ദുഃഖം

നിന്റെ ചിരിയിൽ

ദുഃഖമായിരുന്നോ—

മഞ്ഞുപാളികളിൽ തട്ടി ചിതറിയ

നീർത്തുള്ളികളോ,

വീർപ്പടക്കിയ ഇടനെഞ്ചിൻ നൊമ്പരമോ…

പറയാതെ വിങ്ങിയ വാക്കുകൾ

മിഴിനീരിലൊഴുകിയിറങ്ങി

തിരയുന്നു ദൂരെ—

ഒടുവിൽ,

ആ ചിരിയുടെ തിരശീലയ്ക്കപ്പുറം

നീ ബാക്കി വെച്ചത്

ഒരു ശൂന്യത മാത്രം;

എന്റെ വാക്കുകൾക്ക്

എത്തിപ്പിടിക്കാനാവാത്ത

നിന്റെ ഹൃദയത്തിന്റെ ആഴങ്ങളിലെ

അതിശൈത്യം മാത്രം…

ജെമിനി കെ രാജ്.