കാണാതിരിക്കാനാവുമോ?

മാഘമാസമെന്ന ഉപവസന്തത്തിൽ
മാവുകൾക്കു പൂക്കാതിരിക്കാനാവുമോ?
മാമാങ്കത്തെ മറന്നീടാനാവുമോ?

ഗ്രീഷ്മ കാലമീണമിട്ടാൽ
വിഷുപക്ഷിക്ക് പാടാതിരിക്കാനാവുമോ?
വാകക്ക് പൂക്കാതിരിക്കാനാവുമോ?

ഇടവമാസ പകുതിയിൽ വിരുന്നെത്തും വർഷത്തിൽ
പുഴകൾക്ക് ഒഴുകാതിരിക്കാനാവുമോ?
കൃഷ്ണനാട്ടം കാണാതിരിക്കാനാവുമോ?

ഓണമിങ്ങ് ഓടിയെത്തും ശരത് കാലത്തിൽ
പൂവിളി കേൾക്കാതിരിക്കാനാവുമോ?
മാവേലിക്ക് നാട്ടിലെത്താതിരിക്കാനാവുമോ?

ഹേമന്തത്തിൽ ആഹ്ലാദിക്കാൻ
ദീപാവലിക്ക് വിരുന്നൊരുക്കാതിരിക്കാനാവുമോ?
കാറ്റുകൾക്ക് തണുപ്പേകാതിരിക്കാനാവുമോ?

മകര സംഗ്രമം ആഘോഷിക്കും ശിശിരത്തിൽ
മരങ്ങൾക്ക് ഇല പൊഴിക്കാതിരിക്കാനാവുമോ?
മഞ്ഞ് പെയ്യാതിരിക്കാനാവുമോ?

ഈരണ്ടു മാസമായ് പിരിഞ്ഞൊരു ഋതുക്കളെ
നിങ്ങൾക്കിണപിരിയാനാകുമോ?
കാണാതിരിക്കാനാവുമോ?