കുരുക്കിനെ കുറിച്ചൊരു കുറിപ്പ്

#കുരുക്ക്

കുരുക്ക് രണ്ട് വിധത്തിൽ ഉണ്ട്. ഒന്ന് നമ്മൾ തന്നെ സ്വയം ഉണ്ടാക്കുന്ന കുരുക്ക്.. രണ്ടാമത്തേത് അറിയാതെ ചെന്ന് പെടുന്ന കുരുക്ക്..

നമ്മൾ സ്വയം ഉണ്ടാക്കുന്ന കുരുക്ക് ഒന്ന് വിശദീകരിക്കാം.

വലിയ പണക്കാരുടെ വീട് കണ്ട്, അത് പോലെ ഉള്ള ഒരു വലിയ വീട് ബാങ്കിൽ നിന്ന് ലോൺ എടുത്തും പലരോടും കടം വാങ്ങിയും ഒക്കെ പണിയുക..അവസാനം ലോൺ അടവ് തെറ്റി പലിശ കയറി വരിക.. കടം തന്നവർ പണം തിരിച്ചു കിട്ടാതെ വരുമ്പോൾ വീട്ടിൽ വന്നു ബഹളം വെക്കുക..

അങ്ങനെ കടകുരുക്കിൽ പെട്ട് അതിൽ നിന്ന് ഊരാൻ പറ്റാതെ കുരുക്ക് കൂടി കൂടി വരിക. അവസാനം ഒരു മുഴം കയറിൽ കുരുക്കിട്ട് ജീവിതം അവസാനിപ്പിക്കുക..

ഇത് നമ്മൾ സ്വയം ഉണ്ടാക്കുന്ന കുരുക്ക് ആണ്..

നമ്മുടെ വരുമാനവും നമ്മുടെ പരിമിതികളും ഒക്കെ സ്വയം ഓർത്ത്‌ വേണം ഏതൊരു കാര്യത്തിലേക്കും ഇറങ്ങേണ്ടത്..

അറിയാതെ ചെന്ന് പെടുന്ന കുരുക്കുകളും ഉണ്ട്..

കൗമാര പ്രായത്തിൽ ചെന്ന് പെടുന്ന പ്രണയകുരുക്ക്..നന്നായി പഠിച്ചാലേ ഭാവിയിൽ നല്ലൊരു ജോലി കിട്ടൂ.പഠിക്കേണ്ട സമയത്ത്,പ്രണയ കുരുക്കിൽ അകപ്പെട്ടാൽ പിന്നെ പഠനത്തിലെ ശ്രദ്ധ കുറയും.. ഇത് ഭാവിയെ ബാധിക്കുന്നു.. ഈ പ്രായത്തിൽ,

കാമുകനാലോ കാമുകിയാലോ വഞ്ചിക്കപെടുകയും ചെയ്യാറുണ്ട്..

വിവാഹം കഴിഞ്ഞവരും ഈ കുരുക്കിൽ ചെന്ന് പെടാറുണ്ട്..ഭാര്യയിൽ നിന്ന്, അല്ലെങ്കിൽ ഭർത്താവിൽ നിന്ന് കിട്ടുന്ന സ്നേഹം പോരാ എന്ന തോന്നലിൽ നിന്ന് മറ്റൊരാളെ പ്രണയിക്കുകയും അവസാനം അവരോടൊപ്പം ഒളിച്ചോടി, ചതികുരുക്കിൽ ചെന്ന് പെടുന്നവരും ഉണ്ട്..

ഉദാഹരണം ആയി രണ്ട് കാര്യങ്ങൾ എഴുതി എന്ന് മാത്രം.. കൂടുതൽ എഴുതി ദീർഘിപ്പിക്കുന്നില്ല..

✍️

ജിനാസ്. വേലാണ്ടി.

#കുഞ്ഞുകാര്യങ്ങൾ

#കൂട്ടക്ഷരങ്ങൾ