പണ്ട് അമ്മ പറയാറുണ്ട് ചില പെണ്ണുങ്ങളുടെ ഒരു ചിന്ത ഇത്രയേ ഉള്ളൂ – ഞാനും എന്റെ ഭർത്താവും ഞങ്ങളുടെ തട്ടാനും. അതിനപ്പുറത്തേക്ക് ഒരു ചിന്ത അവർക്കില്ല. അങ്ങനെയുള്ള ഒരാളെ നമ്മൾ ഫോണിൽ വിളിച്ചു എന്നിരിക്കട്ടെ. അവർക്ക് സമയവും സൗകര്യവും ഉണ്ടെങ്കിൽ ഫോണെടുക്കും. ഇല്ലെങ്കിൽ എടുക്കുകയുമില്ല, തിരിച്ചു വിളിക്കികയുമില്ല. എന്തിനാ വിളിക്കുന്നതെന്ന ചിന്ത പോലും ഉണ്ടാവില്ല. അതാ അവരുടെ ഒരു രീതി. ഈ ഒരു കാര്യം ചെയ്യാമോ എന്ന് അവരോട് മൂന്ന് മാസത്തിലേറെ പുറകേ നടന്നു ചോദിച്ചാൽ പോലും അവർക്ക് ചെയ്യേണ്ട എന്നാണെങ്കിൽ ചെയ്യില്ല. എന്ത് കൊണ്ട് നമ്മൾ പറയുന്നു, നമ്മുടെ സമയത്തിന്റെ വില – ഒന്നും അവർക്കറിയേണ്ട.
