ഇന്നിന്റെ ബന്ധങ്ങൾ

ഒന്നിൽ നിന്നും മറ്റൊന്നിലേയ്ക്ക് കൂടുമാറുന്ന ഒരു ഗെയിം പോലെ പോകുന്ന ഇന്നിന്റെ ലോകത്തിലെ ബന്ധങ്ങളെ ഭയമാണ്. ഒന്നിലേയ്ക്കാഴ്ന്നിറങ്ങിയാൽ ആ മനുഷ്യനിൽ മാത്രമായി ലോകവും വിശ്വാസവും ചുരുങ്ങിയാൽ നഷ്ടപെടുമ്പോൾ, ആ ഓർമ്മകളുടെ നീരാളികൈകൾ മനസ്സിനെ വലിഞ്ഞു മുറുക്കി ഒരിക്കലും ഉയരാനാകാത്ത വിഷാദത്തിന്റെ പൂക്കൾ പൂക്കുന്ന ചതുപ്പിലേയ്ക്ക് വലിച്ചു താഴ്ത്തുമോ എന്നുള്ള ഭയം… അളന്നു തൂക്കിയും മനസ്സിൽ അതിരുകൾ തീർത്തും ഇന്നിന്റെ ലോകത്തു ബന്ധങ്ങളെ സ്നേഹിക്കാൻ പഠിക്കേണ്ടിയിരിക്കുന്നു.