നാവുണ്ടായിരുന്നേൽ അവരുടെ ചിന്തകൾ ഇത് തന്നെ ആയിരുന്നേനെ.. എലികളിലെ സുഗതകുമാരിയും, ഫിഷ് ബൗളിലെ പുഷ്പദാംഗനും, പാറ്റാദി കേശനും, പല്ലിമൂതനനും, മൂളപ്പൻ കൊതുകും, സുന്ദര തവളെഷും ഒക്കെ സംസാരിക്കുന്ന ഒരു ലോകം. അവരുടെ സങ്കടങ്ങൾ പറയുമ്പോൾ ചിരിക്കണോ കരയണോ എന്നറിയാത്ത അവസ്ഥ..

ഇനി ഒരു പാറ്റയെ കൊല്ലാൻ പോകുമ്പോൾ ഒന്നു ചിന്തിക്കാതെ പറ്റില്ല… ഒരു പല്ലിയെ കണ്ടാൽ പോലും, അയ്യോ ഇത് പല്ലി മൂതനന്റെ വല്ല ബന്ധു ആണോ എന്ന് നമുക്ക് തോന്നാതിരിക്കില്ല. അത്ര മേൽ ഈ എഴുത്തും അതിലെ ജന്തുക്കളും എന്നെ സ്വാധീനിച്ചു, ചിരിപ്പിച്ചു, പിന്നെ ചിന്തിപ്പിച്ചു.

പുരാണകഥകളുടെ അജോയ് വേർഷൻ. കഥകൾ ഒട്ടും മാറ്റാതെ, സാരാംശം പങ്കിട്ട, അജോയുടെ കൈയ്യൊപ്പ് പതിഞ്ഞ ഒരു പാട് കഥകൾ. കഥകളും കഥാപാത്രങ്ങളും ഒരിക്കലും മറക്കാതെ കൂടെ ഉണ്ടാകും വായിച്ചു തീർന്നാലും.. കൃഷ്ണനും രാമനും, രാമായണവും, മഹാഭാരതവും, അതിലെ തെറ്റുശരികൾ വീണ്ടും ചിന്തിപ്പിച്ചു കൊണ്ട് നിറയെ ചിരിപ്പിച്ചു കൊണ്ട് ഇനി ഒരിക്കലും മറക്കാനാവാത്ത വിധം മനസ്സിൽ കയറിക്കൂടി.

കുഞ്ഞുങ്ങൾക്ക് പുരാണങ്ങൾ അറിയാൻ മനസിലാക്കാൻ ഇത് വായിച്ച മതി.. ചിരിയുടെ ഒരു പൂരം തന്നെ സൃഷിടിച്ചിരിക്കുന്നു അജോയ് ഈ ജന്തുപുരാണത്തിലൂടെ. തീർന്നപ്പോൾ കുറച്ചൂടെ ഉണ്ടായിരുന്നെങ്കിൽ എന്ന് തോന്നിപോയി. എഴുത്തിന്റെ ശൈലി കൊണ്ടും ഹാസ്യത്തിന്റെ അകമ്പടി കൊണ്ടും നരേഷൻ മികവ് കൊണ്ടും ഏതു പ്രായക്കാർക്കും ഒരു പോലെ വായിക്കാൻ പറ്റുന്നത് കൊണ്ട് ഈ വായനാദിനത്തിൽ പുസ്തകപ്രേമികളുട ഇടയിൽ ഈ പുസ്തകം അറിയാത്തവരുണ്ടേൽ അവരും വായിക്കണം എന്ന ആഗ്രഹത്തോടെ എഴുതിയതാണ്.. എല്ലാവർക്കും നല്ലൊരു വായനാദിനം ആശംസിച്ചു കൊണ്ട്..