ചിന്തകൾ ചിന്തകൾ ചിതറിത്തെറിക്കുന്ന നൊമ്പരച്ചീളുകൾ;
അതുകേൾക്കേയുലയുന്ന മാനസ ത്താളുകളിലതു കോറിവരയുന്ന മുറിവായിലെരിവേറ്റാൻ ചിതറി ത്തെറിച്ചൊരാ
കനലിൻ നുറുങ്ങു പോൽ ചിന്തകൾ ചിന്തകൾ.
ചിന്തകൾ ചിന്തകൾ ചിതറി ത്തെറിക്കുന്ന നീർമണിമുത്തുകൾ.
അനന്തമായൊഴുകുന്നൊരാരാരു മറിയാത്തൊരാഴിയിൽ ബാഷ്പമായ് തേങ്ങലിൻകൂട്ടുമായ്ചിതറിത്തെറിച്ചൊരാ നീർമണിത്തുള്ളിപോൽ ചിന്തകൾ ചിന്തകൾ.
ചിന്തകൾ ചിന്തകൾ ചിതറിത്തെറിക്കുന്ന തേൻമണിത്തുള്ളികൾ.
പ്രിയമുള്ളോരോർമ്മയാൽ ചിരി വിടർത്തീടുന്ന, മൃദുഗന്ധമേകുന്ന സുഖമുള്ള കനവായി മനതാരിലൊന്നാകെ കുളിർ പടർത്തീടുന്ന നിറമുള്ള നിനവുപോൽ ചിന്തകൾ ചിന്തകൾ.
