അതിരുകൾ

അതിരുകൾ നിശ്ചയിക്കുന്നത് അഹങ്കാരത്തിന്റെ അടയാളമല്ല…

അത് ആത്മബോധത്തിന്റെ ഏറ്റവും നിശ്ശബ്ദമായ ഭാഷയാണ്.

സ്വന്തം സമയത്തെയും, മനസ്സിനെയും, സമാധാനത്തെയും, സ്വാതന്ത്ര്യത്തെയും ബഹുമാനിക്കാൻ പഠിക്കുന്ന നിമിഷം മുതൽ, ജീവിതം മറ്റുള്ളവരുടെ ഇഷ്ടങ്ങൾക്കനുസരിച്ച് ഒഴുകുന്ന ഒന്നല്ലാതാകുന്നു…

മറിച്ച്, സ്വന്തം ആത്മാവിന്റെ താളത്തിനൊത്ത് സഞ്ചരിക്കുന്ന ഒരു യാത്രയായി മാറുന്നു.

ചിലപ്പോൾ നമ്മൾ പറയുന്ന ഒരു “NO”

ഒരാളോടുള്ള അകൽച്ചയോ വിരോധമോ ആയിരിക്കണമെന്നില്ല…

അത്,

സ്വന്തം ഹൃദയത്തിന്റെ വാതിൽ അനാവശ്യമായി തുറന്നുവെക്കാതിരിക്കാനുള്ള വിവേകമാണ്.

സ്വന്തം സമാധാനത്തിന്റെ പടിവാതിൽ കാത്തുസൂക്ഷിക്കാനുള്ള പക്വതയാണ്.

സ്വയം നഷ്ടപ്പെടാതെ ജീവിക്കാനുള്ള ധൈര്യമാണ്.

കാരണം,

മറ്റൊരാളോട് പറയുന്ന ഒരു “NO”

ചിലപ്പോൾ സ്വന്തം മനസ്സിനോട് പറയുന്ന

ഏറ്റവും സ്നേഹപൂർവ്വമായ “YES” ആയിരിക്കും.

എല്ലാവരെയും സന്തോഷിപ്പിക്കാനുള്ള ശ്രമത്തിൽ

സ്വന്തം ഹൃദയത്തിന്റെ ശാന്തതയെ പണയം വെക്കരുത്…

എല്ലാ ബന്ധങ്ങൾക്കും അതിരുകളുണ്ട്,

എല്ലാ സ്നേഹത്തിനും ഒരു അളവുണ്ട്,

എല്ലാ നിശ്ശബ്ദതയ്ക്കും ഒരു അർത്ഥമുണ്ട്.

സ്വന്തം സമാധാനം കാത്തുസൂക്ഷിക്കുന്നത് സ്വാർത്ഥതയല്ല…

സ്വയം സ്നേഹിക്കുന്നതിന്റെ ഏറ്റവും സുന്ദരമായ രൂപമാണ്.

സ്വന്തം ജീവിതത്തിന്റെ അതിരുകൾ വരയ്ക്കാൻ പഠിക്കുക…

അവിടെ നിന്നാണ് യഥാർത്ഥ സ്വാതന്ത്ര്യം ആരംഭിക്കുന്നത്. ❤️🌹

കെ. ആർ. സി. 🙏🏻