വിശേഷം 2024

എന്താ വിശേഷം എന്ന ചോദ്യത്തിന് മനുഷ്യർ മിണ്ടി തുടങ്ങിയ കാലത്തിനോളം പഴക്കമുണ്ടാവും എന്നാൽ ചിലയിടങ്ങളിൽ ഈ ചോദ്യത്തിന് ഉത്തരം മുട്ടും പറയാൻ വാക്കുകളില്ലാതെ, ഒറ്റപ്പെട്ട് പോവുന്ന ചില സമയങ്ങൾ. 

ഒരു കുഞ്ഞ് ഈ ഭൂമിയിൽ ജനിച്ച് വീഴാൻ ഒരുങ്ങുമ്പോൾ ചോദ്യങ്ങൾ തുടങ്ങും എത്ര മാസമായി? എത് ഡോക്ടറെയാണ് കാണുന്നെ? എന്നാ ഡേറ്റ് ജനിച്ചു കഴിഞ്ഞാൽ പിന്നെ വിശേഷം ചോദിക്കലിന്റെ ബഹളം ആരംഭിക്കുകയായി… സ്കൂളിൽ ചേർക്കുമ്പോൾ തുടങ്ങി പഠനം തീർന്ന് കഴിഞ്ഞ് ജോലി ആയില്ലെ വരെ നീളും…
പിന്നെ കല്യാണ വിശേഷം ആയി അതെങ്ങാനും വൈകിയാൽ തീർന്നു. പിന്നെ ഉപദേശവും കൂടി ഫ്രീയായി കിട്ടും. 

ഇതിനെയൊക്കൊ കടത്തി വെട്ടുന്ന വിശേഷം ചോദിക്കലും അതിനെ തുടർന്ന് നേരിടേണ്ടി വരുന്ന പ്രശ്നങ്ങളും സത്യസന്ധമായി
‘വിശേഷം’ എന്ന സൂരജ് ടോം ചിത്രം പങ്ക് വെയ്ക്കുന്നത്. 

ആനന്ദ് മധുസൂദനൻ എന്ന മ്യൂസിക് ഡയറക്ടറെ നമ്മൾ അറിയും 15 ലധികം സിനിമകൾക്ക് സംഗീതവും പശ്ചാത്തല സംഗീതവും ഒരുക്കിയ വിദ്വാൻ 🤗 മൂപ്പർ സംഗീതം നൽകിയതിൽ എനിക്ക് ഏറ്റവു ഇഷ്ടപ്പെട്ടത് പാ. വ എന്ന ചിത്രത്തിലെ പൊടി മീശമുളക്കണ കാലം.. എന്ന ഗാനം❤️ ഇന്നും എല്ലാവരുടെയും ചുണ്ടത്ത് തത്തി കളിക്കുന്ന ഒന്നാണ്.
പിന്നെ കൃഷ്ണൻ കുട്ടി പണി തുടങ്ങി എന്ന ഹൊറർ ത്രില്ലർ ചിത്രത്തിന് തിരക്കഥയൊരുക്കിയതും ഈ മനുഷ്യൻ തന്നെയാണ്. വിശേഷത്തിലേക്ക് എത്തുമ്പോൾ ഗാനരചന, തിരക്കഥ സംഗീത സംവിധാനം – പശ്ചാത്തല സംഗീതം, പോരാത്തതിന് നായകനും ആനന്ദ് തന്നെയാണന്ന് കണ്ടപ്പോൾ ഞാൻ ഞെട്ടി ! ഇതിന് മുമ്പ് ബാലചന്ദ്ര മേനോൻ ആണ് കഥയും തിരക്കഥയും ഒരുക്കി നായകനുമായി സിനിമ സംവിധാനം ചെയ്തത് എന്നാൽ ഒരു മ്യൂസിക് ഡയറക്ടർ – ഗാനരചയിതാവ് നായനാകുന്ന ആദ്യ പടമാവണം വിശേഷം. 

തിരക്കഥ നല്ലോണം പണിയെടുത്ത് ആൾക്കാർക്ക് മനസിലാവുന്ന ഭാഷയിൽ ഗംഭീരമായി തയ്യാറാക്കി. തിരക്കഥ ആവശ്യപ്പെടുന്ന നായകനായി സ്വയം അരങ്ങേറി കൂട്ടിന് നായികയായി മുഖത്തെ ചെറിയ ചലനം കൊണ്ടു പോലും ഒരു പാട് ഭാവഭേദങ്ങൾ തരുന്ന ചിന്നു ചാന്ദ്നിയും. 

ആനന്ദ് എവിടെയെക്കൊയോ ഷമ്മി തിലകനെയും ഇന്നസെന്റിനെയും ഓർമിപ്പിച്ചു എന്ന് പറഞ്ഞാൽ അതിശയോക്തിയില്ല. ഗംഭീര പ്രകടനം!❣️

എന്ന് വച്ച് സംഗീത സംവിധാനത്തിൽ ലേശം പോലും പിന്നോട്ട് പോയതുമില്ല എല്ലാ ഗാനങ്ങളും സൂപ്പർ !
സൂരജ് ടോമിന്റെ Sooraj Tom ചിത്രങ്ങളിൽ ഇതു വരെ ഉള്ളതിൽ ഏറ്റവും മികച്ചത് വിശേഷം തന്നെയാണ് എന്ന് നിസംശയം പറയാം

സമൂഹത്തിൽ നാം എന്താണന്നും എങ്ങനെയായിരിക്കണം, സമൂഹം ഒരോരുത്തരെയും നോക്കി കാണുന്നതിലെ അപാകതകൾ എല്ലാം ഒരു നേർ കാഴ്ചയായി നമ്മുടെ മുന്നിൽ അവതരിപ്പിച്ച 2024 ൽ കുടുംബ സമേതം കാണാവുന്ന ഒരു ചിത്രമായി ഈ വിശേഷ ചിത്രം വിശേഷിപ്പിക്കാം. 

Nikhil Thambi, Haris Mannancheril ഇനിയും ഒരു പാട് നല്ല സിനിമകളുടെ ഭാഗമാവാൻ സാധിക്കട്ടെ💞