ഇലക്ഷൻ കാലമായാൽ കോളിംഗ് ബെല്ലിനൊരു വിശ്രമവും ഉണ്ടാകില്ല. വോട്ട് ചോദിക്കുന്നവർ വരുന്നത് ആണേ. ഇടത്, വലത്, വർഗീയ പാർട്ടികൾ, സ്വതന്ത്രർ തുടങ്ങി സകല ആളുകളും വോട്ട് ചോദിച്ചു ഇറങ്ങും. വാഗ്ദാനങ്ങളുടെ ഒരു പെരുമഴക്കാലമാണ് വോട്ട് പിടിക്കുന്ന കാലഘട്ടം. തിരഞ്ഞെടുപ്പ് കഴിഞ്ഞാൽ ഇവന്മാരെ പിന്നെ ആ പ്രദേശത്ത് കാണില്ല. ഇലക്ഷൻ ആയാൽ നല്ല പൂരം നടക്കുന്ന പ്രതീതിയാണ് സംസ്ഥാനം ഒട്ടാകെ. തിരഞ്ഞെടുപ്പ് പ്രചാരണങ്ങൾക്ക് വേണ്ടി കോടികളാണ് ചിലവഴിക്കുന്നത്. നമ്മളോ ഇവരുടെ കള്ള പ്രചാരണങ്ങളിൽ ആകൃഷ്ടരായി നമ്മുടെ വിലയേറിയ വോട്ട് നഷ്ടപ്പെടുത്തും. നമ്മുടെ വോട്ടിനൊരു വിലയുണ്ട്. അത് മനസ്സിലാക്കി കഴിവുള്ളവർക്കും അർഹതപ്പെട്ടവർക്കും മാത്രമേ വോട്ട് രേഖപ്പെടുത്താവൂ.
